📌 各位脆友 你好我今
共 49 條紀錄
各位脆友 你好
我今年26歲
畢業後 做咗幾年廚房
見得太多預製菜 科技外賣
最近下定決心喺中環租間舖做外賣
希望提供多啲健康又抵食嘅家常味道比大家
初步想法係賣兩餸飯、便當、燉湯
由零開始創業
立志成為 「中環打工人飯堂」
自6歲起 已經熱愛煮食
耗盡畢生積蓄 只求完成開餐廳的夢想
因為自己白紙一張 淨係識煮嘢食
虛心向大家請教
呢一刻仲寫緊餐牌
又想搞 脆友試食會
收集吓大家嘅意見！！！
我真係會去做！！！
目前銀行餘額：-$300,000
早兩日簽完約
興奮到失眠
今日終於交場啦
有種「人生項目」啟動的興奮感
同時 又超級無敵緊張
總之去好好感受生活吧
攝於 潮濕的中環 2026.04.02
覆唔曬⋯對眼擘唔大，沖涼補眠先。聽日開波試菜，再慢慢覆大家🫂
晚安了，我的脆友們🌙🌙
📍中環 怡和大廈LG樓 BaseHall
LG/F, 1 Connaught Pl, Central
唔好搞咁多範，做好一樣先，兩送飯就兩送飯，做起左先加燉湯，我都有顆創業心，又係兩送飯，不過冇你咁叻，未有本錢，加油👍你開中環邊到，去開中環去撐你
你有無係中環返過工？
過去十幾年，執過無數間賣中湯嘅
中湯要好飲足料，成本太高
搞不撚掂
樓主一嚟就入到basehall 你地唔係覺得佢真係初哥呀嘛😂明顯養緊acc
6歲開始已經鍾意煮嘢食…鍾意煮嘢食同經營餐廳係兩回事，餐廳需要管理各種大小事務（人手安排，食物成本控制，收益百分比，食環消防，繁忙時間承載率，各種瑣碎事情）唔想打擊樓主你，希望你做好最壞嘅打算去迎接，特別係呢個咁嘅經濟環境，加油🫡
比小小建議
第一：你雪櫃唔夠多，你應該無太錢請人，咁就要提早備料，一定要多雪櫃。
第二：唔好唸住早收工，做飲食創業，大家都成日訓廚房，買張床椅和風扇。
祝你一帆風順
健康、好味、平
呢個係做食嘅不可能三角
你自己小心
返咗中環好多年，我嘅觀察啲人極少人會食呢啲野
expat -pret, 沙律，三文治
慳錢一族 -帶飯，真平價兩餸飯（唔會買貴價燉湯， 大家樂果啲
後生又洗得起錢- 食日本野/西餐/ poke 呢啲貴夾唔飽嘅野，總之冇咩事都唔會想食家常菜
港漂 - 大陸果啲非粵菜重味野
所以唔知你想target 咩人，我成日去base hall lunch 都好肯定自己唔會想叫你呢間
(老實講後生邊個鍾意飲湯，老母鬧都唔肯飲啦）
反而你開喺觀塘呢啲位可能有得做，果邊啲人好鬼鍾意呢啲貼地野
交租好快就一個月
呢個年頭做飲食業 真係好難做
希望你捱到三個月之餘 仲可以有錢賺下 加油💪🏼💪🏼
我覺得唯一有得做既 就係 茶飲店/糖水舖/街頭小食/輕食（沙律）本事利大個啲先有利可圖
加油
我一年前都做緊差唔多既野
要意見或者有難題想多個人拆下就pm我啦🫂
你間舖頭開喺BaseHall，咁你Target客戶都係中環接駁天橋嗰堆商廈嘅人，所以你嘅定位係要好食、快捷同埋種類多，價錢可以定高少少，例如一個三餸飯$70-$80係可以嘅。唔好諗住同乜鬼民或者cheap cheap三餸飯去比較，因為會買呢啲飯嘅人根本就唔會落Basehall而落得去嘅就係要方便快捷。至於餸菜款式你可以加幾樣迎合內地人口味嘅（即係濃味啲或者辣嘅）因為依家喺中環返工嘅內地人都唔少㗎！至於賣燉湯我就有少少保留，反而你煲啲時令湯水可能仲受歡迎
五年初創期，五年成長期，五年收成期，五年萎縮期
百份之99.9死在初創期頭一年
大部分初創人死在同一位置！
「判斷錯誤」「資金斷鏈」
我講個你易明啲先，斷鏈！三十粒，你係大陸搞（廣東地區可以桮到外賣店門面出嚟，不過我預咗你捱唔過一年）
因為你冇營運資金。
如果係香港三十粒應該未夠入埸資格格玩呢個遊戲。
「判斷錯誤」商業第一件事👆🏻存在即合理,當你第一個動機去定位之前,你去問一問自己點解呢樣野咁唔合理，
不過點解可以係香港存在？
你搵出原因先，先好同自己定位！
每一件事存在即代表需求大勢！
你想改變現狀,你首先要知道需求嘅低層邏輯規則！
從定位之中成本的理解要深入了解先！
之後係可控因素，選址，需求群體，宣傳同包裝。
最後係你嘅產品！
我俾你嘅建議係你入咗行先，你真正了解需求群體邏輯先。
