📌 其實點解會講「好wo
共 75 條紀錄
其實點解會講「好worse」？咁同講「好better」有咩分別？我唔係想話啲英文唔好嘅人但真係唔make sense bro見/聽到都覺得好奇怪
就算係「好worst」都唔合理啦 你會講「好best」咩❓
中英夾雜就唔介意文法架啦
你會唔會屌人地講o唔ok?
O唔ok合乎語法喎，ok就好似「可以」咁，「可唔可以」、「應唔應該」，根據呢個pattern「o唔ok」係絕對合理，但我而家講緊形容詞而唔係你舉嘅例子，所以唔係同一個case
你講緊個語法係中文層上？
Ok係一個字黎，你問人o唔ok同問bill唔beautiful一樣。你有冇聽過鬼佬會咁樣講？
我冇話唔得，中英夾雜本來就係廣東話文化黎。
鬼佬都可以識中文㗎喎，但如果個鬼佬唔識中文嘅話又點中英夾雜？
好worst, 形容worst嘅程度（非常差），好better 會有衝突，因為已經係Better，咁你再加個好字去形容，咁咪即係而家係差，所以先可以更好🤡🤌🏻🤌🏻 就好似 I couldn’t care less , *I couldn’t be happier.
Worst 已經係「最」啦喎，點會仲可以有程度之分呢？
Bad, worse, worst
因為原本就唔係當佢英文咁樣用? 你係用中文'好'去加強個程度. 所以就係跟中文用法，而忽視bad, worse, worst 呢啲程度嘅限制?
Cls 你認真架？
即係你真心覺得「好最差」係合理嘅中文？
你直譯嘅話一定係唔合理，但係組成語言系統嘅唔止得文法理論，仲有好多元素，包括社會主流認同嘅用語、一啲約定俗成嘅嘢、文化差異 —— 香港人同外國人嘅情感表達方式等等。
以下為個人主觀意見及觀察：
你試吓用返直覺去理解「好worst」嘅完整中文意思係咩？我嘅語感係：比「好差」更加差、好惡劣，配返香港人傾向用比較cut off個人情緒嘅方式、輕描淡寫嘅語氣嚟講「好worst喎。好worst喎…」
再意譯返做英文通常會點講？我會話大概係That‘s SOOOOOOOOO bad!/ That‘s the worst! 外國人傾向較Expressive、七情上面（無論真心定串緊）
咁樣我覺得已經夠理解，如果你都係覺得唔合理嘅話，咁調返轉呢？如果淨係用好bad去形容，配合返香港人嘅情感表達，你覺得夠唔夠力度去表達以上意思？你估計大眾又會有咩觀點？
我個人認為就傾向唔夠力表達嘅，咁喺措辭上面修飾改做worst，可以讓香港人維持Poker Face（？）/低調（？）嘅情感表達，成件事就好make sense了～
至於「好best 」，香港人咁mean，weird得好合理😂
我第一次聽aka直覺就係 咩料錯晒grammar唔make sense😐我有思考咗一陣呢個詞，都依然覺得好奇怪
語言係由人創造出嚟，無論係世上第一個語言定現代一直興起嘅新創詞都好，我認為都係先有說法、後有文法，文法嘅作用係方便傳授同理解，並統一說法。再者，英文入面都好多唔合理嘅文法、不規則嘅發音，咪又係咁學🤓
如果你唔認同某啲新創詞，你有自由唔用架🙂↕️你可以主張你認為更好嘅表達方式，如果越講越多人認同你嘅說法，大家自然會慢慢改口～
同樣道理，早兩日見到有韓國人學識疊字用2次方嘅寫法去寫（e.g. 甜蜜^2、花^2草^2），呢種唔通又走去搵條數計嚟prove佢錯咩🤪係人都知呢個寫法係學生為咗慳力水創造出嚟，唔係真係一條數嚟架嘛～有啲時候唔洗咁拘泥於規則，大家先有空間發揮創意的🤣
p.s. aka(also known as)幾合理丫，只要前面加返逗號，我覺得冇問題吧
完全認同呀
同埋點解呢個係grammar問題？而家係個字完全用錯喎 “好worse” 好更差？ “好worst” 好最差？咩語言係用嚟溝通唔係比高低blah blah blah 咁點解唔講返好衰好壞好差？反而講好worst/ worse 而家係個字個意思完全唔make sense喎 同埋而家啲人又唔係全句英文只不過係中間掉隻唔啱意思嘅字出嚟 每次聽到都好撚尷尬
樓主 i feel you 😂
The number of ppl in the comments section saying this is OK is absolutely mind-boggling lol
