📌 原post開咗個生而
共 75 條紀錄
原post開咗個生而為男好難受嘅叫春post
TDS（白水）跳出嚟表示其實難受係源於父權社會
原post有無男女對立嘅字句？
有，／／女仔一個眼神一個神情一張story一堆噓寒問暖
多一根苦一生已經成為我人生格言／／
但我哋可唔可以同情地理解佢？
用白水嘅語言，呢句其實係可以詮釋為：
｛得到父權社會眷顧嘅女仔一個眼神一個神情一張story一堆噓寒問暖
得唔到父權社會眷顧嘅男人係多一根苦一生，已經成為我人生格言｝
但白水無咁做，選擇嘅係點出女性困難
要求原post留意女性困境，以及問題根源（父權社會）
咁樣做有無錯？
無，但相比起原post，白水喺論述過程中無可避免咁架起男女對立嘅語言
因為佢要點出女性困境
而佢無時間延續｛得唔到父權社會眷顧嘅男性｝嘅困境
論述嘅失衡
咁就會引起人質疑：似乎白水先係架起男女對立嘅主要推手
但白水立場其實都可以同情地理解
就係佢因為明白原post困境，所以只點出無被原post提出嘅女性困境
目的要顯示父權社會對大家都構成困境
結論：
我諗我哋可以思考嘅係：
｛得唔到父權社會眷顧嘅男性｝到底要點樣先可以「合理地」發表自己嘅困擾？
後記：
白水認為原post嘅論述有危險
我亦認為白水嘅論述有危險
我希望我嘅論述唔會有危險
少少拙見，好好係你有好清楚咁指出咗個tension在於1.沒有即時同理父權壓迫男性v.s. 2. 理性地分析呢班男性女性的確係被父權壓迫。
然而冇即時同理他人感受係可能表達問題，但其實背後白水嘅論述與分析係冇錯。但見到有啲人會就住呢個表達問題就推到去白水打稻草人，夾硬塞一套社會理論。比較不解，（或者希望有人可以指出俾我聽）因為我角度事實係可以分開嚟睇：承認冇好好表達，但社會問題仍然存在。
Practical諗，究竟如果個論述變咗先validate對方感受，e.g.睇得出你最近經歷可能令你對自己能力有質疑，好似冇人明白你感受，不如你井多少少最近有咩類似經歷->再從呢啲經歷去睇佢嘅負面情緒如何構成，然後再討論呢啲情緒或者佢嘅結論係如何同賦權社會構成有關，係咪會更好？
瞓前記錄：我實在估唔到呢篇文都有智力門檻
明眼人應該會見到我係想個討論走出泥沼
但偏偏有人總係想返去泥漿摔角
我重申：
依家咪就係講緊唔好成日搞啲男女對立出嚟
點解仲係要衝出嚟喺度話怨女有問題
怨女有問題，有些微理性嘅人都會承認
你要教育啲怨女者麻煩去第度
如果同情地理解原post
又同情地理解白水
咁討論就係時候進入下一步
白水作為知識份子都唔能夠先同情後批判，更加證明男性喺表達自己情緒時要面對好多不必要嘅指責
問題係點解男人表達自己嘅不滿嘅時候永遠都要返番去女性困境到？
咁不如直接話「蝻人點解唔反省吓自己有moid privilege嘅情況下都過得咁慘」，好過假惺惺咁扮關心然後又要堅持原po接受女性困境先係主角。
你會同情白水。OK，可以同情。
但白水無同情原Po。
而且唔止係白水，最多人Like 既Comment 都唔同情原Po。
但你話原Po真係無人同情咩？
碌到落底就會見到其實都好多人有寫過關心佢既說話。只係無人Like。
可以好粗糙咁講，社會對於一個男人，Casual既敵意遠遠多過Casual既關心。
但真係會想講野既人，大概有1/3係真心Care既。
太過重覆嘅說話threads個system會少啲令佢出現喺個wall
我覺得白水只係幫原post釐清咗個「男性困境」嘅因，唔覺有問題🤔
你會同情地理解白水，咁好好！
有機會可以嘗試將呢種同情地理解推及到去
原post/
反對白水嘅人
可能係因為覺得鬥慘無補於事，倒不如正視問題嘅成因仲實際。
先處理心情，再處理事情。