最後俾你一個你有可能成功嘅信號提示！如果你可以入一間餐廳做總廚，而因為你定位嘅菜式令到生意額，三年內每季度穩定增長超過三成以上，咁你有成功嘅可能性。
你出嚟創業應該可以攞得返本金！
至於後面成敗與否就，睇你有冇錢一係睇你有冇運同有冇不斷創新嘅能力同管理執行嘅能力

我都係一年前膽粗粗開咗舖，我想講最緊要目光準、親力親為、堅持試味（好重要！）、控制成本、唔好貪心（超重要！），仲需要些少運氣。我都唔用預製菜，賺大錢就難啲，但想維持到生計，其實冇大家講得咁難做（身體上嘅痛苦另計），加油啊師兄！歡迎你pm我交流💪🏻
我住中環成日都係中環食早餐加lunch
晚餐通常自己煮
但我好少去BaseHall 因為覺得無咩野好食咁 又唔平
我以前有時會食JOA $6x 但而家覺得佢d 野好油好多汁 就好少食
有時會食越南野
其中一間食得最多係勇記海南雞
因為$6x 有野飲 / 椰子湯 同埋雞加飯 簡單
有時會去中環街市樓下買$8x 沙津
有時會買吉野家返屋企
有時會去IFC city super 買兩餸飯 $78 / 2 肉2 菜1 飯/意粉
以上係中環其中一個街坊行走路線
係中環做外賣要做好定位。
Ol 心態健康好食，燉湯建議有去濕湯，菜式每日加入一款素菜/去豬/去牛，藥膳都係一個好選擇。
希望你成功。記得做好香港商人形象衛生/安全/有承擔👍🏻
如果我建議對你好幫助，我只求一個回報用你有限的資源幫助別人，輔助下一個你🙏🏻
觀察吓中環人嘅飲食習慣 外賣文化等 試營業整個簡易版嘅意見箱 等人可以Online feedback btw Lm試食
做好味又營養嘅減肥餐，增肌餐
我會希望有show me your love😋😋但減肥version嘅
基本上你開嘅地點，只做星期一至五嘅lunch hours，冇六日公眾假期，一個月做唔到好多日生意
無強大產業結構背景，不見意發展⋯⋯
過來人，當年疫情第5波時將所有餐廳結業。當年我地特色蛋包飯，IG經常洗版，餐廳經常排長龍，晚上9時排隊是正常。
可是整體消費結構轉變，開關後加入的人，只能用「慘不忍睹」來形容，賣樓套現燒錢得個吉，家變是常態。
你租咗地庫個廚房？
想知點出餐
因為座位要上一層 🐒
難啲不過加油 以前大館附近有間兩餸飯返工嗰陣真係日日幫襯 後尾都係執咗 之後戇撚鳩開咗間瑞幸咖啡屌你老母
做飲食嘅唔好諗住有得收工，尤其是老世，所以建議你買部PS5擺喺個鋪頭度，就算開ot晏左要喺鋪頭過夜都唔會悶親！
其次做飲食嘅，嘢食味道好緊要，好唔好味係做飲食嘅關鍵，而要每道菜式好食除左係考廚師功夫之外，更加多嘅係取決於你味精落得唔唔夠多！啲食客反映唔好味嘅就下次味精落重手啲，調一調返個鮮味返嚟。
最後，請人千祈唔好請女員工。有道是女人係紅顏禍水，接近呢淌渾水就萬劫不復，最壞結果同佢結婚生仔成家立室咁就一世架喇。色字頭上一把刀，作為過來人希望你明白呢個道理，但如果你堅持要請女員工嘅咁我希望你儘量都請啲靚嘅，等自己舒服啲。
做沙律，高蛋白個d 健康餐？
專攻OL 同大隻佬生意
26歲開鋪，勇氣可嘉🫡
中環放lunch其實都好癲
只要唔差 好快就可以體驗到冧檔
不如你俾開鋪成本既10%我，我會同你講多謝。
但約都簽埋，good luck!
可以將每日/每周餐單upload上IG
做埋送上office service
有d公司會一班人一齊叫飯
加油👏
支持 。我未做過兩餸飯 。但有幾間餐廳 。主力冰室 。有需要可以一齊研究下 。加油
朋友 計好食物成本 盡量要用啲可以擺得耐既貨 湯唔建議住 做起先加 或一兩樣湯 你越做得多野 成本會拉高同埋食材消耗去得慢嘅都係晒
On9 你犯咗兩個錯誤 一個係「中環」 另一個係「做外賣買兩餸飯」 講真係做中環出得去食嘢嗰啲個個都想食好西 特別係年青男女鍾意食日韓精緻餐廳 兩餸飯連外賣連大學生intern 都唔食啦 交下學費啦。
十幾年前上環翻工，同事叫我一齊買外賣飯卷，包一壼老火湯，會送到上公司，初頭覺得幾好，但後來發現個不銹鋼壼污糟到仆街（包括我幾個同事個壼都係好L污糟）自此無再幫襯。希望你知道，好食同乾淨永遠放喺第一位，祝生意興隆。
開過餐廳
亦都專幫人做餐廳，裝修設計
試食或者有需要人幫手隨時出聲
2年前 係無飲食經驗下接手一間係大埔既餐廳
最近係大角嘴開分店
由當初咩都唔識，而家可以入埋廚房備菜、出餐！
最緊要努力！
加油阿！