凌晨6點仲未訓，諗住傾下真心話…
近排舖頭靜靜地，其實都維持咗一段時間。
想誠懇問下大家：
係味道、價錢、款式，
定係其他原因，
令你哋漸漸少幫襯咗？
想聽真說話，
經濟差唔想當藉口，亦都唔想故步自封。
只想客觀去做好啲，
每一條留言我哋都會用心聽、用心改🫶🏻
再次感激大家嘅每個留言，小編同老闆們都非常重視。🙏
由於涉及唔同分店及加盟店嘅運作，我哋需要時間逐一溝通同討論。唔係小編唔覆，而係我哋唔想隨便畀個官腔回覆就算。🙇🏻♀️🙇🏻
我哋聽到大家反映嘅重點，主要係：
📍 員工態度問題
📍 品質唔穩定情況
管理層責無旁貸，我哋承諾會加緊深入調查，並積極尋找解決方案。我哋珍惜大家嘅信任，請畀少少時間我哋去改善。💪
再次多謝大家咁坦白。❤️
我自己身為花班嘅員工望到個post都忍唔住想講，係你地諗住賺人錢之前，你首先對啲員工好啲先
1） 請人方面，唔該你見過面先好請，唔係一有人你連見都唔見就請，仲要編更編到完全冇走盞嘅機會，一個新人你連見都未見過，就直接俾更佢同時仲要cut走舊人嘅時間。你係當個新人乜都識？仲要佢地成日玩失蹤，第一日翻工連出現都冇出現
2） 人工方面，做左差唔多成年都係$55，然後有唔穩定嘅bonus，我做咁多野翻咁耐都係多啲新人$3-5😂，仲要睇你心情比bonus😂
3）編更方面，編到全日得3個人咁，一個坐收銀，一個入面沖野，煲野，仲要整雞蛋仔，啲新人唔熟手，就要放個舊人入去自己一個人做，如果唔係又比啲客話出餐慢，工作量係咁加但係你份糧又唔加。仲有1個人就係食飯，差唔多14:00先可以放第一個人食飯（因為第3個翻工嘅多數係13:30），有時個老細仲特登cut人更，cut到15:30先有人翻，咁即係翻10開早嘅要成16:00先有得食飯
另外，你星期五同星期六夜晚比得2個人係想點，一個收銀，入面嗰個做到成隻狗咁，都係個句人工唔加😅
你想啲員工做好啲，態度好啲，就請你都對啲員工好啲☺️
1. 好飲但貴
2. 店員又冇乜禮貌
3. 點解唔俾少冰，明明我買果款可以
之前去買白桃烏龍個店員俾幼飲管我⋯
我同佢講要支粗飲管，佢竟然答我幼飲管就飲到⋯⋯⋯
我唯有覆佢幼飲管啜唔到啲白桃粒㗎喎⋯
店員😒：冇白桃粒架喎呢杯
我：🙂😀😦？？有吖🙂⋯⋯
店員：冇架🙄
我：有🙂⋯⋯
成個世界靜咗幾秒，真係多謝晒終於捨得換支飲管俾我
乜粗飲管來貨價好貴咩？定係我之前飲嗰啲有白桃粒嘅白桃烏龍係我幻想出嚟嘅？
講真我係黎用幾十蚊去換個開心嘅廢水時刻，唔係收左工仲走去俾錢去買難受🤌🏻

作為員工有啲嘢我都唔想擺喺到講 但係見到個個都話我哋態度唔好 出餐出得慢 我真係好鄧我哋全部人唔抵 我由你哋最受歡迎最忙嘅時候返到依家 由50蚊開始同你哋返到依家
你哋自己問心 你哋以前對員工幾好 慢慢開始話生意唔好 好靜 對我哋越嚟越差 cut更cut人 到依家星期五六全日cut淨三四個人返 仲要時間係錯開 長期得三個人 有時忙到飯都冇時間食 我哋全部蝕住做俾你
後期就全部貪平請啲中學生 Kam撚返嚟 要啲老員工幫手執屎 返半年淨係識收銀 你哋都留 熟手高人工嘅就cut更
