📌 出去香港以外闖蕩咗幾
共 58 條紀錄
出去香港以外闖蕩咗幾年之後先至發覺
其實香港有啲位真係好幸福
1.基本上你想買啲咩都唔缺而且好易搵，尤其係好多好高質嘅高檔次產品，係仲要有得好腌尖地揀牌子
2.你可以半個鐘內由旺角gym完，去中上環同朋友食飯直落食甜品飲cocktail
3. 街上嘅行人行路有好清晰嘅動線，人流流向係做得非常好，好少人突然間企咗喺個路中心，或者好少撞到轉角嘅人（有啲抽象，不過我覺得住喺出面嘅人會明我講乜）
4. 所有嘢都好容易accessible，冇乜嘢會刁難你或者要你等好耐
5. 香港人消費能力真係可以好高，你望下中上環Soho cocktail bar 同citysuper 幾多人肯使就知
6. （港島人限定）天氣好係東區走廊搭車，維港兩岸高樓大廈進入眼簾 ，呢個畫面全世界都唔會有，得香港先有。係要離開咗你先會覺得呢個畫面好震撼，但係佢曾經係我嘅日常，每日有呢個畫面接你放工係好幸福
又唔知點解我呢篇嘢會飄咗出去
Anyway麻煩各位保持網絡禮儀 講嘢都要做返一個人
如果係offensive（towards任何人）嘅cm我會直接block
多謝各位🙏🏻
分享幾樣離開香港之後先真正感受到嘅事：
1. 喺香港，夜晚一個女仔出街其實幾安心。唔會成日擔心被搶手機、被人騷擾、甚至遇到持刀持槍嘅人
2. 食完晚飯想坐下、hea下，香港有糖水舖、有商場。但喺西歐，多數只可以去bar，如果你唔飲酒、唔鍾意嘈，其實選擇好少
3. 工藝快靚正。喺香港改衫、整錶、沖菲林，平、快、又方便。但喺西歐，隨便改短條褲都可以收€20，仲要等成個禮拜。TST Dotwell 一粒鐘沖好菲林再send埋條link比你係西歐無法想像到嘅效率
4. 稅。喺香港，稅唔係我日常會諗嘅嘢。但去到西歐之後，買歐盟外嘅嘢，關稅可以貴過件貨；年終bonus扣完稅差唔多冇一半；連儲錢、投資都要被課稅
如果用小弟作為居美兼藍領既角度，好多嘢都係兩睇…..
1. 買咩確實係易搵，不過都係要自己去 walk in，響我呢度 Amazon 反而解決曬呢啲問題，但當然呀貴啲。另一方面，某啲牌子既 exclusive 反而香港係易搵倒，呢方面係好正。
2. 咁響佐敦你可以唔搭車行路落尖咀旺角添…..
3. 呢樣嘢我就唔同意啦，有好多地方我發覺啲人一樣唔跟動線行，我自己反而係要左閃右避嗰個。
4. 咁基本上所有拍卡既都唔會有咩事既。
5. 你試吓去啲高價既中菜廳同茶樓….. 一片屎寂。
6. 咁唔揸車既話，坐電車由堅尼地城起行絕對係賞心樂事；btw，我本身返早班，揸車由屋企開市中心嗰個 cityview 真心覺得無敵～
港式生活好方向諗叫幸福及方便，壞方向諗叫喪失基本求生技能，家務湊仔可以外判俾工人，唔煮飯可以日日落街食，街外用膳平均成本低，公共交通太便利所以大部份人缺乏駕駛技能，基本家居木工水電維修容易及便宜地外判，很多人連換光管燈膽都唔識，聘用外傭價錢太平，新一代喪失日常自理能力，所以香港出生率低對地球是好事，因為好多新一代除了吃喝玩樂，基本上等同一個廢人，他們已經沒有任何傳統或技能可以傳承給下一代。如果世界有毀滅性戰爭或天災出現，香港人一定是最快絕種的一群
喺外面幾年，加埋去左唔同國家定居嘅朋友經驗分享，結論都係：香港真係好高質！
但同時，喺呢個高質嘅城市生活都一樣要有高嘅效率、轉數同人工，壓力亦正比例地大…
幸運地等到付出同收穫平衡，身體就開始有小毛病…佢話你知呢度嗰度嘅唔舒服越嚟越多…後生嗰陣都頂到，年紀大少少🤏🏼已經捱得好辛苦…
年輕留港拼搏絕對合適，年紀大就留返啲時間同力俾自己，搵個唔使咁快嘅地方慢慢生活
