📌 剛剛帶九十歲老豆（輪
共 73 條紀錄
剛剛帶九十歲老豆（輪椅人士）
去醫院複診（一個月三、四次）
本身已經唔夠瞓
心情又唔好
推住輪椅
佢係旁邊又不停催我
我一時火遮眼講左句：
「你都就嚟玩完，老人家唔好理咁多野啦。」
佢冇反駁
低頭講左句：「如果我行到，我都唔想煩你！」
心揪住一下
想起小時後
我做什麼他都會反駁、罵我
今次沒有
突然有小小後悔講錯嘢
#我不想
師兄 講左前邊果句，就撐唔落既
老人家可以惡佢地， 提佢地
但唔好話佢地就黎玩完
好傷心
雖然我都好明白 有時真係好勞氣
指揮官咁 成日又要咁 又要咁
幾廿歲人 輕鬆D 啦
明白你辛苦嘅，記得同爸爸講聲Sorry，唔講第時仲後悔
😞我想再陪老豆覆診都無啦⋯
佢拎住拐杖慢慢行、之後變成訓床咁覆診⋯
本來琴日覆診，但人已經係上年十月尾走了⋯
下一次如果好嬲佢果時，
你試下深呼吸數6秒，中間諗下可能真係倒數緊⋯
你講完有冇一刻覺得自己要落地獄？快d say sorry 啦！愛要及時！陪一次就少一次！加油！
明你壓力大，但快啲同爸爸道歉😭
當年我大伯係醫院叫我嫲嫲快啲死，嫲嫲喊咗好耐，真係太傷人心。
有冇入facebook 照顧者大大聲 個group？入面好多同路人，同埋你睇吓會唔會搵到機構陪診？
我就係入左group,我好明白照顧者的心情，因為我都係照顧者，我在最辛苦嘅情況家中有3個人需要幫助，但係講咁嘅說話被照顧者會好心痛。
真係辛苦你喇，抱抱🫂
我未成為照顧者，入去都係預先學習，因為父母年紀越來越大，終會有需要被照顧嘅一日。好多照顧者要返全職，或者從來冇照顧人嘅經驗，你一打三就更誇張，條路真係好唔易行，我都好明白點解樓主會衝口而出。😢
試吓問醫生/護士，可唔可以安排同一日覆診2科，起碼減少一日嘅舟車勞頓
睇左留言區
想同各位講句
未嚐他人苦，莫勸他人善
長照
單係個長字已經唔容易
你無付出過心力同時間
亦無長期聞老人家啲屎尿味
你屌樓主當然可以大大力
相信樓主係忍受左好多
先講得出呢句
樓主辛苦了🙏🏽
by the way 我唔覺得樓主要講咩sorry 囉
佢老豆要同樓主講多謝就真🙄
我都試過我去探老豆病嗰陣發佢脾氣😭
好後悔。佢係呢個世界上最錫我嘅人😭😭😭😭😭😭😭😭
Who care the carers?? 我體諒樓主你，照顧好自己嘅情緒先可以繼續有心力去照顧其他人，唔使太介意嗰啲講風涼話嘅人
我18歲考AL嗰陣呀媽cancer擴散全身行唔到，都要坐輪椅。當時老豆又走佬得返我同細佬兩個照顧老母，成日都要推出推入，同埋出出入入醫院。當時無論身心靈都好辛苦，三年幾後老母過身，嗰一下係好空虛，空虛到我訓佢張電床上面。但十幾年後嘅今日，我會好多謝老母比左個機會我照顧佢，令我人生少咁啲遺憾。
做照顧者係辛苦的，得閒出去抖下氣～同friends打波吹水飲下野都好架，加油！
其實，亞伯嘅說話係真心的，可以的話都吾想辛苦妳呀！老人家係心急啲，我都係當湊仔咁凑~ 氹 ，說教，鬧。
老人家唔係心急咁簡單！佢哋係無左時間感，所以事事都驚會遲，安撫下佢哋情緒，同佢哋講仲有大把時間唔使急！傾吓偈分吓佢哋心就得！
大佬一時又咒鳩你老豆就快玩完，一陣又希望自己六十歲仲有老豆，咁你想點
正常人有情緒一時衝動實有，最緊要事後道歉
唔係嘅話有啲野，喺佢或者你心中 ，後悔一世
我曾經十年以上，一年差不多有48個週末都需要從九龍入屯門盲人老人院探我爸，多年來好多不同感受出現過，掛念、討厭、疲累、排斥、關懷。隨住佢身體越來越差到最後病離開，最後就算過左幾年，只會剩低對父母的掛念，與對自己曾經出現既不孝表現而自責。路過見到您分享只係想勉勵一句，對年邁父母多包容，將來對自己個心都會更好交待
老爸卧床时
白天是老妈看护
我每晚下班回家
就得给老爸抹身体
换纸尿布
消毒
喂他睡前牛奶
点根他喜爱的檀香
给他舒服入眠
雖然很累
但
能在老爸身边听听他的胡话
也是幸福的
不过
时间一久
加上工作上的烦心事
老爸很多时候都会尿失禁
每次都得擦好几次的尿
消好几次的毒
我知道他也不想酱紫的
但
就是控制不住自己
