又講講「我的親愛」
Leon一連十場紅館演唱會今晚正式落幕，今次可以話係近幾年Leon口碑最好嘅演唱會，普遍都係有讚無彈，恭喜晒台前幕後嘅咁多位。
而最後一首歌「我的親愛」，好多fans都講笑話唔係好like，因為每次前奏一響起就代表演唱會要完。呢首1992年喺Leon「傾城之最」新曲加精選大碟嘅快歌，喺當年已經有「我來自北京」及「但願不只是朋友」呢啲大熱作品嘅情況下仲可以爆出，確實係為Leon打咗一支極大嘅強心針。
呢首改編自日本嘅大熱作，每次演唱會響起前奏就令人好開心，但其實劉卓輝嘅歌詞係寫緊失戀，而可以做到呢種反差，必須歸功於編曲嘅Gary Tong，佢將一首失戀嘅歌用好豐富嘅樂器變得好輕鬆，當然Leon招牌嘅炒菜和敬禮舞姿都係炒起呢首歌嘅原因，記得當時Leon處理2個Verse嘅低音係比較緊，但近年嘅演繹明顯係有進步。
當呢首歌熱播嘅時候，正正係我十多歲嘅表姐身處於深切治療部之時，身為Leon歌迷嘅佢，當時我哋係播呢首歌俾佢聽，希望Leon嘅歌聲可以令佢振作，結果音樂的確有激勵和療癒嘅作用，多謝Leon，多謝「我的親愛」。
Leon一連十場紅館演唱會今晚正式落幕，今次可以話係近幾年Leon口碑最好嘅演唱會，普遍都係有讚無彈，恭喜晒台前幕後嘅咁多位。
而最後一首歌「我的親愛」，好多fans都講笑話唔係好like，因為每次前奏一響起就代表演唱會要完。呢首1992年喺Leon「傾城之最」新曲加精選大碟嘅快歌，喺當年已經有「我來自北京」及「但願不只是朋友」呢啲大熱作品嘅情況下仲可以爆出，確實係為Leon打咗一支極大嘅強心針。
呢首改編自日本嘅大熱作，每次演唱會響起前奏就令人好開心，但其實劉卓輝嘅歌詞係寫緊失戀，而可以做到呢種反差，必須歸功於編曲嘅Gary Tong，佢將一首失戀嘅歌用好豐富嘅樂器變得好輕鬆，當然Leon招牌嘅炒菜和敬禮舞姿都係炒起呢首歌嘅原因，記得當時Leon處理2個Verse嘅低音係比較緊，但近年嘅演繹明顯係有進步。
當呢首歌熱播嘅時候，正正係我十多歲嘅表姐身處於深切治療部之時，身為Leon歌迷嘅佢，當時我哋係播呢首歌俾佢聽，希望Leon嘅歌聲可以令佢振作，結果音樂的確有激勵和療癒嘅作用，多謝Leon，多謝「我的親愛」。