原來對一間公司死心，同戴綠帽一樣，都係咁靜㗎。
尋晚OT到十點，老細喺 WhatsApp Group 彈咗句：「大家頂硬上，當呢度係自己生意咁做！」
我定格咗三秒，然後好平靜咁熄芒，執嘢走人。
「當自己生意做」？點解出糧分花紅嗰陣，我唔知自己係老闆？
原來當一個人要掩飾自己度縮兼壓榨，係連人類邏輯都會放棄埋。
第二日，我將辭職信擺喺佢枱面。
佢問：「做咩咁突然？」
我話：「諗清楚喇，多謝照顧。」
佢以為我發脾氣扭計，仲笑笑口叫我冷靜下。
我望住佢個笑容，記起我第一日返工，佢都係呢個笑容，話公司有好大發展空間。
以前總係覺得，辭職一定要掟信落老細塊面度鬧爆佢。
而家先知，對住啲低質嘅畫大餅，你連反駁嘅力氣都省返。冇憤怒，只係覺得心寒。
多謝大家關心，我不但搬走咗，仲辭埋職。
定係返工返到麻木，先係大人嘅生存之道？

所以點解老左唔請, 因為呃唔撚到

當呢度係自己生意咁做<<<<<<講得里句個啲都係西公司

當年我做靚時，辭職都仲要俾個老細話：我可憐你俾你入嚟跟嘢，你知唔知你完全唔夠料？走出去你頂唔順㗎。學多一兩年，充實吓先 啦…..講咗半個鐘有多，當年真係俾佢鬧到懷疑人生，但人哋公司肯請我至遞信喎！

真，啱啱請你嘅時候話公司好需要你
然後去到你走嗰日除咗問你有冇攞公司嘅嘢之後就拍拍籮柚走
對公司唔使咁上心，你只係喺嗰度打工，唔需要賣命畀呢間公司

港資（香港）老闆？
小弟廿 N年前，已睇化…

返咗一排，有個總經理（4x歲），拍吓張凳…同我講，公司缺好多人坐呢 D位，暗示努力就可上位…

但轉頭，叫我自己畀錢買Labtop（公司冇派），話會方便出差。話個個 manager都會自己買…

哈哈哈！未過試用，自己 resign。last day嗰日，隔近靚女（不同部門）同我講，呢半年你呢個位，你係第三個喇！心照，完全理解。

叫的買laptop 我會彈番句
我屋企有 公司同的租囉
我唔會帶機打工
帶番嚟唔見咗邊個賠

點可能當自己生意😂，老闆出巨額bonus有無你份？ BTW 我出黎做野day 1已經唔ot , 就算有錢都唔ot，因為無野係寶貴得過時間

我襯個仔出世，順勢同阿經理講我要辭職湊仔，佢都冇留難我
因為我喺事前已經同咗同事講我會辭職，我個同事仲搶先一步，早過我遞信

當自己生意咁做, 咁有幾多股份?

梗係一股都冇啦

咁佢收嗲啦, 一係份b仔有半年糧以上先好講野

真係頂呢D cheap 厘唔順

返工都係講利益比較好
老闆都很現實

人走茶涼

好多老細好鐘意expect d 員工當個business 係自己既business, 跟住要佢地分擔埋作為owner 應該要承擔既風除, 但係就唔比返相對應既回報佢地
好toxic, 見到就快啲走

哀莫大於心死 未必真係同睇戲一樣咁多對白同感想 有機會係好似太空咁真空咁平靜

番工3個點：叫我做就做 吾岩聽絕對吾會講 而且準時番工。

果d所謂既sop 按章工作 全部都係人治，老闆想點就點，覺得你有用就比多d你，吾like你就話：喔你年資吾夠，同事關係吾好，學歷吾夠乜乜7

當你有一家大細要養，手停口停，足襟見肘嘅時候，就冇得咁瀟灑㗎喇！

係⋯就好似同你講公司好似一家人（類似呢啲）其實都係無形度壓榨員工，就好似你唔做埋佢對其他人唔公平、其他人都OT。一講升職永遠係度拖、一到target 就無限加

從來打工都係咁，你老細呢番說話我聽過無數次，我只笑笑口對住佢話：係咩，打工就只係打工，咪玩啦！！！

對住呢種人
令你發嬲既資格都無
平淡係好合理

我做咗自由業者20年，都係覺得，返工出糧係最著數

出晒糧，當場屌佢老母臭閪先至走啦!

可否問一句林先生做什麼工作要OT到十點呢?

當自己生意做？
你有畀股份我咩，我有得分紅咩？

冇就叫佢收皮啦…

我曾經係一間公司做高管幫老闆出謀獻策完成咗一單大project。然後老闆有次食飯開會話我哋成班夥計對公司唔夠愛

如果係自己生意，我就交俾啲有能力嘅人做

點解要當自己做生意，諗唔明，一係佢痴撚左線🤣🤣

即刻裸辭，再旅居一年洗滌心靈，留低當地生活打工。

當自己生意不如出黎自己做最好

佢只係要有手有腳既人做野，你只係一個識做野既機械人

受人二分四仲未慣
以為創業就可以置業興家
你諗多咗啦

有冇RSU？有而且夠多就係 冇就唔係

當自己生意咁做？咁有冇公司股份先？

我辭職也是因為呢的西老闆。
稱兄道弟添。。。最後味逼柒你做野。

你值得更好
玩番兩星期再搵工
攬攬

完全明晒

聽到：
自己生意黎架咩！

呢句真係會十分燥底😂

決定走 係唔會想講多句

當生意唔係你嘅，
記住你只係用你嘅青春同時間幫人哋間公司勃起嘅啫，記住你返工係因為你冇錢唔係因為你仲要返工