埋怨他
怎么不消停
不能一次都尿完吗？
知不知道我上班已经很累了
回家还要不停的给你擦屎尿
老爸一听
毫不犹豫的把他藏在枕头下
宝贝得很的仅有的几千块
默默给我
还叮宁我
拿去用
别太劳累了
每当想起这段往事
眼泪就会啪啦啪啦的流下来
我真的很混蛋
好后悔酱紫跟老爸说话😭😭
呢句野點可以講得到，感覺你老豆比你狠狠插一刀入心，老土野唔怕做，我真心覺得你堅跪係你老豆面前認錯，再扮番小朋友攬住老豆喊，你老豆就乜都冧哂。
聽到我都想哭哭。你是孝順之人，不然就不會推老人家覆診。
師兄趁老人家還在，趕快道歉吧。別落下遺憾。
樹欲靜而風不止
往往壞情緒就留比至親
慶幸你爸爸90歲
唔好愛得太遲
盡孝要及時
祝福uncle身壯力健！
你爸爸不會嬲你，因為你是他生的女兒; 珍惜眼前人。
講咗出去嘅說話就收唔返
點解你啲eq咁低
有啲咩脾氣都好要學識撳住自己
當時我老豆係老人院8年
我每個禮拜放假都抽時間落去推佢去週圍玩
又出下銅鑼灣又出下尖沙咀咁
每次我都抱住好感恩仲有佢喺度陪住嘅態度
佢想去睇啲咩食啲咩我都就佢
就算自己點攰 有時推佢推到背脊痛都好
都唔會發佢脾氣
因為我覺得自己就算點做都唔夠孝順
後尾佢臨走前冇幾耐同佢食晚飯
見佢坐輪椅坐到黑哂面
話條尾龍骨好痛
我從來冇見過佢有我陪佢食嘢都咁唔開心嘅樣
我個下個心酸到都唔知點安慰佢好
我唔想佢再受咁多痛苦
仲應承佢下年同一地方食羊腩煲飲啤酒都已經冇機會
照顧老人時的火氣和後悔很自然，給自己一點溫柔的空間，像是對自己說：「我盡力了，現在可以好好休息一下」.
有啦！番工又要照顧，超攰，仲講粗口鬧我，佢病到有時語無倫次，但我冇嬲，我都多謝自己可以照顧佢咁耐。
一代一代都係經歷緊咩叫此消彼長
你每大一日，你老豆就衰退一日
你40歲都係去到人生最盛嘅階段，佢就返老還童要人照顧
知道照顧唔易，希望大家最後時光留低嘅都係無憾
🫂辛苦你了！看得出你盡力了！
也去抱抱返爸爸，講返句我愛你
好好同爸爸道歉，老人家只係心急，我都想我爸爸還陪係我身邊
明白照顧者辛苦🫂🫂🫂佢都唔想，如果真系太攰搵社區復康幫手，有日間服務包括陪診送飯物理治療等等
……根本每一餐飯每次相聚都倒數緊（無人知會唔會你死先過你老豆㗎，你近定佢近，邊個知）。真係忍一忍，唔好講啲咁發洩情緒嘅說話，傷佢心無意思……
都係嘅，老媽用緊，都幾好，交帶，不過，仲要俾埋車錢
明白及感到做照顧者有幾大壓力及疲累的！老人家就像小孩一樣偶爾扭計！但你要記住提高EQ去包容呀！向老爸說聲sorry 啦！及向老爸講：因你當刻確實很囉嗦！讓他知道自己都有些不著！
off topic, 你話你40歲 即係你爸爸50歲先生你！？
照顧者係辛苦，明白 🫂
但你嗰句說話係真係會傷到你爸爸嘅心…
同佢誠心道歉啦，講返你係一時衝動發咗脾氣，但其實你好珍惜佢
有啲老人家會有一份自尊心，佢哋都真係唔想麻煩人，怕成為人哋負累
千祈唔好俾一句衝口而出嘅說話造成雙方嘅心結，甚至以後嘅遺憾，因為到你發現係遺憾時，可能已經一世都補救唔到/放低唔到❤️🩹 🫂 🫂
老竇90 ，仔40 ，即係50歲有嘅BB，唔係咁容易啊
無事 https://www.threads.com/@zhouyu5168/post/DWTPA9vk-AT?xmt=AQF0gS-M4rAqpJ-YvUd7mS5caqKGHWeFH1SiWsW9usDpNrMTzyLkXXveUzpWTwD7pZFNdDA&source_surface=35&slof=1
你睇下依到啲人講野 就覺得你係正常
他走了之後你就後悔當初这樣說，我是過來人，而家想講都冇得講，珍惜眼前人吧。🙏
我都曾經對老竇講過一啲令我好後悔嘅說話，有時一句唔耐煩會令佢老人家好傷心，將來自己老咗都可能會係咁
都明白你嘅感受，正所謂未嘗他人苦，莫勸他人善。。。一句話，言者無心，聽者有意。。我太后都曾經一句我衝口而出的話都嬲咗我半年。而家想佢嬲都冇机會啦。
我係一名長者，現在漸漸學習聽話，仔女說乜我都話ok！
好明白你當刻感受，記得同papa道歉成件事會係完美結束～