冇諗過剝一隻智慧齒由入診所個刻開始計起 要差唔多成2個半鐘頭先可以離開
講緊係冇其他病人 去到診所已經直入咁濟既情況下
醫生剝牙途中仲要跣手將個工具隊左入我喉嚨 搞到我喉嚨損左 而家吞口水、食野都痛
最後醫生唔知係咪剝唔掂 搵左另一個醫生幫拖😢😢😢
統一回覆！間診所近朗屏元朗廣場、元朗西巴士總站
係豪記蔬果對面，地舖黎，唔係好大間
睇當值表既名佢成間診所都係女醫生，每日會有2個醫生輪流當值
我係琴日星期一睇，幫我位醫生姓氏普遍d LXM，當值表寫佢星期一二四當值
間診所我睇完出番黎都有好多病人等緊，不過可能只係因為我搞左成2個幾鐘拉哂長龍
今朝收到診所what’s app問剝牙傷口情況，我下星期仲要番去拆線
長文慎入 太長要分兩篇
（1） 去剝智慧齒前我已經去過呢間診所洗過牙幾次 ，覺得收費合理同埋洗牙都乾淨細心又會關心病人感受
我仲介紹埋屋企人、同事去洗牙，所以諗住要剝牙好順理成章就book番呢間診所啦
我約左14:30，早左幾分鐘就去到，去到冇任何病人等緊
姑娘比左張手術同意書叫我睇番有咩風險再簽名好快就叫我名入房
入到房同醫生講想剝左下智慧齒，因為驚隻牙腳太貼神經線
我問使唔使就咁剝牙冠，由得牙腳係入面，醫生就話照電腦掃描睇清楚先
照完打左麻醉針、食左超強止痛藥，醫生睇左掃描話都唔會太貼神經線
可以成隻連牙腳剝埋都ok，咁醫生話ok就梗係信醫生啦，點知就係惡夢既開始
因為打左麻醉其實唔覺得痛，淨係feel到同聽到有工具係度撬撬撬咁
整整下醫生話要車細隻牙先剝到，所以過程中就會聽到撬下撬下》車細隻牙既鑽野聲〉feel到佢用鉗想鉗隻牙出黎，因為佢會不停左右咁移動，要另一個姑娘幫手扶住我個頭，以上動作不停loop
突然唔知係咪佢鉗得太用力然後跣手一野個工具隊左入我喉嚨，個下痛到我即刻叫左出聲，即刻feel到係損左
醫生同我講唔好意思，叫我合番埋個口休息下先，大約話我牙骨好實、牙腳又好長
有時智慧齒真係生得好衰，我都係要開刀切開牙肉，隻牙分幾分咁剝，不過就好彩過你，手術順利完成.
呢幾日會好痛，好好護理傷口，支漱口水，問牙醫再攞啦，你喉嚨個傷口，都好傷咁，使唔使搵個西醫睇？
（2） 叫我起身去照X光睇下而家咩情況，照完佢話我牙冠已經剝左，牙腳仲係入面，需要多啲時間處理
於是我又訓番上張床繼續，有聽到啪斷野既聲音，中途有望過手錶已經大約4點
冇諗過要剝咁耐加上佢隊損我喉嚨好痛，我就同醫生講如果剝唔到就由佢
醫生話咁又唔好，一係再試下，如果真係都唔得就留番隻牙腳啦
咁佢又繼續重覆以上動作，最後都係剝唔到就叫左隔離房另一個醫生黎幫拖
話我隻牙腳好肥大又有倒鈎，另一個醫生再剝左陣終於剝到，縫埋針就完結
見到我隻牙係要分左4份先可以剝到出黎，醫生話會開漱口水比我，因為佢隊損左我喉嚨
到出番Reception拎藥比錢已經係16:48，剝完出黎即刻叫我本身都預約左剝牙既同事快啲取消
開埋收據比醫生簽名，開多隻超強止痛藥比我，到離開診所大約16:5X
拎到d藥番屋企發現藥袋都濕哂連字都化開，唔知係咪支漱口水冇扭實，好彩冇漏到出黎整到我個袋，今次體驗真係夠哂難忘
而家打緊呢篇文既一刻，我傷口仲流緊血，大家剝牙簡診所真係要小心
開名啦，唔係全個元朗國都係咁嘅，唔好搞到無辜嘅國民
剥牙咁贵?我剥过冇医保报销800，睇医生，好医生几分钟收工。
Omgg 我係佢度洗牙 就正常🥹
你要Take Care ar
其實聽落你剝牙個過程都正常，除左跌工具。好多時女醫生係唔夠力幫人撬牙腳出黎。
u're not alone。第一次剝唔係睇開個個，係佢partner。兩點入房，一路聽住電台，搞到聽埋四點新聞先剝到。好彩本人唔怕睇牙，淨係心諗住搞咁耐做乜。第二次剝係睇開個個做返，半個鐘就搞掂。
所以點解話鄧仔好
因為夠力
手術愈快完，愈少血流
傷口愈快好
開名 🙏
元朗國民要避雷
我成廿年前係政府度剝大牙， 都係話我牙腳太長又有倒鈎，將我押到最後個症做
剝個時好似打仗咁， 又係幽盡力扯， 扯到我成個頭都拉起。。。超恐怖。。。我都凳佢攰。。
最後都係開刀。。。一早開刀係咪大家都好過D 😮💨
有次剝智慧齒有個醫生搞左半個鐘，佢都剝唔到最後佢放棄，吾收我錢！ 幾個月之後，搵另一個牙醫，佢話80% 開刀，10% 可能要轉介，問我試吾試🤪🤪🤪好快都比佢搞掂左
有D手術真係複雜的，我見過有D牙醫，大人牙唔剝(小朋友要剝大人牙for cool 牙)。