同意要處理父權社會中男士情緒不能宣泄的困擾。但我覺得白水失誤在：對一個正受情緒困擾嘅人面前講大道理，繼而令佢睇落冇理會到事主感受，只係借題發揮學識。加上佢本人係男性就更令人反感。
另一引伸嘅係，近一代男性對好多社會現像嘅兩性思想成因、討論、辯論已經厭倦。其實大家都明，只係往往近一代男性捲入討論兩性議題，就好似被追究一種性別原罪咁，明明唔係自己開始，只係「生而為男」就要被追究責任，有種被歧視同埋無力感，所以已經厭倦。大家都只係想搵出口，而唔係想再討論成因。
牛哥講得好中。樓主嗰刻只係想求安慰，未準備好聽人講經。白水犯左一個我地呢D 講經佬好常犯既錯，就係無留意對方係咪 ready 去接收。
當一個人流緊血，第一步永遠係止血 (接納情緒)，而唔係同佢分析把刀嘅結構 (父權社會)。
當然，喺 Threads 想搵一個只求安慰既空間係地獄難度，大家都知香港人可以有幾撚 mean。情緒係極度主觀，無得由外人黎分佢「對」與「錯」。
先接納情緒，然後人先有機會走出防禦機制去討論事理邏輯。你可以用社會學去批判一個現象，但你唔可以用邏輯去駁斥一個人真實既痛苦。
白水講的野無錯
個男想討拍都無錯
如果係情緒低落討拍都要有嚴謹的邏輯同對社會結構的認知，咁個門檻太高，已經唔係性別的問題
係情緒需要發洩你黎同我講道理
同我食雪糕你比滑鼠我
錯誤的時間遇上錯的人
至於你話咁會加深性別對立，刻板印象等等等等
你可以唔好係佢個post留言，特別係當你有一定的知名度
正確的地方做正確的事
應該唔只係「得(不)到父權社會眷顧」吧？ 而係喺現存父權社會下每個人有乜喺呢個制度下先出現嘅經驗？
又咁講：點解『「得到父權社會眷顧嘅男性」到底點先可以合理地發表自己嘅困惑』(somehow address 緊你條問題無包到嘅人) 唔係一個問題呢？ 係咪假設咗嗰一班男性(lets just say that they are winners in the patriarchal system) 係一定唔會有困惑？就算有，係咪咩情況下佢地發表嘅意見(或者困惑)都會一定係被視為合理呢？
個世界真係好多人想其他人死
不斷曲解白水想講既野
首先，冇得否認既係白水喺果個moment個留言未能夠做到都同情埋人地。主要指出左原po後面兩句講既野既不足同時會引起更大既矛盾。其實我都見到有人咁講，就係原po唔係講最後果兩句就唔會有呢件事發生。ok，咁分析下原po點解咁講先，佢覺得做男人就好慘，從來都冇人理自己既feeling同時人地覺得佢廢up。咁睇黎佢識既人都唔太照顧到佢既情緒。而佢最後加果兩句就將自己身邊冇人關心自己上升到如果係女仔，就唔會有呢啲問題啦。問題就黎啦，白水想嘗試幫佢撳低呢個論述，跟住就幾多人曲解白水既意思。認真咁講，上threads去搵呢啲唔識佢既人去關心自己呢樣野對自己既情緒上都唔太良好，感覺到佢幾無助，相信係佢好辛苦先會咁做既。都辛苦晒佢架啦，可能身邊既人都唔好好關心佢。而只係個問題係辛苦都好，有時唔係咩都賴得遮。
講番白水果度，啲人就淨係曲解白水話佢喺呢個po淨係想屌柒原po講既野，唔係比關心佢。認真咁講，唔會覺得係屌柒原po而係唔想原po唔小心開埋性別果邊既戰場lor。
／／認真咁講，唔會覺得係屌柒原po而係唔想原po唔小心開埋性別果邊既戰場lor。／／
同意，可惜結果係性別戰場就完全打開咗
當然可以同情佢可能因為冇得表達自己情緒而有bad feeling，但同時佢又拉埋女性話會易收到墟寒問暖一齊講喎，最尾仲要加多句多一根苦一生。如果有人信咗佢講嘅嘢/加重咗呢個諗法咁佢係咪冇責任？
白水段嘢睇唔出佢有否定到男性表達自己情緒會有negative response呢樣嘢，只係指出個根源係喺邊就係冇同情到？
