冷知識：出街唔好扮醒
藍田街喺葵涌
西貢街喺佐敦
利東街喺灣仔(喜帖街)
恒安街喺牛頭角
太古廣場喺金鐘
暢運道唔喺機場
大坑西邨喺石硤尾
沙田坳道喺黃大仙
打鼓嶺道喺九龍城
銅鑼灣山路喺大圍
馬料水新村喺粉嶺
錦上路站唔近錦上路
香港一共有四個竹園
金錢圍同金錢唔同地方
大埔仔喺毒撚大學隔離🙂↕️
仲有一個，青山灣同你屋企差好遠🙃
眾安眾坊街
坑口大坑
利得耀東街
小牧愛街
金馬巴倫利街
你自己咪一樣喺度扮醒😗其實你寫呢個list出嚟你都係喺度𧥺人，我一睇就知你對香港地理嘅認知有幾咁膚淺，我勸你學好香港啲地理先寫呢啲嘢出嚟
又係一個對地理毫無認知嘅人😒
藍田街喺梨木樹，而家嘅梨木樹邨喺象鼻山，藍田街嗰度先係梨木樹
西貢街喺上角，香港只有一個地方叫佐敦(谷)，呢個地方喺茶寮坳同牛頭角之間，西貢街嗰個位置叫上角，佐敦道嘅兩邊就分別係官涌同上角
利東街喺下環，春園街以東先係灣仔，所以利東街嗰度係下環，唔係灣仔
恆安街喺官塘長沙，恆安街嗰度唔係牛頭角，嗰個地方叫長沙，或者叫官塘長沙/四山長沙
太古廣場喺中環，太古廣場唔喺太古站附近其實好正常，因為太古站喺鰂魚嶺，香港亦都冇個地方叫太古，太古係地產公司名
大坑西邨喺九龍塘大坑，大坑西邨嗰度唔係峽石尾，大坑西邨嗰個位叫九龍塘大坑，順帶一提九龍塘係火車路軌以西，九龍塘同嗰啲咩豪宅校網完全無關
沙田坳道喺沙田坳同竹園，香港冇一個地方叫黃大仙，沙田坳反而係一個地名，沙田坳係以前竹園人去沙田嘅必經之路嘅一部份，所以叫沙田坳，而黃大仙廟係喺竹園，反正當地嘅地名就係竹園
銅鑼灣山路喺銅鑼灣，呢個叫新界銅鑼灣，香港冇一個地方叫大圍，火車站嗰度叫積存圍，新界銅鑼灣嗰度填海之前係一個圓弧形嘅海灣，從高處睇就好似一個圓形嘅銅鑼，所以被稱為銅鑼灣，總之銅鑼灣就係當地嘅地名
其他嗰啲算你知埞
我講事實㗎咋，樓主對地理嘅認知咁淺薄，我唔想大家被誤導，所以咪盡可能講晒啲真相出嚟囉
銅鑼灣村喺銅鑼灣，呢個叫新界銅鑼灣，香港冇一個地方叫大圍，火車站嗰度叫積存圍，新界銅鑼灣嗰度填海之前係一個圓弧形嘅海灣，從高處睇就好似一個圓形嘅銅鑼，所以被稱為銅鑼灣，總之銅鑼灣就係當地嘅地名
新界銅鑼灣同積存圍互不隸屬，亦都唔屬沙田，理論上只係屬瀝源
九龍東帝苑酒店/皇冠假日酒店唔喺九龍東係喺新界東將軍澳
悅品酒店•荃灣/荃灣絲麗酒店/荃灣帝盛酒店/旭逸酒店•荃灣等等都唔喺荃灣係喺葵涌
維景酒店有兩家
港安醫院有兩間
大陸有樟木頭香港都有樟木頭
梅子林係船灣，梅子林路係馬鞍山
其實地鐵站啲站名唔可以叫地理
佐敦其實真地名叫官浦
黃大仙佢個真地名係叫竹園
香港有兩個炮台山
一個响港島
一個响油塘，又稱魔鬼山
因為打鼓嶺道以前有條打鼓嶺村，條村拆咗後啲人就搬去打鼓嶺新村
柴灣角街在荃灣
大埔道要睇清楚門牌，因為可以通到去深水埗
南昌街由龍翔道通到去界限街