1. 就係唔貴既野香港先易搵易買過外國好多。大牌子水龍頭浴室野乜乜grohe嗰啲就好易查catalog上網買就易。我之前間屋有隻窗個柄斷左，又冇牌子型號都唔知點配，美國好多賣建材既鋪頭只係做contractor生意唔做街客，你去home depot去Lowe's嗰啲只係得大路產品，冇就冇，喺香港拎去啲街鋪問佢即刻搵到俾你，就算唔係十足都九成差唔多款即刻裝番用得。
不過除左呢樣特別方便之外，其他野唔覺得有咩幸福。
我都係住外國多年，覺得轉口港之名真心有料到
貨物種類齊全到啲好刁鑽嘅嘢都搵得到
來佬貨固然有，大陸貨亦有，最癲係明明日本牌子出嘅嘢，本土搵唔到；但喺香港搵得到
嗰啲年產量極少嘅季節限定生果又有賣，仲好多花款，啲極度冷門嘅organic產品又有賣，真係冇得輸👍🏻
好似好少國家/地區可以齊集晒東方同西方嘅靚貨咁，依家每次返去旅遊都好期待shopping環節🤣
最簡單，喺澳洲想買隻好用少少嘅易潔鑊都難，最後屋企人喺香港帶一隻過去
香港嘅公共圖書館服務應該都係世界前列，分佈適中之餘，設施同館藏都好過唔少地方
最緊要係無論政府財政係點，對圖書館嘅撥款都冇乜影響，唔似得有啲館噉要成日撲水
不過呢樣嘢越嚟越少人睇到，喺某啲媒體「加持」之下就衰多兩錢重
（唔係話唔俾投訴，圖書館的確有好多可以改善嘅地方，但係有啲問題就偏向first world problem噉囉…… 冇計，話晒呢啲係流量密碼）
十分認同 🥺
香港有佢唔好嘅地方
但唔代表呢啲好嘅要被無視
英國有好嘅地方
但唔係一句「英國有自由嘅空氣，低成本住洋樓養番狗」就遮哂所有香港好嘅野
另外都想講香港醫療制度比英國好
我鍾意香港有分公立私立
至少有得揀⋯（有咩需要借錢都可以醫）
利申：就算咩事都冇發生
我以前都唔想成世住香港
因為香港太多人同高壓
所以都唔係特別話要唱香港嘅好
出過外國住就知香港生活上好多野都優勝過好多地方
成日開口埋口話香港差個D真係身在福中不知福
雖然係外地住有當地既好處同優點
但香港便利同配套方面真係領先其他地方太多
去過外地生活好快會明
就算有D香港人可能覺得香港既好唔會令你感到驕傲
都唔駛諗到外國其他地方咁馨香
就係香港比有D人玩爛左
將D優勢全部放棄晒推倒晒每年退步緊.....
1認同，所以向香港會好容易跌錢，好似用哂一年既shopping quota🙈
3應該歸功於本身香港人行路講求efficiency
5一定係，最近見到有個post講coffee setup個個人都係post la marzocco, niche zero同埋set得又齊又多，我自己向澳洲用breville入門級已經滿足🥹
6香港巴士河境世一！！我向香港時瘋狂搭巴士就係為左呢啲海樓山合一既景！！
仲有啲subway/underground 。。。
香港地鐵真係無得彈 又密班次 同有冷氣又算乾淨
唔係洗白 係真係做得好好
NYC 試過被強行停駛 要行返上地面搭第二啲交通工具，仲有好多奇怪人一齊搭
London 就冇冷氣 又要有尿壓味
Paris 啲站都係一陣味
泰同台都好嘅 , 但啲班次比較疏落
日就經常睇片見到要推人入車廂 (我未試過)
我係冇喺外國住過嘅井底蛙。睇小說見到人哋喺美國，可能係偏遠少少嘅地方，個主角已經有錢住大屋，但一有大風雪就老奉停電冇暖氣；架車性能差少少，落雪就跣到仆街冇得外出。朝朝掃樹葉，垃圾車一個星期嚟一兩次。
地方係大生活係簡單，但亦有好多住香港唔洗面對嘅煩惱。
有辣有唔辣。
香港嘅幸福感好取決於spending power，有返咁上下錢係香港生活容易幸福感滿滿。🙂↕️🙂↕️🙂↕️但在香港以外好多地方，錢係冇乜用。認清呢個事實，後生唔係應該追求搵更多錢，係去睇下個世界邊到最啱自己生活，大灣區都好，歐洲北美南美都好，香港嘅金錢世界is not for everyone.