何況樓主嗰段講到咁都叫反而唔係造成男女對立？
我諗「多一根苦一生」係咪造成男女對立，其實可以從好多層嚟講
因為日常生活有好多trash talk
例如another level shit／make sure着兩條褲
到底「多一根苦一生」係一句廢話定係男女對立嘅宣言呢？
我個人認為兩者都係可能，始終context就係咁少
而指責「多一根苦一生」，我係認為合理。
至於白水講到根源，似乎就係取咗男女對立嘅宣言
咁麻煩嘅位係：if 原post真係厭女，我認為白水唔夠批判，甚至應該直斥其非
但if 原post只係講廢話，咁話佢無留意女性困境，又似乎係要求過多
呢個討論係一個好好嘅例子證明「學習哲學的思辨，到了一定程度，發現其對真實的生命本身不能發揮作用。」
「佛陀說法，有著名的《箭喻經》。別人以很多概念性的思想去詰問佛陀：存有論、宇宙論、形而上學等等，佛陀一概不答。然後指出，問這些問題，就好比人中了毒箭，不去治毒，反而在問這箭從哪裡來，什麼材質、什麼羽毛……。最終答案未找到，人已經毒發身亡。」
https://www.newasiaabc.edu.hk/情與思-思辨的虛無之困與突破之道/
原po樓主如無最後果兩句都無事
但佢將佢既經歷同一種佢無辦法成為既目標群眾去比較 係對自己唔好
我覺得每一種去同別人生活去比較都係唔好
就等如 點解我老豆唔係李嘉誠一樣
就算無原po無白水 原po樓主心入邊好明顯已經有男女對立既諗法 什至成為人生格言 對佢自身既幫助又係邊度呢
父權理論既問題係父權關注係整體人類問題，但幾乎所有所謂社會行動者都只係關注係西方發生既問題（因為容易達成），彷彿世界係割裂，就算唔解決世界既問題，西方一樣可以不斷進步。事實上證明係錯，世界上所有獨裁父權既後果最終都會反映返落西方世界，因為世界不是割裂，西方「進步人士」每日不斷靠某東方獨裁父權大國既廉價產品黎維持佢既進步生活。當西方進步人士長期忽略世界各地既父權問題，只集中已經大幅度改善既西方父權問題，e種厚此薄彼先係解決父權既最大敵人。右翼抬頭只是身體免疫系統開始作用既病徽而非病因。
父權其中一種呈現就係推崇理性，用理性去解情感問題。
論述唔係一切，原post表示唔開心，其實可以睇返咩事唔開心，點解唔開心，唔係你個理由好啲就唔使體諒🫂
所以我成日都理解唔到點解咁多人用父權嘅方法去解決父權嘅制度🤔
個問題係social media公開傾，人人出黎爭住表現自己「讀好多書」「智力高」，冇人爭住表現自己「好善良」「好有同理心」
其實好老土，覺得叻緊要過善良就係蠢
越將個問題Focus喺男女對立
我認為就係越偏離呢件事本身應該發展嘅方向
其實佢個po嘅留言咪印證緊佢講嘅嘢
就係男人表達感受同情緒係無人care
原po只係叫春，佢又唔係咩哲學系
點解叫春po要顧埋個論述危唔危險？
同埋基本上所有嘢都可以搵到所謂嘅對立
問題係對立嘅出口唔一定係打壓另一方
例如原po講只係男人難受無人care
解決方法係care多啲男人
呢件事係唔需要care少啲女人
所以話原po係製造對立面有啲唔啱
佢只係比較
講真，我就咁睇白水post只會覺得
1.白水表示男人的痛苦被無視源於父權，所以大家應該反父權
2.白水講述時完全無視了樓主(男人)的痛苦(ps.如果樓主是女人，白水現在應該變成了說教男)
3.因為1+2的關係，令人覺得沒有什麼說服力
平時你啲post蚊都冇隻，而家有花生啲烏蠅就仆到嚟😂
佢哋成個所謂哲學page只不過一堆覆讀機，邊個大師講過啲乜乜東東，但冇自己想法，基本上係象牙塔自high。
人哋講男性困境佢就屈人輕視女性困境又扯父權社會。一個「哲學人」居然係用activists 個套情緒主導嘅角度理解社會🤡🤡🤡
