iOS嘅鬧鐘其實好少會唔響 大部份原因都係
- 瞓得太冧
- 鈴聲音量較細咗
- 螢幕注視
基本上屋企人同我講都係鬧鐘有響 但係我冇反應/自己無意識撳熄咗瞓返
鈴聲音量呢方面都已經係一個幾耐嘅bug嚟 就算熄咗用按鈕改變鈴聲音量 有時你係特定app （多數都係ig 尤其睇緊reels嗰陣 因為嗰陣需要較音量 但係我都見過其他app有呢個情況）較音量嗰陣 佢唔係較緊你media嗰音量 而係調較緊你鈴聲音量 但係無論你係睇側邊條音量bar定係控制中心都好難察覺到 因為同平時較media嘅音量畫面上係冇分別
唯一可以察覺到較緊鈴聲唔係媒體音量嘅地方係你會發覺你點撳點拉條bar到唔可以熄晒聲 因為鈴聲本身設計係唔可以完全靜音 你較到最細聲都會有少少剩（好似張圖咁）但係media嘅音量係可以較到0
依家都偶然都會觸發呢個bug 除左係當下就發現到較緊鈴聲音量（如果發現到嘅話拉返高嗰鈴聲音量先 返去主畫面基本上就冇事）同埋set自動捷徑每日特定時間set高嗰鈴聲音量以外都冇辦法解決
如果有開螢幕注視嘅話鬧鐘係有機會因為detect到你望緊塊mon而變得細聲 如果平時冇呢個功能嘅需求可以熄咗佢
又係搭飛機個日奶過野 所以set咗個automation 每晚半夜reset音量 😩😩
自從android 換iphone 之後冇信過iphone,係淘仔買左個震動鬧鐘做後備
我到而家都唔知點解iPhone係出街係唔撚響鈴聲。
我已經熄撚晒啲螢幕注視啊。我已經上網search熄晒嗰啲設定，都係咁樣。
佢郁聽到啲聲個mon就着，以為有人望佢就唔響聲。
我今日返工都係 我好彩生理時鐘比鬧鐘早咗大概10分鐘醒 然後望住時間佢都冇響😂
我上次都係.較佐430am同445am仆街無響.call5am的士去機場.我5：05個fd狂打我電話醒佐嚇撚到瀨屎.😭😭😭😭