Real😭😭it just doesn't make sense
好多時廣東話咁樣講都係志在聲調上「順口」
唔順口就唔會有人講㗎啦
Er我覺得好kick 就咁講好差唔好咩 好worse聽落好奇怪
香港人最鍾意捉英文文法，只接受 I go to school by bus. 加拿大噉多年我未聽過，反而聽 bus to school 多
好worst/最worst同亂鳩咁用which is一樣咁哽耳
Using "very" before a superlative adjective (e.g., "the very best") is grammatically correct because "very" acts as an intensifier, emphasizing the absolute nature of the superlative. While a superlative already indicates the highest degree, "very" reinforces that position, highlighting it as the absolute maximum, such as "the very latest," "the very best," or "the very least". -Google
最worse都見過😂既然係最唔係應該係worst咩😂
其實「最worst」都重複咗個最字但都好過最worse🤚🏻😩
唔知世界上除咗香港人，會唔會有其他國籍嘅人好鍾意捉人錯英文/grammar嘅呢？
語言本身係流動嘅，覺得明白就已經足夠。語言係用嚟溝通，唔係用嚟比較高低⋯人有腦補能力（前提係理解力夠），即使對方講得唔流暢、詞不達意，都可以嘗試包容，重點係盡量明白佢想表達啲乜。
更何況，你個例子其實已經係 localised 嘅港式英文，冇必要同所謂標準英文作比較。就算係 native english speaker，都會有唔同用法、變奏、slang 等等，大家同樣可以互相理解。講真外國冇乜人執著文法，放鬆啲吧～
好包容㗎喇我唔會喺人哋面前話佢 我就係聽咗好多次真係覺得好銀耳我先上嚟講
喺我角度，冇當面話人係禮貌嘅表現，但真正包容係換位思考，諗下點解其他人會咁講，包容同自己唔同嘅做法/講法，接受呢個世界唔係得一個標準
點解唔得，夠型既自創都得，好多所謂潮語都係咁黎，有咩唔得
唔通好kam又係英文咩
好dope
老best
中溝英，只要夠創意，多人講，講講下就變左正字，個sir字點寫架？😆
我冇辦法相信呢度一個手足都冇
大家都係認真討論Good ga
中文夾雜係唔講文法的，講文法都唔知應該用中定英嚟講。
中文：好更差
English: very worse
兩個都講唔通
會唔會其實係潮語嚟
People mountain people sea 咁
理論上係（好+adjective原型），不過好bad聽落奇怪咁解
樓主可以諗埋點解有好 shit，冇 “差 shit，壞shit”
浪費時間之選 👐🏾
我意思，諗呢啲野冇用
“good” “好” “very” “非常”
因為又會有人問，點解用 好，唔係用 非常
英夾中，係講順口，唔係講邏輯。
因為「非常」比較書面語
同埋我覺得「好差」順口好多。。。(My opinion only)
https://youtube.com/shorts/jWOJkxEVdAM?si=hauqIS1sKIrMRYby
望周知
至少我現實唔會咁
我喺網上呻下都唔畀？
如果講到你咁sor囉😂😂😂😂
其實就算講好bad都一樣怪 會咁講嘢多數都係偽abc
直接講好差 順口好多🙂↕️
🤯乜講好worst嘅人唔係因為知道文法錯先講架🤯成件事勁worst囉
其實冇分別, 祇係你自己喜歡點講啫. 等如：Sit down. Please. 或 Please Stand up !
通常講好好，
例如佢咁樣做好好，就話好good, 咁樣冇咁誇張，自誇或讚別人，對方聽落都易接受。
但係好差就話好worse, 表達好失望，即係衰過bad, 但未衰到貼地。