當一個地方失去咗真正獨立嘅法治同權力制衡，你今日喺 Citysuper 幾有消費力都好，只要政權一翻面，或者社會矛盾爆發引發暴動，你擁有嘅財富同一身名牌，瞬間就會變成暴徒洗劫嘅目標，或者被當局以各種名目凍結。冇咗制度保護，呢種物質上嘅「幸福」只不過係一個隨時會冧嘅沙堡壘。
就第一點已經非常同意，香港真係買乜都有。
而家住外國，好多時要買自己想要既嘢，係呢度都搵唔到，衣物鞋袋，生活小物，外國個啲，唔啱心水又貴又柒，樣樣嘢都要靠屋企人帶俾我/寄俾我/硬食好貴運費網購，例如：韓國潮牌。😮💨
因為呢啲野唔令我覺得幸福（但的確好方便）
加上所有野都轉變得好快，我無能力catch up 咁多
反而令我覺得好intense 精神好攰（無限既task or entertainment 等緊我安排）
所以我enjoy 離開香港既日子
但真係因人而異
一向對香港好多方面情有獨鍾，一個咁細嘅彈丸之地能夠雲集世界各地多種美食、能夠拍出多部經典嘅影視作品被譽為「東方荷里活」、能夠由一個小漁港成為亞洲小四龍⋯⋯呢啲都係值得我哋引以為傲。
其實香港交通，運輸綱絡真係做得好好，而且貿易港，好多歐日港台的產品都找到，而且我地做野效率好高；美中不足真係樓價，租金太高，增加左大家個生活壓力。所以overall 香港其實都唔差。
香港係「總有一間超市喺你屋企附近」，你住嘅嗰區，同時係有幾間超級市場嘅。唔似外國，去超市買嘢係出城咁，全家出動，要揸車去超市，買夠半個月嘅食物同用品，啲貨仲要係珍寶Size嚟。
維港兩岸高樓大廈進入眼簾 -> 紐約east river都有Manhattan Brooklyn兩面景色，仲要唔係90年先起嗰啲玻璃幕牆樓而係歷史上第一代高樓。。。你咁講都係因為你去歐洲(英國)姐，歐洲無咩發展呢啲
我已經去過紐約兩次just fyi
可能你誤會咗 佢唔單只係客觀嘅鬥多高樓大廈鬥歷史
嗰個情感連結唔係任何地方可以俾到我
Yes 但正正就係喺香港長大
佢唔係一個it could be any metropolitan
維港呢樣嘢嘅共同回憶係有獨特性
還有一件事就是你可以去到商店去試衫試鞋，而家美國好多商場入邊雖然有唔同牌子嘅舖頭，但入邊基本上好少貨品可以睇到摸到試到，而唔使等到寄屋企發現唔啱又要拎去換🙂↔️
尤其係鞋，鞋真係無試過點買，網購又要寄尼寄去。香水都係。
香港係咩亞洲、歐美品牌選擇都有，美國通常得歐美貨，化妝品都係，產品上香港多好多野揀
好多城市去旅行覺得好正，住一排發現基建因為地大分佈好唔平均，香港無地震巨型山火水災，水電煤好可靠，有公路圖書館游泳池體育館平均分布各區唔會收入低區就access唔到。
香港排水絕對世一，雖然香港都會水浸，但一定唔超過一天就排走晒😅
3 呢點以前係，而家越來越多人行行吓就停，或者望住個電話行，後面塞哂車咁。
但轉角好少撞到人又真喎⋯⋯諗極都唔得原因，係大家行路轉彎嘅角度定自細培養嘅默契定點呢？
住左外國十年，你所講既野大部分認同。但同一時間，因為每位市民要放棄或𤉋受好多野，先會得到以上你所講既野。
例如每人都有壓力極大既工。居住很細的單位等
岩，但10年前重好，無咁多詐騙，無咁多蠱惑嘢奇怪野，黑社會/罪惡都係好穩定同界線，點搞都好少搞到路人，斬既都係關事既人，接觸到既事物都純品啲
論方便程度，香港真係冇得頂
但係就係因為太方便，同埋乜嘢都容易買得到，仲要其實好頂級嘅嘢都唔算貴，令到物欲好旺盛
其實係一個唔係太健康嘅行為
香港夜晚返屋企11 , 12點都覺得仲係好放心。 宜家住喺Sydney ，我冇試過咁夜返屋企, 就算係都一定揸車, 一定唔會坐公共交通響呢個時間仲響街度...
