去相熟咖啡鋪 坐低飲杯啡 睇下書
坐低係卡位5分鐘 杯手沖到左 飲兩啖
鋪頭走來同我講 移過少少 比另外兩位客人搭枱
咁個卡位係勉強坐到三個人 會比較逼
我主退讓 話咁我企去bar 枱飲
佢話唔洗 我好insist唔啦 我唔太想同兩個陌生人坐卡位
好 佢一下拎轉身就走
我好想大聲問佢 “你唔係要我自己拎杯啡呀嘛”
唔係我自己要搬位喎
最後我讓左個位比兩位女仕 企bar 枱五分鐘chur左杯手沖
黑哂面 招呼都無打就走左
熟客都咁樣 仲話係中環想做cs既咖啡鋪
我係熟客 平時都請佢地食下嘢飲下酒
所以覺得點對我 我都無所謂？
P.S. 老細沖啡係好飲嘅
難得我想解釋下 淨係講fact
1. 特登唔開名係留一線
2. 個post其實主要寫比啲做f&b行業既朋友睇
係咪熟客 我諗我同幾間去開既咖啡鋪自己都清楚
有啲鋪真係明顯純粹cs 唔係想做朋友
有啲鋪好慢熱 要慢慢同佢地打熟 friend左真係會好多傾計
亦有啲係好有性格 啱傾就好好傾 唔啱傾都會有基本禮貌同待人接物
3. 有啲都係做/飲開咖啡嘅朋友 都pm問我
我要咁樣寫個post 以我性格都少 應該幾嬲
嬲就個下真係幾嬲 出post個其實就想睇下反應
咁最後睇到一堆有趣既comments
我自己都係花生友 自己食返自己花生
不過有啲comments幾中points 純粹我自己角色唔方便講
最後老細有係ig pm我 但del返(?) 迷之行為
俾人當老襯就係咁
其實幫手調位好basic
睇開啲🙏🏻唔舒服咪第二間
唔開名都係想留一線 知生意唔易做
一廂情願既熟客，不過佢連幫你換位拎咖啡都唔識就差啲
做cs果D叫餐廳, coffee shops快黎快去怎做cs俾客
的確有人會認為
熟客得罪一次唔介意嘅
或者直接當你自己人
熟晒架步自由發揮
又或者熟客只係你一廂情願
都係嗰句
消費者喺呢度消費得唔舒服
咪去第二度消費囉
我試過兩個人等位，鋪頭話得吧枱位，入到去見有張長吧枱有5-6個相連位係吉嘅，d櫈擺到勁密，佢招呼我地去隔離有人嘅位叫我地坐，想無縫fill滿張枱。我話唔需要就走左
我以為乜咁大件事，扐杯咖啡啫！根本好小事啦！唔值得出post話人！
又，今日有位廿歲阿姐比位老人家稱呼阿姐都話摧毀左美好一天！家下好多人都脆弱，其實好小事嘛！
好似毒撚十大幻覺，以為人哋同佢打招呼就對佢有意思🤣好撚熟呀！
其實去cafe都係想飲杯好啡，如果佢真係沖的好飲嘅話，都唔係太大問題。
不過如果佢手沖係有一個壺加細杯加個盤咁serve比你嘅話，佢幫手搬會好啲專業啲嘅。
如果就一杯嘅話自己行動咯～
想知人地當唔當你係熟客，好簡單。
入到去同班伙記講：唔該要個例牌✋。