佢覺得男女平等，但係留言支持佢個班係不斷貶低男性，假定有罪，郁啲就話人厭女個班人
其實冇話咩先係「合理」
因為表達痛苦
從來唔需要得到任何人批准
亦唔需要預先承認另一邊困境
或者套入任何宏大框架
你想有啲咩就去做/講要啲咩
直接開post講自己有咩唔開心
問下人有咩解決問題
再唔係就搵下有冇post係同自己一樣問題嘅人圍爐取暖都得
有朋友關心 都係因互相嘅行動支持
想有人無事獻殷勤 都知係非奸即盜啦
單方面話苦一生有咩意思
而唔係下下拉性別
只停留喺抱怨層面
無論男女都一樣
咁會永遠只會原地踏步
對於令自己開心啲
或者解決問題都係於事無補
真係想男人關心男人
咪平日行前多一步 關心下身邊啲fd
想要錢咪返工 唔想坐係度諗錢係邊嘛
同樣地愛都係唔會無啦啦從天而降
本身討論嚟就係on9
無人聽你叫春
本身就唔單係關父權 男同女事
仲有大把誘因
例如你平時為人 交友圈子 甚至係社會地位等
我評論係
二條友某程度都係on9
可能係始終threads有所限 無得好似寫文咁舉曬論點同例嚟講
但就著啲本身就錯方向的事嚟講 是真.on9
擺脫父權嘅概念第一樣就係承認同表達自己嘅不完美。我會直接同我女朋友講我係做唔到呢啲野etc
但另一邊廂就係父權紅利，當你有幸成為得益者，就會有人想成為下一個「你」而繼續停留係呢個循環
其實我覺得關共情事多啲 但有冇呢個能力嚟講 父權可能只係其中一個因素 可能都有因素係先天性嘅（的確有研究係話女性比男性先天性更識共情）
所以男仔可以試下由自己身上開始 對自己多啲憐憫 再去喺人際關係上實踐（作為女仔 其實我唔介意聽異性朋友呻）
其實原post 同延伸出黎既呢個post 幾有趣既社會現象，一個男人叫春post 引來白水留言，仲要澄清多次話佢講法幾危險，明顯地佢只係叫個春，再引來一堆男性以不同角度作理性思辯，講經佬一齊講經。而女人留言/參與率係奇低。掉返轉頭將性別掉轉，樓主留同樣comment就會有一堆女性去安慰佢，冇咩女仔會係度講經。其實已經印正咗原post 樓主講嘢幾啱，佢叫個春都冇乜人理冇乜人同佢去噓寒問暖，仲要畀哲學kol 講經去指責，呢種荒謬既落差都幾諷刺。
我自己睇原post都覺得佢想呻嘅時候，唔多唔少都想比較男性喺被人關心方面係慘過女性，從而去表達自己真係好慘
咁有比較嘅時候，就會衍生男同女就喺鬥慘呢個loop入面輪迴
我覺得呻同叫春係無問題，甚至一定要做，但呻嘅時候不如都嘗試下唔好比較任何人，呻自己就好
／／我覺得呻同叫春係無問題，甚至一定要做，但呻嘅時候不如都嘗試下唔好比較任何人，呻自己就好／／
我諗緊呢個位會唔會有難度，因為好多時我哋覺得辛苦就係源於比較，好理想咁講，如果一個人唔同任何人比較，咁佢照道理就唔需要呻同叫春。
當我哋見到一個人呻同叫春，需唔需要要求佢唔好比較呢？
（我未諗到答案）
Agree的確係好有難度，而痛苦好多時係源自於比較，好多時都會不自覺地比較，但並不代表會所有痛苦都係來自比較，有無機會更多可能係源自於expectation？因為較多時候係得唔到自己expect嘅結果而痛苦
而好多時比較嘅時候就會牽涉到被比較嘅一方，被比較嘅一方可能都會覺得 “點解我會冇咁慘” 又或者 “點解淨係見到我嘅紅利而冇睇到我嘅痛苦？”，尤其是而家多咗咁多途徑去表達自己，其實有時都真係要小心一啲去處理，但我係認為可以去以更好嘅方式去排解自己嘅情緒
不過我個人取態都認同係叫唔到人唔去做比較，因為好多時越叫越係做唔到，所以我都好同意有部分人話白水無顧及原post感受，而以理論層面去講件事
唔應該響呢個moment 講兩性困境，應該先安撫/疏導佢情緒先
