剛才做完嘢準備歸家，見到一個年約7、8歲嘅細路係條街到同阿媽 power play。嗰細路專登拉開距離，逼媽媽就範，去佢想去嘅方向。我睇咗一陣，同媽媽快速打咗個眼色，示意知道呢個小朋友係有家長 兼純屬玩嘢。
得到媽媽嘅眼色，我走去細路身邊，即刻捉住佢隻手，面目猙獰咁指住媽媽話：「呢個喺咪你媽咪？你唔跟佢走，咁你跟我走啦。」
細路立即嚇到🤯，大叫住咁跑返去媽媽身邊。
小朋友，你今日遇著我，只可以講你不幸。
全篇完。
試過我仔（歲幾）係地鐵站爆喊，點都唔肯走，抱又唔肯，淨係企係度喊
有位男士黎幫我手，類似係唔跟媽咪走，就跟我走啦，點知我仔拖實佢唔放🤣🤣🤣我見個男人個樣勁錯愕，好搞笑
媽媽最需要人幫手既時候，搵到你呢位路人幫手真好😂😂😂
我見人哋啲細路係咁，多數做架兩埋去問：
「咩事呀你？」
可能我個樣比較凶惡，次次個細路都嚇到呆咗😮😂
試過喺街見過小朋友扭計瞓地下，家長拉極都唔肯起身，我走過去望住個地下，好驚咁話，哎呀！係咪有隻曱甴喺度啊？做埋個好驚驚😱的表情，個小朋友即時彈起身拖住家長走人😂
望到個家長的眼神係非常感激我🥹
想知如果個小朋友喊，然後個家長鬧返你緊喊個仔會點🤣🤣宜家好多痴線家長😂
通常痴線家長有樣睇，而我亦不會介入呢啲人的因果 🙏🏻
試過朝早搭地鐵人唔多，隔離有對幼稚園grade孖仔郁身郁勢又搶玩具，一個爺爺完全駕馭唔到兩個百厭星。
爺爺一睇就知係溫柔Type，連發惡都係搬嫲嫲出黎講😂😂個呀哥都完全唔驚佢，完全冇符好陰公😔我同時默默盤算台詞。
我一手捉實大仔隻手指住佢塊面講：「郁身郁勢係咪當自己屋企？以為冇人管到你係咪！我管你！而家爺爺都幫唔到你。」然後搶左手上架車仔，塞比細佬：「揸住！唔好比你呀哥，同我坐定定。」
到站時爺爺向我講左聲多謝，互相點個頭🙂↕️懲戒死屁孩就係爽。但同時擔心都驚換作其他父母未必接受到。
我試過，有次撞到新搬嚟個細路緊阿媽扭計，我即刻扮惡話再扭計跟我返屋企，個細路即係收左聲。（成機同新鄰居彼此認識）
類似，正統中文翻譯要另外搵俾你。粵語俗稱「你大我呀」。
前幾日行行吓有個細路女喺我面前扮仆親逼工人定阿媽妥協。
真係一秒軟瀨瀨咁lui低，之後擰轉頭望住個大人，唔係唔小心跌低嗰種。勁似碰瓷黨😂