到舖頭嘅人有問題 態度唔好 我哋同你反映你哋就唔聽唔理 調反轉頭話我哋搞小圈子 積極反映嗰啲就俾你哋話搞事 炒左 有問題嘅留低 冇問題嘅炒 我每次都只能夠話呢到不愧係香港
有人投訴淨係識得問我哋發生咩事 你哋唔問下自己管理成咁到底發生咩事？
每日同你哋賣命咁 到頭來就係得到一個俾自己老細公審嘅threads post 生意好就應份嘅 生意差就係我哋嘅問題 我真係覺得好心寒
幾年前好飲 果時好中意白桃烏龍
後來愈黎愈差 飲親都係甜到pk又冇茶味
以前出街見到花斑一定飲 唔會揀其他
宜家不了
店員。
黃埔正中心基本得你哋一間茶飲店，買茶飲係不二之選。
有次我去買三杯嘢飲，有個類似大學生嘅男店員低頭搞緊手機，我話俾佢聽我要三杯嘢飲，佢好惡咁同我講「等一陣」。
我見佢應該撳緊foodpanda啲單，咁好啦，我等。但係我企喺counter前面等了又等，真心超過30秒，佢仍然冇理到我（當時得我一個客）。
雖然真係好想飲白桃烏龍加寒天，但我嬲到走咗。
因為愈嚟愈難飲，員工態度差。
管事人唔落場就慢慢會出現依個情況。
管事人落場又困身難發展。
野飲亂沖，員工hea做，仲會有人間唔中偷錢。偷完錢仲要覺得係你出手低，做到隻狗咁，啲錢係佢應得。
屌客、難飲，就係管理層管理不善嘅原因。都係快速執笠嘅原因，你本身條方幾好飲都難保持，因為忙啲就鳩沖，依樣係香港做飲食嘅人嘅壞習慣，唔鳩沖都好，茶飲店容易取代，顧客唔係忠誠嘅生物。邊到平靚正就去邊到。
以上問題，最大嘅問題就係：管飲食嘅人好煩，飲食業工作者好似香港人渣集中地咁，咩奇疤都有，正常人少之又少。良心建議係執咗佢。八個字送畀你啲員工：
唔好閪客，除非客閪
利申：開過外賣店，做過茶飲店
請年輕人做店員，建議你去天仁望下，佢哋態度好好多
利申：天仁粉
主要係啲員工態度
買杯嘢飲無話要啲咩服務，不過做人係咪都應該有基本禮貌嘅……同埋，可能一開張果時，啲員工太好，所以落差太大。
而且，由茶變成糖水🥲搞唔掂
你可能需要諗下點樣管理啲分店去保持質素
睇嚟啲伙記無禮貌係一個好主要嘅原因，無禮貌嘅鋪頭你真係一蚊都唔想比佢賺。
咁多人打咁大段嘢，你一個都冇覆到就知你哋個CS有幾差
1.以前有d分店職員好好，但執嘅永遠就係佢地(例如:沙田、荃灣)，依家淨返嘅分店職員態度差(例如:尖沙咀、旺角、觀塘)
2.自携杯份量間間分店好參差，明明大象杯有刻度都可以少，已經唔係一次向你地投訴過
3.味道亦無以前好飲
其實我覺得可以考慮搵銀髮族做店員，我覺得可能會好過請d後生嘅，後生嘅多數唔願做
利申...沙田店果時日日飲，飲到店員見到我已經識自動波幫我落單，又會問我今日有無帶杯
花斑曾經係我最愛嘅手搖，少咗幫襯原因下面大家都有講唔再詳述
但見到個post話想傾下真心話又一個cm都冇覆過，就更令我相信你哋營運team同門市店員一樣咁冇心做🚬
留得cm嘅大家都真係有心，都有愛過，你哋搞到自己咁只能說係可惜
俾你地啲店員嚇到唔想再幫襯
有一次喺Openrice撳自取，撳完之後預返時間行去你地鋪頭到拎，見Openrice個app未show拎得，成間鋪又得一個人，咪企埋一邊等囉 (冇擋住你門口嫁)
店員好惡咁講：你企定定喺到做乜嫁？叫野飲就直接嗌啦
我：openrice落左單自取，單no. 係xxx
