去7仔買甜筒，佢寫住$7支
咁我買2支
去俾錢，個收銀問：會唔會買3支呀？3支做緊優惠$28喎。
我遲疑左一下。挑起了眼眉，我有無聽錯？問佢3支$28？
佢好肯定答我：係!
肯定到，我懷疑左自己一下？
停左一陣，整理下自己嘅思緒，
用不自信嘅口吻問：三七⋯唔係二十一咩？
佢：下？我唔知喎，部機係咁寫。
🤯
究竟⋯發生咩事，上天總係要係我平淡又無趣嘅人生中俾我遇到啲咁正嘅問題，增添趣味。
真係好愛我嘅人生♥️
最後買左2支就走人。
我都試過買飯團，當時每個飯團$12
收銀：買2件$30喎
我：2件$30喎 ↗️
收銀：係呀，做緊特價，2件$30
我：1件$12，2件$30，仲貴咗喎
收銀：係喎，部機係咁寫
係，$7 已經係優惠價，單支買都得，唔洗一定要3支
7仔員工黎解釋返
因為一打落機就會彈有咩優惠出黎
個系統有時傻傻地淨係會彈啲之前定咗嘅幾件優惠
限定幾日單件優惠未必有顯示
咁一嚟要推銷 二嚟驚俾人投訴唔話俾人聽有優惠
所以一彈出黎把口就會快過個腦講咗出黎先
跟住諗諗下先知道柒咗
放心 除非個系統有問題 收銀機永遠都係收平嗰個價
即係你買3支都一定係$21
有陣時 我覺得7仔、惠x呢啲連鎖店 越做越奸 所以我只會幫佢哋買一樣就一樣 兩樣就兩樣 瀨過一次嘢以後所有咩優惠通通我都：「吾駛啦！」
有款新味 芫茜味 之前好似要原價買嘅 收銀阿姐可能係講呢款
一枝平，二枝平，三枝就不平？
咁系唔系搏個客唔識計誤買或者計著數買一兩枝就點都賺硬🤣
另類生意推廣模式？
好多年前 我同事試過去街市買粉絲 $2一包 佢買咗2包 個老闆同佢講$10 5包喎 佢轉唔切個心諗買5包好抵 買完返屋企計下先知冇平到
細個有間雪糕店買雪糕好似3蚊一球，然後佢夠膽死寫3球開心價10蚊🙂↔️
你冇睇一個一樣嘅視頻咩
一個on9嘅去買嘢，見到單價係$10蚊，買兩件就$25。佢又係睇咗好耐，終於分開兩次共買咗二件，之後好得意咁同收銀講佢平咗$5 。個收銀同佢講多謝佢最後買咗兩件。呢個係促銷嘅心理學
真心搞笑7蚊支，3支28蚊🙂↔️🙂↕️咪俾佢食左7蚊🤣
話說，某日我行過柯士甸道market place買水，俾錢時收銀哥哥sell我而家”$4可以買3罐可樂(呢句係完整出自收銀哥哥把口)”
咁好啦見咁平就買3罐，見到張單，問佢點解收咗$12而唔係收$4。
佢話：啱呀$4可以買3罐，你買咗3罐咪$12。
我即時反眼反到上天花板，算啦，見$4罐都ok所以冇退就走人。
其實係咪我中文理解能力差⋯⋯？
所以讀數學係有用。可能真係有傻尻連簡單乘數都唔識比人水左買三枝
定價的那位職員表示：當負責數學的大腦強行上線就會咁 🤣