我覺得唔好買梗衣櫃同鞋櫃，買啲開放式
搬屋嗰時比較方便拆走，當租屋時每一至兩年搬一次就明白。
買咁靚櫃要拆同重新組件係比較麻煩。
如果鍾意煮嘢食嘅，最好揀個有獨立廚房，同用煤氣爐嘅屋。btw課金吸塵抹地機械人，就可以感受到赤腳掂地下嘅幸福
推車唔覺得一定要買
其實你放上去嘅嘢如果唔係常用嘅話會好多塵🤣
投資一部蒸焗爐，一部有齊蒸焗炸效果。
RO水機，一㩒就有凍熱水。
買可以自動剪斷頭髮嘅無線吸塵機。
盡量唔好租要用儲水式熱水爐嘅單位，沖涼係享受，唔係比賽。
租屋傢俬唔洗貴，IKEA就得。同埋要預咗要拆。
出門口記得關窗同熄電掣
配定多條鎖匙放係公司做spare
家私雜物日用品各類野唔好一次過買咁多，除非你肯定住起碼幾年先好買
租屋先唔好買靚大型傢俬，通常啲人搬屋都唔帶走，都係擺上網free俾人
氣炸鍋可以幫你慳好多時間心機(加埋cp炸雞就very good)
氣炸鍋的確唔錯👍🏻 仲可以洗少個碗 不過我懶 用左一排冇用喇
1.從來唔係問題，因為沖凍水涼
2.從來唔係問題，因為趴喺度抹先最乾淨
其他隨意。
租屋唔俾鑽牆無得吊櫃架
買架買櫃都要買高
先用得盡果平方米🤷🏻♀️
傢俬衣櫃唔使貴，最重要係拆得走，床褥你真係唔準慳，唔批准買二手，一定要新（驚有床蚤），投資至少兩套好既床上用品，棉要織密啲，被就自己揀啦，有啲人鍾意重有啲鍾意薄，枕頭都要揀個好既，你瞓覺質量好重要。
毛巾，買純棉吸水好既，可以70*140cm 因為考慮到香港天氣潮濕，你會換密啲，但我建議你買個抽濕機，香港天氣好有用。