要好好愛自己 要照顧好自己情緒
要努力讀書 每日都要開開心心
影多啲相 拍多啲片
好好記低你同班同學仔一齊玩嘅畫面
因為你哋大個之後 唔會再一齊用呢個模式 用呢個心態玩
影低你哋放學組隊上同學屋企鬥Winning個喪樣
影低你哋畢業營 半夜死都唔肯瞓個貓樣
影低你哋用嗰把未變嘅聲 學人講粗口個衰樣
影低你哋呢世都打唔返出嚟咁青澀嘅MSN對話
影低你哋喺操場踢住包tempo就以為自己朗拿甸奴嘅英姿
影低你哋用printer印張歌詞出嚟跟住唱嘅童聲合唱版《住屋邨大》
錄低你哋班好兄弟 星期六晚一齊連住電話會議玩巨商嘅電話內容
影低嗰碗你同住你樓下 日日一齊放學嘅女同學 喺7-11食嘅仲係五蚊嘅撈麵
畢業嗰日
著住嗰件你好快就永遠唔會再啱著嘅校服
逐個邀請班上面每一位同學仔 同你影一張二人合照
咁樣長大後嘅你 就可以隨時打開相簿
坐時光機返去探下嗰個 我知道你一定一定會好掛住好掛住嘅你哋
俾人恰唔好淨係識喊 要反抗
而唔係抑鬱到傷害自己同停學
啲女同學恰你可以真係無理由的 你明明問心無愧..唔洗驚佢哋..
你無做錯任何野 唔好委屈自己成全人哋
更何況個啲根本唔尊重你嘅人
唔好覺得自己係怪物 你只係遺傳嚴重皮膚病嘅小朋友
雖然一直童年都無朋友 但係你將來會好番㗎！
唔好成日哩埋自己喊🖤🫵🏻堅強！
唔好懶，你將來要用好多時間追進度。
唔好人講就信，世界係有人會因為自己而呃你。
你係你，人哋係人哋。唔駛理佢哋講乜制止你，去做你想做嘅嘢。
早啲認清唔愛就唔愛，唔好俾藉口自己。
父母/親戚有佢哋嘅局限，佢哋都唔係萬能。所以，唔好聽晒佢哋講嘅「金科玉律」，所有人嘅行為都有目的，多啲諗「點解人哋要咁做」。
唔駛驚任何人嘅打壓，因為佢哋只能夠做呢啲小動作。
盡量趁後生去試多啲唔同嘢，唔好怕失敗。
人都係有既定立場，有人話你/質疑你，就唔係再嘥時間去解釋。
唔駛太聽阿媽話，反正曳過先會珍惜乖嘅你；
唔好結婚生仔，唔駛怕到老無依靠，單身其實不可怕；
學識投資，
一畢業就買樓，升一倍好放，唔好貪心
如果得一句話嘅時間，我會講唔好俾自己留低遺憾
如果有5分鐘嘅時間
我會話記得影多啲相，留低多啲回憶
珍惜身邊嘅人
唔好淨係識得一味付出，有啲人唔值得你付出
同好兄弟嗌交唔冼絕交咁盡，退一步海闊天空
跟住自己個心行，冇人可以逼到你做自己唔想做嘅嘢
最好就去早啲去箍牙啦
以後你會遇到幾個好女仔，千祈唔好怕醜就5追
多啲同女仔傾吓偈啦
記得早啲買部手機呀，如果唔係連女仔問你攞電話都冇得俾佢
寫日記記錄自己每日嘅感受，但係要收埋5好俾屋企人發現
如果可以嘅話去健身嘅話早啲跟教練學吓嘢
永遠要記住冇嘢係做唔到，係你自己想放棄先話自己做唔到
要帶眼識人俾人呃記得吸取教訓
千奇唔好借錢俾朋友，因為關係會越嚟越差
Nothing, she will figure it out
好好記住2015年去嗰次台灣 玩過咩食過咩 呢一次係你最後幾次同健康既爸爸一齊玩
我想你開開心心，做返個真正嘅小朋友，17歲嘅你，已經成為咗身邊人人都讚嘆嘅成熟乖巧嘅學生，但只有你自己知道，你心入邊渴求嘅嘢真係有好多。依家嘅我有人接住緊，所以我都想咁細個嘅你，唔好再因為人哋話你老積而開心，做返個小朋友，有想要嘅嘢就講，想喊就喊。
中四嘅時候，好好地再暗戀一次嗰一段冇可能嘅感情！雖然過程好苦但佢係接住你嘅人～要好好珍惜。
好好地經歷每一段友情，想喊就喊想鬧就鬧，唔好因為媽咪講「你使乜擺咁多感情落去朋友度」而否定自己嘅諗法，佢唔係你，條路係你自己行嘅，所以尊重自己諗法！永遠都愛你啊～
見到比特幣就掃掃掃
千祈唔好讀Bio
2020左右入手黃金
13歲果陣遇到意料之外既變化唔使驚，咩環境你都可以生存到落黎。
千祈唔好讀男校
千祈唔好揀IT
千祈唔好錯過機會
“Promise me you'll always remember: You're braver than you believe, stronger than you seem, and smarter than you think.”
同人相處時唔使咁拘謹，放膽識多啲人。鍾意嘅興趣唔一定要攞嚟做工作。抱多啲你愛嘅人
買邊隻股同六合彩，心理心靈問題有錢就可以解決到😭
中三升中四記得唔好揀理科、唔好戀愛腦專心讀書、同埋要學識好好理財
我反而會講多d溝女😂😂 讀書我好似揀100 次都係我而家既結果
你好独立，好勇敢，记住唔好太在意人地点捻你，你有你自己嘅路，唔好太容易投入感情，要锡自己多啲。攒多几个钱，去玩够正结婚。