6. 港島區東隧一出行個條高架橋落返銅鑼灣 坐巴士好好似過山車咁 同隔離啲民居好近好近 嗰個景象無論搭幾多次都會好深刻🥹
3係因為香港d路好撚迫
冇人突然企喺路中心 認真咩
自從smart phone出現左 日日都有懵撚行行下企喺到撳電話 由其是d老野 被撞死唔好怨🙄
3我已經覺得愈黎愈差，班人唔識行路咁，係電梯口停又係經常，行行下急停睇電話既又有🙃特別遊客多既地方真係塞死曬，要左閃右避
見好多人講3唔係好認同等我補充下
其實係想講人流嘅動線係好似有設計過，但係喺外國生活好多地方嘅人流設計好似冇諗過啲人會要點行，通常就會行得好亂，好多轉角位會撞到人，但係喺香港呢個情況比較少
宜家多左班大陸人都係鳩行，日日番工係條路行到燥底，呢啲野過多幾年你應該唔會覺。宜家後生個班連左上右落都唔識🥱
香港鐵路是世界級方便，以前有外國朋友黎旅遊，一日內可以到達九龍香港新界離島，搭巴士班次好密，佢地好鍾意搭巴士睇市區境。
樓主講得好好，但總有好多人仲係不滿係咁批評嗰樣批評依樣，淨係講依家打仗，香港人好似平行時空咁，已經係好多地區唔敢想像
我好明白。陪我一齊住係澳洲幾年既馬來西亞男友都話覺得香港係好方便😢
雖然墨爾本都算係個大城市，但便利程度都係相差甚遠
🙂↕️
發現自己中學免費教育已經係人哋嘅國際少少大學嘅教育
當然香港有差外國都有更好
只係自己咁啱有人比較到🙂↕️
夜晚九點落街成條街重係好多人
星期六日餐廳有開
餐廳開到夜晚十點十一點
外賣出街食方便過自己煮
不過每個地方都有好與壞
搭半個鐘車已經去到一個好郊外嘅地方行山，行兩三個鐘有城市境，又有全海景，行到攰落山搭幾個字車就出到市區食飯。
今朝ifc睇完戲，睇完點半行下新橋，
去到碼頭忽然想入南丫島行個圈
食埋野出返黎先1630
市區，離島半日遊都好方便
工作關係每個月都要去日本
雖然日本真係好正
但係喺生活便利上嚟講香港我覺得暫時都係世一！
特別係夜景🥹💕
香港嘅地鐵網絡絕對係世一级別
安全 可靠 有效率 乾淨
轉車方便 近乎零罷工
係間中「訊號故障」
收費又唔算太貴
外國生活過，真係覺得香港好多野都有99分🥹唔洗等火車要等30分鐘，仲要票價$1xx，好多時直頭skip左班火車或delay
樣樣都smooth
但神奇地冇一種反呢種生活嘅反叛變成潮流，比如乜都自己整、揀辛苦嘅做法，呢種反叛只會俾人笑