📌 原來有啲frd 真係
共 68 條紀錄
原來有啲frd 真係香港限定
同緊個識咗10+年嘅老友去旅行
而家第二日 我已經覺得好辛苦
日日湊女咁 佢有咩要求我儘量就
我都有講過我嘅需求 但佢又冇乜點理過我
我已經兩日因為同樣原因西面 但又唔想呢幾日都係咁
完全唔知點過呢幾日 有啲想改機票返香港
完全唔知搵邊個呻好 唔想俾屋企人朋友知我玩得唔開心
因為香港你最多只要對佢10幾個鐘頭或者對佢幾個鐘
但出到去玩你除咗瞓覺，基本上都要對住佢所有細節啊生活問題都會放大咗，對住幾個鐘頭可能都覺得係小事，但係如果連續咁樣對每日嘅話呢你會覺得好辛苦🫡
識得耐，唔代表去旅行就一定會啱
去一次旅行就知佢咩料😏
冇錯，識落都會知係點
只係去旅行，會更加清楚🤣🤣🤣
最崩潰係佢冇諗過 你為左呢個旅程付出左幾多嘢
以為好似係香港行街甘簡單
真係 我成日覺得同人去旅行好似做grp project咁
佢而家就係一個唔聽人意見嘅freerider
（佢有咩要求已經盡量就 ）依個已經係大問題，你係助長佢咁做，有 D 人係會睇人蝦嘅，你強硬佢反而奈你唔何，係時候俾佢知你嘅底線啦
下次獨遊吧啦，
發覺旅行真係一個唔適合團體嘅活動，
（如果你為咗景點而去嘅話）
旅行真係友誼嘅照妖鏡，會將所有朋友嘅缺點原形畢露，
我都有個識咗十幾年嘅朋友，
好耐之前part過兩次台灣旅行，本來好夾，
點知到最近個次旅行，
唔知係咪大家變咗嘅關係，定佢失咗憶，
佢好多時好多嘢都唔記得+好跳脫：
1. 同佢講過去地下街抽一番賞，轉個頭又問我去地下街做咩。
2. 一早行程表寫咗去寧夏夜市，之後又話對寧夏無興趣，
3. 行程日子調嚟調去，一時又話21號飛、一時又話26號飛，我改假都改唔切，
4. 一早同佢講咗Stay多晚係高雄玩多晚，轉個頭又問我點解要Stay多日
5. 最攞命嘅係：佢唔知一般酒店兩點後先Check in到，以為一到就Check in到。
所以我從來覺得團體旅行唔會維繫到友誼，只會令到大家嘅矛盾增加，大家興趣唔同，所以我都係鍾意自己獨遊，自由自在，又唔駛就人行程。
我都有相同經驗
去到韓國叫完嘢食碟嘢一上枱
佢一臉為難問：辣架😨？
我同另一個朋友個樣都😨咁樣
我哋全部都係10年以上朋友
平時有約飯
但真係冇印象佢唔食辣
記憶中佢以前食過嘅嘢都有辣嘢…
真係唔知發生咩事…
係呀，佢食唔慣，我哋都唔盡興
所以當時已經明白
喺香港fd還喺香港fd
就算識咗幾多年，一樣可以唔適合一齊旅行
最後我寧願同比較夾但冇咁fd嘅人去，或者自己去
去旅行就係朋友照妖鏡
去完返嚟都冇反面嘅，就真係朋友
我地會事後會攤出黎講，因為當事人亦需要知道自己有咩問題存在，宜家still好朋友，由學生識到現在😂。
難啲 剩返啲日子都book咗啲tour/ 活動玩😞
我之前都同個識咗好耐嘅朋友一齊去日本
本身係中學畢業旅行一齊去，結果佢冇去到，然後第二次因為疫情又冇去到，第三次終於去到。玩一個禮拜，我自己就覺得大家各自安排3日行程，最尾一日自由活動，咁就公平又冇爭執，佢自己就問咩都話冇所謂，我就一早已經講明去邊，結果好似第2、3日佢就發脾氣閪臉自己話腳痛要返酒店，但就約其他喺日本嘅fd玩，打後嘅日子都冇再一齊，各自自由活動返酒店，最尾返香港嗰日，仲要我幫佢啲fd由酒店check out拎喼返去香港到屋企樓下，但我唔識佢啲fd，又冇報酬😌
同埋我自己日文英文都麻麻地，搵路我係自己google map同問人，佢就齋跟喺後面，但就屌我唔識路同埋唔識日文就唔好用日文問人，下下都串柒柒
所以我都唔會再約佢去旅行，獨遊就未試過，一直都覺得一個去會孤獨，有啲地方有人陪會好啲，不過做咗領隊出完幾團之後發覺自己一個夜晚行街、自己住一間房，有時都會驚但又好似冇想像中咁驚，獨遊應該都可以一試
講真短途trip約其他香港frd真係好棘
同佢啲frd三唔識七 一食飯就同枱交換口水
又唔係喺香港冇得見 我覺得係好唔尊重旅伴
