到底點解啲人會覺得住入老人院
個老人家真係變差就係老人院問題？
其實人就每天都正在衰老…
代理人心理，覺得俾咗錢買服務，唔變好都起碼唔會變差。
香港人係全方位地想俾錢代位晒所有嘢，甚至無衡量個份錢足唔足夠
俾得幾多？私/津好大分別 津嘅有幾多唔係食社署丫～
我有老人痴呆嫲嫲同中風婆婆入住過兩間唔同嘅老人院， 當時199x年同2000年頭，老人院質素同環境都一般，大部分開放式間隔，無私瘾，人多又嘈吵。長期開光猛天花燈，無自然陽光，夜晚瞓覺先成間老人院先較暗燈並唔係熄燈。
見住我嫲同婆被老人院護理員挷住對手腳係床邊，無得落床。因為老人院人手不足，如果無屋企人探望，呢d成日被挷住老人家真係好慘，無曬生活質素同尊嚴，同埋長期臥床到容易生床瘡。
呢種情況其實喺老人院同醫院好常見
「明明喺老人院好好地
次次入完醫院又差咗」
只能夠講家屬太習慣用自己嘅身體感覺
直接套落老人家度
就好似最常見嘅老人家轉老人院後差咗
唔係因為間老人院差
而係老人家適應力已經好低
所以反而更弱更易病
尷尬嘅係
我哋未必適合好直白同家人講呢個「現實」
因為有時可能佢哋都知
只係當下好需要一個情緒釋放點
某程度上甚至係著緊家人嘅一種表現
如果刻意去「點醒」佢
反而會令家屬受到更大刺激
所以有時真係聽佢哋呻完就算
我諗同長者心態都有啲關係，佢哋可能會覺得入咗安老院之後冇人陪個人住屈住咁，我見過一位長者入院嗰陣精精神神狀態都唔錯，過咗個零兩個月就成頭白髮，又攞拐杖變到要攞四腳架，喺好短時間狀態變得差咗好多😢
如果選到間OK的老人院, 家人又follow up得夠，其實都唔錯。我爸入左老人院後整體係好左，因為晌屋企阿媽照顧佢辛苦，有時對佢脾氣差左，又唔敢俾佢自己出街或做其他野，而家晌老人院反而多返D社交，同姑娘們相處開心，有D日常生活既野都自己做返，大家舒服。自立性多左係無退化咁快，雖然仍係有退化。
當然，我地簽左紙俾佢自由走動，都有跌倒既風險。但我地覺得綁住無意思。
只是去到醫院個老人科病房咁忙，都只能綁住晌床，探病時間有限，老人家又未必識好好表達需求，表達左又唔知有無人理，好難唔變差。
如果住老人院差咗
咁點解要送老人家去老人院？🤔
自己唔去照顧，將問題同責任推卸俾人🙄
都有影響㗎！尤其是香港好多老人質素都不是太好！除非你較有錢，就可選擇一些高質嘅老人院。院舍設備好些，活動空間亦多些，再上管理得好，那老人院生活亦自然愉快
因為人只會將壞嗰一面放大
好似我公公咁
佢去院舍之前 淨同婆婆兩老一齊住
因為冇空間一齊住 就算後生住附近日日去睇佢哋都係cover唔晒
成日都唔係唔食飯就唔沖涼
入咗去之後日日都捉佢沖涼 多咗好多老人家同姑娘同佢吹水
其實佢個人精神過喺屋企好多
老人院就系農場，工人集中處理牲口
農場慳成本，就用平價或大陸工人
工人覺得蝕底，就hea做
邊個比麻煩，例如屎尿，就惡啲對佢
收得貴啲嘅農場，請嘅工人可能好啲嘅
又唔妥當，都有人發現啦
但係有啲係以為入住就係服侍周到
我上年老豆走左，走之前半年開始冇胃口，走之前3 個月開始入醫院，住左10 日隻腳已經冇力落床，唯有去老人院。係老人院反而好小小 ，始終有人識得照顧 （新既老人院係古洞，唔錯）。不過因為都係冇胃口，一食得少個人就衰老得好快，我已經隔2-3 日去睇下，但係真係見一次瘦一次。好彩最後算係舒服咁走