各位，我有朋友入咗精神科醫院
佢係一位女性
請問需要買什麼物資？
希望大家可以分享一下，感激不盡。
多謝大家嘅回答，我現在等緊朋友，今晚會唔會打俾我，我再決定問佢住邊間房。非常感激感激大家，90度鞠躬謝謝
唔知你個frd係成人定青少年
如果係青少年嘅話，一定要直系親屬先可俾物資，或者要經家長同意
如果係成年人嘅話，應該朋友都可以俾（我唔知，歡迎回覆指正）
必備物資：（我住過兩次，應該可以俾到建議你）
首先牙刷牙膏沐浴露m巾呢啲日常清潔用品就一定要，其次就係底衫底褲（可以選擇用紙底褲，方便唔使冼）之後如果要俾物資嘅話，要注意唔可以有尖銳嘅嘢，太長嘅繩都唔得 然後就係一啲解悶嘅嘢，因為裏面係會收手機（青少年精神病房係咁，唔知成人係唔係）所以可以準備一啲書或者紙筆，令病人可以解悶 然後就係水樽、少量零食同埋紙巾 紙巾你預多啲，因為情緒病患者通常會一直喊 其他嘅暫時諗唔到，之後再補充
譚仔 練習簿 音樂盒 入去係咪都要俾錢㗎啦所以M巾嗰啲呢？除非自己用開如果唔係盡用措施
護膚 專屬洗頭水，不過預咗會俾人偷
你就當坐監差唔多，但係廿四小時開冷氣
要問護士和女病人要否帶經期用的衛生巾。姑娘會把她的洗頭水，沐浴露等物品寫上病者姓名。還有帶牙膏和牙刷及一隻膠杯！
m巾、紙巾、零食、飲料（食物參考醫院違禁品）、書（不可以硬皮）、手工紙、星星紙、軟頭嘅筆（每間醫院唔同）、洗浴用品、細毛巾、紙內褲、牙刷牙膏
青山嘅話：
必備 (病房唔會提供)：
紙底褲 (唔可以布底褲，萬寧有得買)、廁紙、tissue (抽紙 / tempo)、牙刷、 M巾 (最好係安睡褲嗰隻、因為係紙底褲)、尿片 (如有需要)
Nice to have:
牙膏、洗頭水、沐浴露、零食 (要有expiry date， 要細包啲因為15分鐘內食唔曬就要抌)、 平日食開但唔係公立醫院開嘅藥、潤膚霜 (如有需要)、 書 / 雜誌 (要拆釘)
希望有用
(如果我入院嗰陣有呢篇文就好🥲🥲🥲)
最重要係洗漱用品：牙刷、牙膏、牙杯、冲涼毛巾、多合一冲身液；即棄底褲
紙底褲，沐浴露，洗頭水，牙刷牙膏，書（唔可以有色情同埋暴力內容）
我上次入去淨係帶呢啲💀
飲品，請勿買罐裝或玻璃瓶裝，危險。
如果買記事簿，請勿有圈圈的，姑娘擔心有病人拆開圈圈是一條很長的鐵線，怕可能會自殘或傷人。
紙底褲、牙膏、牙刷、洗頭水、沐浴露同m巾；帶marker/水筆（唔會俾佢自殘，或者比姑娘沒收），有需要就dm
你是否在香港？護士應通知她的家人帶她用作洗臉和沖涼巾。不宜大塊。又替她買沐浴露，內衣和內褲。我估買替她買合她穿的紙褲。還有一把膠梳。護士會見家人時檢查以上物品是否符合安全。因怕病人用此些用品自殺。所以不能帶大塊沖涼巾！
以我所知佢冇人冇物，但佢叫我唔好擔心佢， 琴日入院，第一次同我報咗平安。
通常先入急疘室病房觀察後次日早上才有精神科醫生評估病者要否轉去精神科病房留醫。我曾去港島瑪麗醫院和青山醫院探好友因她們要留醫。我帶過物品給一好友在次日入院時。