一係就早啲講等自己plan定其他行程
Same ar 我人生第一次自由行，佢去之前笑笑口話乜都無所謂，交哂比我plan，點知全程都唔投入，仲專登比我聽到佢同佢老公傾電話呻，講野勁難聽，我勁傷心，深思熟慮之後決定攤牌分道揚鑣，佢知自己係路痴 咩都靠哂我先扮死狗氹返我，勁嘔心！但已經睇清楚佢份人，所以堅決分開，然後佢搵個觀音兵幫佢買機票返香港，我就終於唔使再睇佢面色鐘意去邊就去邊！
佢對你咁衰仲要四圍唱真係好差
你咁堅決要走係啱嘅！🥺
小心呢啲人返嚟香港唱返你轉頭
希望你無墊錢買機票訂酒店，或者佢出發前已經俾齊你
我試過做plan同買機票訂酒店，第一次去無事，第二次佢態度開始差
例如沖涼要求佢沖先，話我沖得慢。講真就算我慢，都應該一人一次，無得出發前啲嘢都我放工捱夜搞晒，連沖涼都要同我計吧？慢極咪一個鐘
屌佢，佢沖得快原來因為唔執返好用過嘅浸浴毛巾（留喺浴缸，我叫佢執，佢叫返我執，佢話條毛巾乾淨喎）
我幫佢影相，我叫返佢幫我影，有啲唔靚我話角度咁咁咁去影，佢反我白眼，仲好串話佢淨係識俾人影，唔識影人（佢有做下model）
我自問幫佢影嗰陣，睇晒佢角度光線踎低晒影到對腳長啲，仲要多人行過佢勁𢛴喺度呻，我仲好聲好氣氹佢：差唔多架喇，啲人就走㗎喇，你hold住先，啲人一走我即刻幫你撳掣
返到嚟夠膽死同其他人去食好嘢又
有俾返錢人，但同我去旅行嗰筆就拖（但自稱無心拖）
最後追完佢錢，我就block，佢竟然po story 暗示佢可以咒到仇人俾人飛，俾人炒，子宮生野🤡🤡
真心希望你已經收返啲錢
如果仲有幾日相處，不如試試提出1、2日各自玩，晚飯再約、甚至玩到各自回酒店，給大家各自me time.效果可能不錯，先給大家各自空間，反而像在港的聚會氣氛？我真的試過，跟行業相識剛好一同假期然後一起旅行，發覺大家興趣不盡相同，所有有二天各自獨遊，最後一天才一起逛到上機。還可以。
有啲frd係旅行同房先知佢哋習慣，例如瞓覺要好早瞓，一粒聲半點光都冇，間房要好似去咗外太空咁，想睇下手機text下嘢冲涼行出行入攞嘢，都話影響佢瞓唔到
從來唔會諗佢個行程順利係因為有人遷就佢 包容佢 一齊解決難題 調返轉仲要覺得人地麻煩 極度自我中心
係, 成個旅行點解咁順利, 啲人係唔會感恩. 成個款好似唔使effort就可以自動到達車站, 自動到達餐廳咁 (因為人地默默付出咗囉).
難為嗰個望住手機地圖粒點既人, 成段路都無享受過, 驚死睇少陣唔為意google map粒點hang咗機行多咗路. 有啲人又一支箭咁行, 發現佢行錯又要出聲叫佢.
然後仲講句, 你去旅行咁緊張做乜姐? 學下我咁, relax~
我而家係會串返佢, 你搵路兼帶啱路, 我咪可以relax囉
完全認同，聽太多例子，更加珍惜可以一齊去旅行嘅朋友👫
冇下次，我自己覺得一個人去旅行至爽，我識對情侶去完日本玩，男回來黑口黑面，之後結不成婚分手
何必難為自己，明早開始，各自各精彩就好，enjoy😌
朋友，男女朋友，認識幾耐都唔重要，一定要一起去旅行先知合唔合適再一起落去。
真係去一次旅行就可以睇清楚夾吾夾，我都有遇到咁嘅問題，太自私嘅人好難夾，老馮要我就佢，所以最後講清楚以后吾會再同佢去旅行。
第一日佢有啲香港frd都嚟咗 我就搭單同佢哋一齊食咗個dinner
咁啱佢哋提起有間餐廳想食 但係間嘢倒屎咁遠附近又冇嘢行 咁我就話一係我自己行街佢去搵frd算
我有個識左廿幾年既朋友
一直都想同佢去旅行但一直都吾敢
睇完你既經歷我更加吾敢😂
我都試過 🥹一出聲就拮你，唔想講野添。但我睇佢完全唔覺得我唔開心
食嘢先係問題
佢食嘢係為醫肚 我係希望少食多餐 有限時間內試多啲唔同嘢食
我有提出過想食嘢 但佢冇理過我感受咁 我未試過餓到胃痛
搞到我呢兩日都冇享受食物嘅過程
好彩琴晚買定個包今朝做早餐 唔係嘅話又會隔好耐先有嘢食落肚😮💨
有時相見好同住難
同佢去一次旅行就可以真正認識到你個朋友