📌 只想提一提下，實際都
共 43 條紀錄
只想提一提下，實際都無乜人睇過，莫講話進一步討論
當《再見UFO》話係都市傳說，拍完後隔左8年再上返，人事全非啦，我會諗返起套《給十九歲的我》
我叫好彩掛，起鬧風波之前走左去睇。雖然一套係劇情電影，一套係真人記錄片，同係有似曾相識地方。主題內容方面，兩者都係屬於「寫給自己的信」嗰種，所以《給十九歲的我》個名會容易比到人入口形象。《再見UFO》故事圍繞80-90年代環境，隔左段時期。而《給十九歲的我》係由11年開始記錄，橫跨10年，依十幾年以來，發生過甚麼學生運動，社會，政治事件，相信新一代都好，都會有一定程度印記吧。而當《再見UFO》排除萬難成功出土，《給十九歲的我》因事件愈演愈烈要中止放映，我睇都唔會有再次公開放映機會，成為「傳說的傳說」
其實《給》套片最大的問題，係佢無徵詢其他人同意，將主人翁身邊的人嘅私隱都講曬出嚟！導演亦係主人翁反對公演的情況下，強行將之上畫！呢兩點先係套片真正的死因
給十九歲其實無討論空間架wor
明明係for人地自己校內校慶 (?) 果陣播
之後個導演就拎埋出黎做商業播放
根本就有違道德
我係未睇既, 因為我留意到套戲果陣, 轉頭就爆左單野出黎
無可否認我會有好奇心, 但係同時亦都覺得應該尊重入面既小妹妹
唔應該再睇再播
理得佢傳唔傳說丫
「給19歲」最大問題，類似搵人剪左D成長片段，諗住結婚時播比親友睇笑下
點知個剪片直接掉咗上YouTube 公海比全世界欣賞，仲報名上埋奧斯卡最佳紀錄片提名
Well,唔係人人都受得住
相信大部分真正想睇嘅人已經睇咗
花生友睇唔到係好事
自己覺得橫跨十年最低手嘅地方
係導演冇諗過呢十年嘅網絡發展
只要拿捏得唔好真係可以迫死一個人
仲未計當中有幾多取巧手法令被拍者就範
當日睇完嘅最深感受
係如果佢拖到變成《給二十九歲的我》
可能成件事就有好唔同嘅發展
不過呢個世界冇如果
19歲正式上畫時，都幾多好評，一來優先場反應好，二黎質素確實高除畫質之外，又有名導演。到李惠詩出埋聲後，就要落畫😂😂套戲睇得出初初拍果時，班學先幾咁主動，到大個左變成幾咁抗拒上鏡同態度悔氣好多。都好正路，開始年青就會變得有主見同有選擇權，導演都被圍插左N年，我想比個like導演，拍左套我鐘意既電影，道德責任佢承受，出黎作品我享受，CP值好高😅😂入面有兩個學生，後段長大後d面口都幾惡頂，夠真實。女警算係好好對隊crew，邊個學生盡力配合，邊個西口西面冇得呃。
有睇19. 未爆鑊之前已經唔鐘意，亦喺戲中feel到有強迫拍攝的問題。
UFO我就好鐘意。
講點樣拍記錄片，點樣同被拍者溝通，周冠威最有資格講。
https://www.youtube.com/live/hip081wY0fI?si=gwYz3CEQvgSSioM8
請唔好再吹奏呢套戲啦！
戲內幾位女同學已表明唔想出鏡，係導演夾硬上大銀幕㗎！真係覺得大人咁想欺騙學生好羞恥！
點會無乜人睇過，未上正場前都上咗好多場優先場，我响戲院都睇咗兩次。套戲截至終止上畫時，票房已過1000萬。
一個咁細嘅城市，紀錄片拍完，好多人會覺得同片中人有好多共通點，甚至認識片中人，所以一班青春期女學生，十年長大後真係有翻天腹地既變化。好真實，毫不留情咁比觀眾見到自己所有，的確，冇做好心理輔導，吾係人人頂得住，未計近年情緒病年輕化。
所以我估有生之年都未必合法睇到。
