前夫當年結婚禮金比38000，佢好耐之後數我，話我家人結婚唔退一半禮金比佢。我屋企嗰邊傳統禮金係唔退，只係其他生果鮑參翅肚退一半。請教下大家禮金其實使唔使退一半？
好彩38000姐 當跌左 傳統係要回一半俾男家
咁擺酒人情女家有冇袋 定你地自己袋返
嘩連當年俾咗$38,000禮金都記住，呢個男人都幾計較😅😅駛唔駛計埋通脹同利息🤣
我家是不收禮金，還會加些錢入去，希望新人人生步步高
通常女家買金器，但禮金巳經唔係多，仲回一半，已經係前夫，可以不理
如果當初想高d應該係俾夠6萬8/7萬8，再退一半，咁樣會好睇好多
我老公俾左10萬我媽做禮金 而我媽就俾番20萬我買金器各樣(包埋打條金鏈俾我老公,不過我老公話唔洗 叫我自已用)
38000既一半都要事後數你 好彩係前夫
我先生比10萬同1兩金粒比我屋企，我哋冇擺酒只係2家人食飯，咩都冇比我先生🫣
回幾多係娘家既心意，冇一定要回或者回幾多，同樣地收左禮金其實都係買返嫁妝比個女，錢咪又係一對新人袋返
好心啦，數還數，路還路，離婚更加要計清楚。成堆女乞衣
講咩咁少錢嗰啲，問下你公司出糧出少1000蚊，係咪當無數
其實只係想問清楚禮數上係需唔需要退
我同佢婚禮嗰幾十萬都係我哋自己出
唔需要乞個19000😂
而且婚禮同番工應該不可相提並論吧🙂↔️
咁有無跟足傳統 嫁左男家就係男家嘅人，唔係生老病死唔會返女家，不過離得婚都唔會傳統得去邊，通常係有錢收有利益嗰陣時先至會話要跟傳統
礼金會回尾數或一半。有些人回一個好意頭既數，例如9999，888等。當然要睇返礼金多小。以5萬兩金計，比38000，當然不用回一半。仲有係前夫，可以直接無視。
其實係好啲鄉下傳統外父外母會封返啲錢俾女婿。不過本身$38000 咁少，回都回唔到$10000 啦。
回係回意頭利是，女家鍾意點回就點回，未聽過要回一半，咁人哋封人情係咪要回返一半俾封人情嗰個人？痴痴地
嘩 你前夫咁都計住，好彩你走得快咋🤣 佢數你咪由得佢數囉，呢啲人咁記仇又造口孽，個天一定唔會「待薄」佢🤭
你同佢講，如果次次離婚都可以退一半禮金咁佢好快發達㗎喇，叫佢結多幾次婚啦PK 🤣🤣
我有聽說過所有嘢，包括禮金，會退一半。但係果時我哋要退嘅時候奶奶話唔需要退一半禮金，所以最後我媽咪封左個利是俾我老公買西裝。
不過話時話，如果預左女方退回一半嘅話好心佢預鬆啲啦。諗住淨係俾$19,000真係CLS。我果陣時仲要係男方俾曬酒席添。
好彩你已經飛左佢。
回唔回禮金傾銀碼嘅時候要傾埋
咁計較嘅人當年唔出聲？
3萬幾佢都要計😂😂比我真係拿出7萬捐去慈善機構 之後send比佢話幫佢積陰德
當年2011年，我得$16800，要退一半，重要我爸媽買好多野 (喼、男女睡衣、其他唔記得）
禮金要回一半，咁比咁多嚟托咩，又要威又要戴頭盔，你話回左啦，原價係76000的
咁派利是洗唔洗回？叫佢問樓下啲保安每人回返5蚊