我認為白水嘅論述下半部分無問題，只係因為呢度係threads,所以變成要咩都講晒，如果係咁，最初個post應該都要講埋女仔有咩唔好，唔係單講男仔好慘，如果原本個post兩邊都講晒慘，咁基本個post就唔會爆，而最初個post會爆就係post主只特出一邊嘅問題來圍爐
不過我唔認同白水講佢咁講好危險，最初睇以為佢好似幫post主，但其實係講到我都係為你好啫，所以提醒你，但事實係post主唔駛白水提醒
睇左，
白水 think too far,
訴苦既人，即使出事都不會．．產生乜所謂危險，最多只能爭到d社工資源。
要壓逼另一方，
要天時地利人和，
即係好似英國咁，只有自願放棄英國文化，再加主動立法將英國donate 比伊蘭教，並且派人拘捕保護英國嘅人，
否則若單憑伊教在歐訴苦，係唔會得到英國呢片土地。
最主要係，人類男女不平等，係百萬年來大自然決定。
千萬年來，互有高低，
唯： 關心弱者，就係人類種 獨特既能力。
mansplain嘅人講啲野好多時都冇錯，咁點解mansplain會比人屌？
白水無諗住理解出 post 人嘅情緒，只係睇唔過眼出 post 人將女性睇成 easy mode。一句都尾，白水對出post人無同理心。
如果有人被女人騙去所有金錢，要流落街頭，佢大叫一句：點解女人就係咁蛇蠍心腸?！？有愛護動物人士出來說點解要咁講蛇和蠍，對動物唔公平。女權又話，都唔係得女人先騙人。無人 care 被騙金錢的男人的心情。
成件事俾我嘅感覺就係咁。白水用阿公account,可能預期到這種 debate。但我就覺得講經講耶穌可以睇下場合。
利申：睇完你pin左嘅cm的先覆
唉，其實有時都唔明，社會上好似比較推崇理性討論（限指依種糾正原因），我都唔可以否認有時搵出真正原因反而會令當事人更加釋懷。
但到底要點樣分辨開帖人係｛討拍｝定 {討拍同時想聽認真而正確討論}，依個似乎係結果論。
（我覺得plurk有樣潛規則做得幾好，就係打出”murmur”字眼，就一定係討拍）
有次男性朋友講起MBTI測試（而呢班朋友係好鍾意理性討論，我鍾意聽但唔加入），
佢話佢覺得我係偏向S多過N，我知可能佢冇乜特別意思，但我唔知呢個係唔係一個負面嘅形容…
有時會留意到偏理性嘅佢哋針對一啲你係討拍嘅情況，係會講啲唔啱聽嘅說話，有一刻會覺得佢哋係唔係不通人性
已經 block左條垃圾偽哲學家，買like都算，扮中立個下先最大獲
開個感性po都仲要理性，仲要顧埋女人感受，呢個咪男性困境囉！
女人開個叫春po，咩都可以唔理
我唔會咁撚賤囉戇鳩仔
柒咗駁唔到就講埋啲咁嘅戇鳩嘢
不過我欣賞你夠無同理心
白水呢條友純粹就係左膠嚟㗎咋喎
點解要care一個左膠點樣睇呢
其實大家都係雞蛋挑骨頭，我淨係睇到我就勁過白水啦，未又係荷爾蒙always 上崗上線🤷
感覺如果白水多少少同理心圓滑啲會好啲
係threads到用咁理性嘅角度去回應一啲發牢騷嘅post其實已經係大忌吧
父權、女權都唔係免費教育吸收到嘅資訊
如果想個世界平權啲，離地嘅說敎，唔會令大家距離變近
牛哥嘅解答走得出象牙塔，咁先係同人溝通到嘅文字
最有效係俾錢搵clin psy/therapist
你嘅朋友同另一半無義務接住你嘅情緒
1. 原po將男性困境怪落女性，真係好難唔令人反彈。其實原po係會強化緊厭女？
2. 覺得白水嘅回應只係指出原po言論所引發嘅危險。
不過可能都要本身對父權文化、女性主義有認知，先可以理解到唔係單純男性/女性有咩問題，而係個文化/制度問題。
其實父母權母女權就係bullshit,可以討論但唔會有結果
Sls 你同情白水，但白水都冇同情原po wo, 仲有ar 你cap呢個白水係之後糾正再reply 原po. 點解你唔由頭到尾cap 白水點覆原po?
尋日睇咗佢留言已經覺得好討厭
今日睇埋佢狡辯即刻block