剛剛3月頭返新工，人工少左，福利無左，諗住做住先，一年有7天大假都做，返工第一日同事同我講，病假有醫生紙都會扣大假或無薪假期，聽完後同我覺得工作量都比較多，已經想唔做，見經理中月比較忘，等佢忘完先同佢講我唔做，上星期我入經理房遞信比佢，經理問點解，話我做得好，我話我一年要覆診3次抽2次血，病假扣大假，我即係唔洗去旅行，如果咁樣我做 part time仲好，唔洗挷住我，鍾意幾時返都得，佢話比佢諗諗，隔一陣我再入房話我做埋下個月中會走，其實我一天就可以走，經理話過左試用期會調整加我$1500病假都會扣錢，我話我唔留了，講真未計覆診，如果我真係病，同我要去旅行的話要咁扣錢，我真係諗唔到咩理由留低🤔

我1月個offer 都係咁，又係得7日大假，不過新年easter d 公眾假期全部都要扣錢（因為未過probation ), 病假得4／5 ，工作環境又好差，每人得一張好細嘅豬肉檯，我跟住做左2日就無做了

啲公司咁刻薄，做多陣我都唔想，太委屈自己

點解你可以咁巴閉嘅，有份工畀你做你都唔願意去做，成日諗住落去旅行，而家出面個環境咁差呀有份工畀你呀，你咪執到囉，做人唔好咁樣啦，總喺度嫌三嫌四！

其實你無福利可以做，唔代表我巴閉，每個人要求唔同

因為我覺得而家搵份工作都好困難，我想有份工畀我做都冇得做，係呀每個人需求都唔同，畀著我就寧願佢係我放假攞病假都照扣，起碼有份工開到飯先！

有薪病假累積：在受僱首年內，每服務滿 1 個月可累積 2 天有薪病假；12 個月後，則每個月累積 4 天。有薪病假總數最多可累積 120 天。
金額計算：每日的疾病津貼金額相等於僱員在「病假首天」前 12 個月內所賺取的每日平均工資的 五分之四（80%）。
病假少於 4 天：若病假少於 4 天，勞工法例並無規定僱主必須支付薪酬，這屬於僱員合約條款或公司政策

覆診得1日病假咋！！ 你講緊既有薪病假福利係*連續4日病假* 先有既勞工福利！ 就係太多你呢D 一知半解既員工 HR 先要講完一次又一次！！

公司冇錯，勞工處法例的確一日病假公司有權唔俾日薪你～所以只能講哩d係無良公司!又想有人幫你盡力打工，但俾offer又要咁刻薄～唔係個個都會委屈自己去返哩d工，咪等佢慢慢搵到個肯願意嘅人囉～比我都唔會做，人人有得選擇～

刻薄公司

病假要扣大假😵‍💫好有問題

我都好多覆診，今年仲有5個覆診+4個檢查，完全返唔到FT，但PT申請過冇下文

大家加油搵工💪🏿

其實d香港老闆本身8成都刻薄，之不過早10 20年前大部分時間都環境好，多工揀，你福利差跳去第二度唔難，所以公司唔可以cut太多福利唔係挽留唔到人才，近一兩年職位求過於供又多左外勞，乜福利bonus大假dp要幾多cut幾多。

市唔好，等佢炒你好過

連機本病假都要扣錢，點會炒我補錢比我🙈

小小建議，除非你工作上係英文為主，否則係中文的話我建議你改善打同音字的問題，比較專業啲，有助你工作上發展，祝你搵工順利

謝謝你提議

根據香港《僱傭條例》，僱主必定要支付疾病津貼（即出糧）的病假條件如下：
病假連續不少於 4 天：僱員放取的病假必須連續 4 天或以上（如中間有休息日，可視作連續，但不會因休息日而獲得津貼）。
持有合格醫生證明書：需出示註冊醫生、註冊中醫或註冊牙醫簽發的醫生紙（病假紙）。
已累積足夠有薪病假：僱員已按連續性合約受僱（即「418」：連續受僱 4 星期或以上，每星期工作不少於 18 小時），並累積了有薪病假天

你一請就4日，佢一定要出80%糧俾你

7日大假已經係kam 工

病假有醫生紙點解要扣年假？
勞工法例唔係做滿一個月有兩日架咩

其實覆診抽血從來都唔列入病假，醫院都只會比「到診紙」你，因為你唔係「病」，你只係覆診
我唔係幫你公司，係政府有張咁嘅野幫d顧主

我知道抽血不列入病假，我之前公司有到診紙証明，唔會扣我大假或當無薪假，我知道每間公司都有唔同，只係呢間公司病假有醫生紙都扣我大假或無薪假期

现代人就一个字去形容，不爱吃苦，只爱享受。如果同佢哋讲上几代如何刻苦耐劳等，会说你老土迷思。

我都做緊物業公司差不多做咗1年，冇福利，返5日半，7日大假，請曬中年人，睇死我哋年紀唔細，冇人請，人工超低，三個月冇人工加，我要做到2027年先有人加，公司只有5個同事，勾心鬥角，是非之地，女老細又成日大吵大鬧，成日講我哋冇嘢做，我好無奈，咁你又請我？女老細聽曬個大話精講嘢，成日療事鬧飛，又厚面皮，唔怕醜，我仲要跟呢啲人做嘢，真係攪到心理受創，成日要做磿心，又要好小心，成日跣人，想走又驚搵唔到工😩

我最怕有這種同事一齊工作，少說話會好啲，大家都係打份工攪咁多事，祝你工作順利，小人遠離你😊

咩工嚟
介意講嗎

物業管理文員職位

去HA醫管局做好過，起碼一年有12日大假，唔會扣你冇薪假，睇醫生又唔使錢。工種範圍有文員、病人支援、行政助理等

點解唔搵勞工處？

不過咁刻薄的公司，真係唔好做

其實一見工已經要講清楚知清楚公司政策 唔啱自己就唔好做 唔好大家浪費時間

如果簽約講明，我會即時唔簽約，我又無問亦無諗過病有醫生紙都扣大假或無薪假期🙈

Same here，新工一星期多，福利勁差，淨係無病假呢點已經唔想做……

咁似我之前間日本電子公司嘅

西公司

唔明點解仲有呢啲咁刻薄既工

再搵過
加油呀～～

呢份尖酸刻簿工，不做亦不可惜。

我個仔現在份工都是這樣 我都叫佢唔好做呢 反早8：00至7：00 五日半 總要每星期都要反香港 如果中國大陸發現長期在大陸工作就要交稅和醫保 因為香港真的很找工 兩頭都唔到岸😔😔😔

咁點解你要轉呢份工？

近年真係多咗依啲伏工，我最近做的公司福利係比之前加入員工少，例如大假少咗，長短週變每星期5.5，我以前做公司福利只會變得好😂😂現在都唔知咩事

邊做邊搵工，有冇搵工？

勞工法例並不保障打工仔。

係咩工嚟㗎？