📌 同事farewell
共 55 條紀錄
同事farewell lunch點解好似要逼齊人出席😅
我答唔去 就比同事開始問理由
我話我帶飯留office食 就收到句「帶少一日唔得咩」、「佢lastday喎 你唔係唔比面吖？」
大佬又唔係farewell我 唔去洗唔洗講咁多嘢啊
老實講呢啲叫人情世故
條命咁長，邊日風水輪流轉都唔知
食餐飯又唔會少忽肉，又唔係日日食
而家D人self centred就包裝成獨立自主
唉
你唔去食都唔好帶飯咁柒啦，話約咗人食飯/去銀行搞啲嘢，然後出去食個老麥返嚟
到你走時冇人farewell你囉
如果你接受到咪ok
做人嘅野有來有往
除非你保證一世人都唔會受別人幫助
其實可以唔食，但你要同時接受一定有人會覺得你唔識人情世故嘅後果。你覺得OK咪唔好去。
其實冇問題㗎
你咪照答佢: 係，唔俾面
因為呢個係你真實嘅想法同做法
唔需要怕講出嚟
要Be real 就real 到尾
正所謂 做人留一線 日後好相見
例子
我呀姐係team manager, 早期resign左
喺resign 左又未離職個排
Team officer見高拜見低踩
見佢resign 左都唔洗比面佢
招呼都唔再打 當佢透明
點知 一個屈尾十 呀姐做左CEO assistance
真 呢個世界好細
唔知幾時會撞返
有朋友移左民撞返自己舊上司
最後仲refer左佢入自己間公司
不過樓主鍾意點咪點😂
你係唔係唔比面吖，呢句難聽過粗口。
Who are you? 點解要比面你？？
老實講呢啲唔叫人情世故
係奴隸釋長年被壓榨嘅變態心理，憑咩你可以自由做自己？咪情緒勒索你。咁樣佢先自我感覺良好，實現「我仆街姐，有人比我過得仲仆街」
如果樓主睇唔開，真係「食餐飯又唔會少忽肉,又唔係日日食」。緊記！今日割五城,明日割十城,然后得一夕安寝。
老海鮮路過
純粹參與公開討論、不問對錯🙂↕️
出來社會撈野，人情世故雖然唔係必要，但係有一定意義… 尤其係職場生活，好多野係接近100%俾面派對。
當全世界都去，而剩係你唔去… 係有啲蝕桌，究竟係唔合群？唔襟撈又或者對主角有意見？就算你本意完全唔係咁，其他人都會自動去解讀你動機。
所謂「風水輪流轉」，其實反映社會一個潛習慣：
今日你唔合群，將來你拜拜/有求於人時，人地好自然會撓埋對手…. 職場社交唔係強制規則，但係會影響人際間評價；當然你唔care就無話可說🤷🏻♂️
以現實層面去取捨咁先算，出來社會撈野大家都心照：
職場環境係咁，唔social無罪、公司唔會warn你或者炒人，但多數會有隱形代價…
大圍同事自動標籤為「唔合群」，或多或多會影響非正式人脈連結，同時某啲資訊圈接觸會少左；如果公司講求團隊同群體合作的話，獨家村多數無運行。🤷🏻♂️
反正都係自由意志、各有取捨🙂↕️
辦公室生存學，我真心諗為「識做人」同「識做野」都一樣緊要；睇你自己點玩喇~
老海鮮x 2
100000% 認同你講嘅嘢
其實喺我角度，我覺得識做人係緊要過識做嘢。 年紀越大就見到識做人嘅好處。
後生嘅時候都仲覺得我做嘢最fit我最重要。但係年紀大咗接觸嘅嘢闊咗就發覺識做人緊要好多。
如果唔打算搏上位，純粹求其搵份工打下的話，咁當然無問題~自然唔需要投資落無謂社交..
但係如果想上位，老細未必考慮升一個唔合群/ 無向心力同事做team leader嘛；反正野又個個都識做，有得揀就避免升個「唔合群」去破壞職場和諧。🤷🏻♂️
人地last day都唔出席，明顯係唔俾面，係眾人眼中就係獨家村。你咁唔識撈，無問題既，只係你唔俾面人，人地亦都唔洗俾面你，第時唔好呻俾人pua 。
作為老嘢，覺得要出席，唔關俾唔俾面走個位同事，係同其他同事關係如何，始終成日見。
不過聽到後尾串你嗰句，又覺得啲同事未必係好人，如果唔諗住長做都可以唔理。
好似你淨係like support自己嘅comment
一樣無問題 係某啲人眼中就kam囉
最唔識人情世故嗰個係樓主，同事都都係問兩句啫
睇吓樓主幾時俾公司炒
成個過程都係大家互相了解嘅機會姐
你唔鍾意個同事 咪唔好去
你其他同事覺得你無情 之後共事咪全證揸正黎做
無話邊個啱邊個錯
樓主咁型得唔得嫁，你應該大大聲應佢唔撚去咁樣仲好
撐你喎，擺明同事只係同事咪唔去。
你成年人知道後果，啲人唔尊重先唔成熟。
無人幫自己farewell原來都係個point 😨 如果對方岩傾去吓都無妨 但睇樓主嘅文字
要走嗰個人應該都唔係啲熟嘅人
既然都唔熟 點解要在乎佢嘅諗法
做人都係自私啲好
打工啫 🥵
好搞笑，勁多人話第時無人同po主 farewell... 點解佢哋會覺得po主care 有冇人同佢 farewell, 根本一睇就知到po主走嘅時候佢連餐飯都唔想有，成班on 9 覺得冇餐飯世界末日咁。
你係一間公司做野 Farewell飯都唔食
咁樣係唔合群 問題已經唔係餐飯本身咁簡單
係會俾人覺得冇辦法同你夾做野
原則上你唔食呢餐飯係得罪左走個同事
得罪一個將死之人本身問題唔算太嚴重 但係如果佢本身人緣唔錯嘅話 你係得罪晒同佢friend嘅人
調返轉問 咩原因令你咁抗拒食餐飯？
環境唔好，要交人頭，腦細第一個一定諗到你。
到時應該冇人同你farewell
出現係禮貌，唔係比面唔比面問題
如果真係有事不能去，同該同事講聲，亦都係禮貌
不過而家好多人都冇乜
你真係覺得人地好想你同佢食farewell飯…..你都幾天真…🤣🤣🤣🤣 不過無所謂既，你今日有幾現實同無情，他日同team既人就會對你有幾現實同無情。
你把炮到受得起就得🤣🤣
一係就老細請哂全team食 成日都唔明點解係都要我夾錢去
尤其平時嘢都唔講兩句嘅同事 同西鐵d陌生人有咩分別
你其實真係可以唔去，無諗住繼續響呢度做又或者唔諗住升嘅話，兩個candidate背景能力一樣但一個識人情世故一個好鬼自我唔諗住social你估阿頭會揀邊個？
一啲人覺得係人情世故 一啲人覺得係奴隸心態情緒勒索
其實轉個term諗可能好啲
將呢啲嘢當成投資 你做 蝕底啲自己時間 但有機會有回報 就係人哋覺得你俾面 合群 你對人好 人對你好
唔做 自由啲 但有機會人哋唔同你來往多
做法無問題，但比人話你無人情味囉，咁呢個世界有好多野都要靠人情嘅⋯你唔care啲野無咁soft 咪得囉
總有啲人唔鍾意俾面派對嘅，我覺得冇所謂，自己揀。
但一定要有心理準備，他日到自己 last day 時完全冇人理你 like you're nobody, don't have any hard feeling pls.