原來戴綠帽嗰種感覺，係咁靜㗎。
嗰晚佢沖涼，電話彈咗個Message：「尋晚你瞓咗，佢攬得我好緊。」
我定格咗三秒，然後好平靜咁熄芒，繼續撳電話。
第二日，我買咗佢最鍾意嘅奶茶，擺喺枱面。
佢問：「做咩咁好死？」
我話：「最後一次。」
佢以為我講笑，笑住飲。
我望住佢個笑容，記起第一次見佢，都係呢個笑容。
而家我成日諗，如果嗰晚我冇睇到個Message，係咪會幸福啲？
定係戴咗帽都要扮唔知，先係大人嘅愛情？
死得啦，我睇唔明嗰句咩？
「尋晚你瞓咗，佢攬得我好緊」
Sorry sorry中文差，請問係咩意思？
我估應該係第三者用樓主另一半部手機去send個message比樓主，同佢講：「你琴晚瞓嘅時候，你另一半係我嗰度，佢攬得我好緊」
要知道佢買咗杯珍珠奶茶比佢另一半然後傾偈，但係佢另一半仲好似冇野咁。咁即係證明佢另一半並唔知佢出軌呢件事已經比人發現咗。所以上述嘅可能行較大。
應該係電話果個都有另一半
同樓主另一半講， 佢被人攬到好緊「簡單D係到要樓主另一半呷醋， or另有目的， 專登send嚟比樓主睇到」
不過咩都假， 一次不忠， 綠帽可以戴， 記得除得快
清醒啦
我覺得係：
第三者send message俾樓主女友／老婆：你（樓主老婆／女友）尋晚瞓咗，佢（第三者個老婆／女友）攬得我好緊。樓主睇到女友／老婆電話內既message，熄mon扮唔知，繼續撳自己電話
我以為係第三者同樓主老婆/女友講自己嘅老婆/女朋友瞓覺攬得佢好實，想樓主老婆/女朋友呷醋㖭。即係大家都有另外一半，但係又沉船對方，對方着緊自己多啲。
相信大家先入為主（自己都係），覺得好似電視劇咁，
對方沖緊涼，然後睇倒對方電話訊息。
其實佢睇緊既係自己部電話，係小三send俾佢本人既 挑機訊息！
我睇呢句睇唔明已經放棄睇落去，一係樓主中文太差，一定佢作故事能力太差，一係佢用AI寫完故事唔proof read
其實係咪樓主你自己都唔明「尋晚你瞓咗，佢攬得我好緊」係咩意思所以內心先會咁平靜？😞
"尋晚我打俾你，但係你瞓咗。我瞓果陣佢攬得我好緊，但我仲諗緊你。"
應該係咁，除非唔係
其實我都問號緊，跟住下面仲講，熄咗個mon又繼續撳電話即係點？熄咗男人部電話？
會唔會其實係個男嘅都有另一半 講緊佢自己女朋友都攬得佢好實🤯🤯
應該係個第三者奸夫知佢會睇，串到講埋出嚟，仆街到一個點
有無人可以畫個人物關係、事件圖出嚟
我有可能閱讀障礙 😆
可能上流寄生族咁 樓主瞓咗第三者就捐出嚟同佢另一半瞓
又會咁老定，出軌都唔熄preview功能，究竟識唔識架？
腦補，第三者send message 俾個女既，然後就接返嗰句
我以為得我😂struggle咗頭3句15分鐘再落Comment section
會唔會係出面條佬玩嘢，send 信息同佢老公示威？
係咪指老公沖緊涼，小三send message比大婆宣戰？
我都係，我都睇左幾次，都唔明。睇完諗住放棄研究。一睇 cm, 原來咁多人都唔明呢句！ 😂