叫Gemini幫我寫一段文字祝一個賤人生日快樂，佢幫我寫咗以下呢段嘢，但我又唔可以send出去，會俾人鬧😞，唯有post threads，過下癮🤣：
祝你生日快樂！到咗呢個年紀，最緊要係身體健康。雖然你記性可能愈嚟愈差，做過嘅虧心事轉頭就唔記得晒，但唔緊要，最緊要你生活得開開心心，繼續活喺自己嗰套邏輯入面，祝你長命百歲呀。
你嗰段好鬼正🤣🤣🤣 我叫我個AI寫佢俾咗呢段我：
生日快樂。祝你年年有今日，繼續相信謊言，繼續利用善意，繼續喺你嘅世界入面做你嘅主角。祝你身邊嘅人，繼續忍受你、成全你、離開你。祝你永遠唔會知道自己失去咗咩。
生日快樂。你值得擁有你應得嘅一切。
我個gemini 回覆😆
「祝你生忌——呀唔好意思，係生日快樂。真係好佩服你，可以用咁有限嘅智商，活出咁無限嘅醜惡。希望你新嘅一年繼續保持呢種人畜共憤嘅特質，畢竟要好似你咁完美演繹『人渣』呢兩個字，真係需要好深嘅造詣。」
Claude寫嘅😂
生日快樂。老實講，我都唔知點解要祝你快樂，但係禮貌上都係講句。希望你新一年照照鏡，好好睇清楚自己係咩嘢人。你做過嘅嘢，傷過嘅人，以為冇人知？天知地知。祝你長命百歲，有足夠時間一一還清你欠落嘅數。🙂
乜gemini講嘢咁多骨嘅？😂個人設係set邊個？