分享今日遇到疑似電話騙案嘅情況（估計99%係電話騙案）

今日下午12:30左右，收到一個9字頭嘅電話，頭兩次冇接聽，跟住對方用WhatsApp傳送一張「轉數快」嘅入數單據給我，係一筆港幣$300嘅入數單據！對方話入錯左去我帳戶！跟著對方就用WhatsApp直接打電話俾我，我有接聽，我直接同佢講「我無用轉數快戶口！你唔好再打電話俾我！你直接同轉數快那邊聯絡！」，跟住我就收咗線。
對方之後連續打咗幾次俾我，我都無接聽，跟住佢改用另外一個電話號碼打俾我，我都冇接聽！
之後我收工回家check email，發覺喺PayMe，真係收到兩筆入數資料，一筆係港幣$300！另一筆存款係港幣$1！
咁我就心諗，唔通係嗰個人，真係過錯數俾我！咁我就再問其他朋友，其他朋友都叫我唔使理佢！唔好用PayMe轉返筆錢俾佢，叫我去銀行直接處理！
剛剛9:00另外一個人用另一個電話WhatsApp我「人哋後生仔辛苦返工嘅人工唔小心轉錯咗俾你，如果你冇轉數快的話唔會過到數的，可能為你帶來不便同打擾，如果你怕是詐騙你可以上自己銀行度check 吓個數有冇過到，確定有個到的話轉返俾人有幾難呢？」

提醒呢啲情況真係要留意

@antifraud.hk

真又好，假又好，千祈唔好直接過番數比佢，一定要佢經銀行聯絡你解決，如果佢個account 有問題，直接回番錢比佢的話，你個戶口隨時有機會被凍結

所有轉錯數一律銀行解決

叫佢搵返銀行處理，你都可以打去payme通知有不明入數記錄，唔知佢個戶口有冇比人洗黑錢記錄，轉返比佢變左你戶口都有洗黑錢記錄就煩，經銀行處理唔使自己做

總知唔駛過番俾佢，叫佢自己聯絡銀行。

叫佢自己搵銀行搞，唔好做過數動作

我睇到最尾果段野，更唔會私下轉，DLLM 你自己轉錯仲要教訓人，老奉浪費時間check清楚咩， 唔撚該啲人過數用對死人眼睇清楚，最憎啲人自己做錯野仲騷擾人

感謝分享！

痴孖筋，仲好意思話「確認有轉返俾人有幾難」，而家係你自己on9搞到我，就算只係按個制，都係因為你on9而要我做一啲我本來就唔使做的事，要我又check又乜又7咁，仲咁的態度😩😩支持樓主咪Q理佢

同佢講，入錯錢要麻煩人地，$300茶錢都唔夠，入多$1千就差唔多🐒

太多乍騙又真的不能不防.交銀行係煩.但亦免更加煩的狀況.
近日入錯錢的我連自己也不知直到同事提示未收到喎.咪回家check payme (因手機有payme的不在身)咦！有同名同姓又係冇頭像的人退番比我(好少錢.幾十元only)付上:喂呀！你入錯咗呀！.
🤷‍♀️🤷‍♀️
原則上我同事有用payme 比過錢我但已經一年前我費事check record .咪直接在朋友欄打上同事姓名(佢個姓同名又少人用而我只識佢一個)所以一search 又見到啱就payme 比她.(連頭像也same一樣冇樣)
最後我冇損失.但對方是誰只今不知.因為我click 她電話居然無的.🤷‍♀️🤷‍♀️

基本上一定唔會轉返錢俾人，有問題叫佢報警，或者搵銀行處理

睇到對方最後回覆嗰句轉番俾人又幾難，真心on9，你轉錯數仲要麻煩我？

叫個個人搵payme

雖然似真係轉錯數。但如其他人講要經返銀行。所以樓主應該都要覆一覆佢，叫佢經銀行搞，確定係轉錯左嘅樓主會做返相應嘅野。
因為樓主最latest 對話係無收過，如果一直唔覆對家，對家癲起上嚟報警話樓主拾遺不報樓主都會蝕章的。

叫佢去銀行搞

你點知對方會唔會係通緝犯！你一郁點數HSBC學AIA報国安你就坐8個月😱

真係唔掂

叫佢轉多九千七比你，你就齊頭一萬轉番比佢。。

轉數快都唔同payme ，咁奇怪嘅⋯

入錯數應該係對方搵銀行處理，唔係收款方搞

1）對方入錯數（唔理多少）, 係佢問題，唔使理（同佢講都費事）。
2）所以陌生電話一律唔聽。
3）佢用 WhatsApp 再打比你，都好狼死。
4）一定唔可以心軟。

肯定係詐騙，通知銀行等銀行處理

其實好簡單，如果佢係香港，叫佢直接當面交收，畀返錢佢就得，唔需要用銀行轉帳！

咁講真呢單野似係真轉錯數，比返300佢就唔洗咁煩去銀行搞一大輪

佢既然話轉錯數，咪叫佢去銀行搞囉，咪搞我呀！

而家D騙徒真是越來越多花樣

叫佢報警🫢

免幫忙壞人洗黑錢，惹麻煩上身。

屌9佢，關我𠹌事，點知係未黑錢