佢：一早整好左啦，你未拎我唔會撳整好左嫁喎
咁嘅態度除非我嚴重m底啦，如果唔係仲點敢幫襯裡火第二次
我地公司係觀塘，以前成日都會訂50～100杯，但係漸漸話訂花斑就有好多同事話依家唔好飲，附近又開左Free D同萬波，多左選擇
作為一日飲2杯廢水嘅人可以話比你知，曾經我都好成日幫襯你地，但係已經完全見到都唔想飲，原因：
1. 你地嘅飲品經常唔比人走甜，就算少甜都係甜到仆街，香港嘅風氣：唔係太甜=讚美，但係你哋就偏偏唔俾人少甜走甜，係咩玩法？而且真係甜到黐線，不如你哋自己試吓個Menu先出街？搞咁多Crossover出樽仔奶茶紙包奶茶，吹到咁大又話賣晒又話要補貨就幫襯下，點知真係冇特別，而且都係好撚甜，甜都算，基本茶底香味都冇，一陣奶精味
2. 店員態度問題，幫襯過沙田黃埔旺角，呢幾間嘅店員全部都態度極差，明明接單唔多，但係沖得勁慢，一嘢啪一聲劈上張枱度，唔知仲以為佢先係客
3. 衛生問題，沙田店同埋黃埔店，特別係已經執笠嘅沙田店，曾經去幫襯過一次，點知等緊嗰陣，間舖頭店面勁多果蠅飛來飛去，老老實實，唔知啲蚊滋係咪來自舖頭，但係我都唔知仲飲唔飲手上嗰杯好
4. Menu勁悶，本身Menu上嘅嘢飲已經唔好飲，以前鍾意飲薰花鮮奶綠，貪佢茶香夠，最後幾次飲都好似飲緊水咁，啲果茶一聽到唔可以少甜已經冇再揀，然後每杯嘅容量又少，口渴起上嚟5分鐘就飲晒，仲要用埋啲死人紙飲管，上面種種加埋根本已經唔再係出街廢水首選
Studio喺觀塘但好少飲廢水。第一次係客買上嚟俾我飲（桂花烏龍），覺得好飲去買過一次。店員態度差、等好耐（要返去做客呀我哋），從此無買過。
最近買過一次萬波，同fd掛住講野落單講到1999，阿姨店員問多2次要唔要少冰少甜，話知我哋呢啲姐姐仔（中女)養生唔飲太凍太甜，關懷度好似我老母。
我幾個月都唔飲一次，但下次想買正常人會揀萬波 ( free d coffee一樣後生仔女店員，但態度正常)
花斑茶社好飲
我自己純粹因為減肥所以戒咗廢水
其他舖頭我都冇幫襯
睇晒其他九成留言
發覺主要都係因為
（1）服務太差
（2）滿足唔到客人要求，例如走甜走唔到
加油
未飲過，有次行過旺角想試下，行到埋去，至少企係收銀位左10幾秒，個店員都係低頭無反應禁住電話，叫幾下先應你，想飲烏龍奶茶加珍珠，佢同我講珍珠要等15分鐘，即刻轉身走人
咁多人comment 比意見
結果鋪頭一個回覆都冇🤣
如果想真正改善
Ａ請人要用專業既把關 薪水要俾夠 如果低薪就請唔到好既人
Ｂ用中年人 請２５歲以下時要有訓練
Ｃ參考咖啡師點訓練員工
Ｄ要有員工打游擊（區經） 例如一區有人係渣車巡３～５店 某店爆單時 即戰力協助清單
Ｅ如果係玩加盟制 出品同員工質素控制唔到 就ＧＧ 做生意 每５年就係一次死亡關口
廢水係情緒性消費
態度和出品穩定度很重要
市場萎縮情況下 一杯廢水貴過2送飯
價錢就要考慮調整
可以去尖沙咀睇下霸王茶姬d伙記，個個有禮拜有幹勁有熱誠，全部都係錢作怪
灣仔個間落單以為店員係啞嘅
成個過程一句野都唔講
但同自己同事又識講野
三十幾蚊買杯野飲基本對答都要有啩？
一係你炒曬啲人擺部自助點餐機喺度啦
好多有建設性嘅意見，但係完全睇唔到舖頭回覆，可能呢個就係答案。