當年有係戲院睇過，睇嘅當下已經覺得唔太舒服，鏡後chur住追問嘅時候睇到皺曬眉，唔講以為睇緊法庭外面記者追上去採訪，睇完更加覺得咁private 嘅嘢點解會肯公開。到後來爆左先知點解會睇到咁唔舒服
已睇過19歲同UFO，除去社會變遷，兩者都是講成長嘅殘酷密語。19因為真實性强，俾到觀眾嘅感觸就更大。
以戲論戲，呢套真係值得拎最佳電影，係實至名歸，真係寫得出香港社會同埋同學們嘅成長轉變，係寫得好正面好出色。
兩套都有睇🙂↕️
19歲最大嘅問題在於佢係「紀錄片」，唔係劇情片…紀錄片入面個個受訪者都係袒露自己真實嘅故事同感受出嚟，攞consent係基本中嘅基本，甚至拍晒臨出街先反口，都要照食。因為人哋本身就係故事嘅主人。套戲本身話學校播最後公開畀世界睇，仲要令人有創傷後堅持自己冇錯。呢班製作團體連docu1001都未學識仲有面目出嚟領獎🙏🏼😇真係好無恥
19歲係香港電影史上極難得嘅電影，裏面記載咗嘅歷史事件更加係可一不可再
我唔好彩，兩套都有睇！
十九歲⋯⋯我睇到中段，個心
好不舒服。
UFO ⋯⋯我睇完，覺得導演手法太多跳前跳後又太貪心！講太多故事但時間太短變咗亂又缺交代。更不欣賞結尾結婚及病逝！
給19歲的我香港票房啱啱過千萬,根據官方統計入場人次超過12萬,仲話冇乜人睇過根本與事實不符,做足半年優先場門票係公開發售㗎！
我睇咗，因為年齡相仿我鍾意，但無阻我依然會追住佢嚟鬧欺騙咗我信任
如果一開始就知道入面嘅參與者係拒絕公映，我絕對唔會買飛支持
喺風波前去過睇優先場，個人覺得好睇嘅位純粹贏在取材，能夠有Permission拍到同一班女仔由中一去到大學嘅轉變，應該冇咩製片商可以做到，同埋佢好彩喺同一級入面搵到一啲比較有話題性嘅主角囉，仲要背景唔係一般學校，係ywgs，加上套紀錄片誕生嘅背景就係喺半山嘅campus要重建，所有人搬哂去深水埗上堂，都係一個好大嘅gimmck
其實未有風波之前，已經有人睇完優先場話個導演根本唔了解班學生同後生一代，連asso都唔知係咩，入面其中一個主角讀咗一年hku space入返nursing，個導演唔明以為佢係retake咗一年😹
其實好多人睇過，因為長期優先埸已收過千萬。（絕大部份是公開售票的）
再見ufo 85分，給十九歲的我99分，呀佘好吸引
套戲我係最早期睇過，係好有感覺戲，後期好多聲音至不能公映。作為普通觀眾，初次睇心中都有些疑惑，有舉手問當時主演同學。其實套戲真係錯，拍完她們都應該大學中，正值青春年華，好明白大家都想將最美好給人看到，那位會喜歡陰暗部份。所以上吾到公映也明白。 是可惜的。 有時想，當佢地好大好大個睇返，可能好彩當時張佢地中學生涯点点滴滴留下。
冇得比，19歲正太多，係畫質奇差呢樣唔得。我覺得後制幾大責任，唔可以一句手提機就當冇野。至於UFO，呢套碎料黎😅
同為女校畢業生，當年睇完trailer，想起當年學校嘅部分老師嘅情緒勒索及道德綁架，就覺得周身唔舒服。慶幸當年終止放映，沒有禍害更加多人!
我覺得想睇但趕唔切嘅人（例如我）先算係好彩🌚
就算套戲再好睇再有意義，都唔係可以傷害嗰幾個當事人嘅藉口嚟
如果唔係李慧詩保障自己，個幾個女仔根本比張大盜一直打壓都冇人理😂
Wtf 呢套道德咁有問題嘅作品仲有人提？ cls 世界。
即使題材類似，但兩套作品嘅焦點唔同⋯⋯
其實兩套戲係兩個唔同片種，兩套放映嘅難處亦完全唔同，好難放埋一齊嚟講⋯⋯
睇黎掉轉係你咁樣俾人拍，原訂只係自己屋企播，點知之後拎出街公演，你都應該冇問題啦？