同咁多frd去過旅行之後
發現原來我有咁多地方睇唔慣人

1. 討厭要化妝唔自己較早啲鬧鐘自己起身先，同我講要同我同時間起身，已經讓咗廁所畀佢用先，然後最後仲要我等
2. 討厭一直要影相影到滿意為止，以影相為目的，旅行一定要出片嘅人
3. 討厭行幾步就話攰，同埋攰就將啲力壓喺我度，我知你腳軟冇力行，但係我要一個人承受兩個人嘅重量，我都好攰，仲要搵落腳點休息

我明白冇人可以100%契合，但係我真係頂唔順了

我仲有嘢講，旅行全程同其他人講電話都😅😅

試下Solo travel 番唔到轉頭

我都好憎第一點。因為我唔化妝，半小時一定出到門。所以，我11月同朋友去旅行，我都講明到時間就一定要出門。所以佢就執生，自行調時間。

關於第1點
一率講 “聽朝X點出門口”
而唔係“聽朝X點起身”
咁樣應該會比較好

然後佢就會問你咁即係幾點起身？

答佢，咁大個人，自己計啦。總之我地聽朝x點出門口。

然後即刻嬲咗 問你使唔使咁嘅態度？
旅行期間就會面阻阻 全程閪面🫠

咁真係好難頂😮‍💨😮‍💨冇下次

我唔化妝，但會搽防曬
我幫人影相，影到佢哋出片；但佢哋幫返我影相就好難得先影到幾張我滿意
一齊搭車定係一齊行，對步程、目的地都要有共識
So far 我嘅旅伴暫時都未有投訴

人生苦短
我而家九成旅行都係solo
唔想做免費導遊、保姆

真呀

係……🫂🫂之後就會發現其實獨旅真係好爽

應該係你個旅行腳唔夾，你可能要搵啲同節奏的朋友一齊去玩。

所以同人旅行係照妖鏡黎
屋企人就冇得怨

朋友呢，唔夾真係幾日都面阻阻，嚴重返黎冇fd做

有時出黎食飯幾個鐘，難頂都係果幾個鐘，旅行食住玩一齊，唔夾或者對方行為太過份，都造就左大家獨旅😎😎

3.好睇你地番咩工，一個服務業，一個office已經會差勁遠

唔係重點，係有冇運動習慣

所以現在我選擇獨旅，唔影響到人，人亦唔影響到我

幾乎90%都係獨旅既我,表示

-唔該同我旅行之前,自己買定當地上網卡
-你夾到就黎,夾唔到就自由活動
-有野忌口Right?Food Court/夜市搞掂
-你有想去既地方,可以一齊去,但係唔好當我係兵
-化妝,得呀,你化完再Text我,我出去先
-影相,麻煩自己搞掂
-攰?講定你知下一站去邊,你自己打車去左先

我反而鍾意同唔同習慣嘅人去旅行，迎合佢哋嘅喜好玩，我發覺係睇到玩到唔同面向嘅嘢。近年反而係長輩鍾意搵我帶佢哋去旅行，我可以感受到另一種旅行嘅節奏

去旅行係想放鬆，唔係想湊仔

如果要人哋超過70%遷就佢嘅話，呢個人已經唔適合同行。
旅行就係為左開心，我都係一個人飛算😂

唔啱玩無謂勉強

去一次旅行見真章

2我真係頂唔順，1，3既話，最緊要接受到分開玩就得。你要化妝你慢慢化啦，我自己落樓下行下先，再唔係執下野，或者洗下衫都得（集合時間有共識，唔好甩底就得）🤣第3果個，建議返大陸玩，call車好方便，唔貴，玩到攰你call車返酒店休息，我繼續玩。再唔係你全日stay酒店都冇問題（想食野就嗌外賣，好方便）

1可以通過溝通解決。我同人旅行都會傾定幾點用洗手間、幾點出門口。你試咗一日有不滿可主動提出，大家溝通，收埋係心對方唔知，如果講咗感受對方企硬佢都唔係好旅伴冇下次，但做得我朋友/旅伴的都唔會咁差。

2 我旅行好需要影相留念，多數找得旅伴前，我會對方了解過佢旅行目的，知平時喜歡影相的人夾先同佢一齊去。即你對影相零興趣，呢樣要等對方影，唔願意等對方，又唔想幫人影，你唔喜歡的確好唔耐煩，你找錯唔夾的人。

3 去旅行前會對方傾好行程景點有問體力可否應付，地方時間會否太chur, 又係互就，好少會去緊果時先話有問題。我朋友都知對方有冇運動習慣、體能如何，好少對體力差太遠的人去旅行。
如果去緊先知原來對方頂唔順太攰，我唔介意停低抖，如果對方覺得抖一陣未必再繼續到，我會提出未攰想繼續行，未必覺得呢啲壓力，不如對方返酒店或搵間cafe 坐下之類，睇下對方咩回應，如果拒絕一邊講都覺幾煩，咁差的人都好少會同到我做朋友。

如果雙方唔願溝通，一係一個去最簡單。
我自己獨遊同一大班朋友都有試過，兩者各有好壞。

戥樓主慘🫂🫂🫂
遇着啲咁垃圾嘅Travel Buddy 🤦🏻‍♀️
你提到嗰四點，都真係好討厭
放心，你睇唔慣嗰啲，完全唔係你嘅問題，完全係嗰啲團友自我中心。希望你有日會遇到一個好好嘅travel buddy ，可以一齊開開心心去旅行。

去旅行應該分開住，一同食飯就夠。
但亦試過同friend七晚住温泉酒店( 日本有啲酒店一個人係book唔到一間房， 所以都要搵個friend一齊去， 銀山溫泉寨其中一個例子)，每天轉地方，有同房有分房，so far ok , 仲有見面。
但我99%都係獨旅。

係 所以要搵步伐相似嘅人先有得玩

呢個旅伴唔啱key就揾第二個，勉強無幸福

唔係所有人都適合一齊去旅遊 唔適合勉強不如solo trip

較早d起身，叫佢自己搞，之後訓番？

塊面靚同醜都好似唔關我事
咁點解要自己較鬧鐘叫醒佢?? 我一直瞓到夠鐘唔好

其實自己一個更開心😌

唔介意冇人同你食好嘢,獨遊好好多

真！旅行好睇到朋友另一面
我就最憎啲人free rider 又要多多野講
明明冇去過又要扮晒識
係度指指點點🙄
甘叻叫佢搞又話乜都唔識
又要充大頭 🙄🙄
要free ride就唔該醒小小
唔好甘多嗲 淨係join同比錢啦

BTW 🙈🤟🏻
Solo 先係旅行王道🥳🥳🥳

諗同！我真係好鐘意自己去旅行！！！！！超級enjoy

上Klook就想點玩都有得揀😙

辛苦你啦
我都經歷過 所以依家選擇咗獨遊🙂‍↔️

所以一個人去旅行永遠最開心😎
同任何人就算係另一半都唔夠自己一個人開心😌

Solo trip is the best!

一唸到同fd旅行要同步就頭都痛😣所以同親fd去都係2對couple咁去 可以5日嘅trip淨係見一日/一齊食過一餐飯🤣

自己去啦

仲有腎虧狗都好煩
行幾步又話要屙尿搵廁所

我亦好怕啲人好快出到門口，我明明較早咗鬧鐘畀自己搞搞搞（例如飲杯暖水，然後化妝之餘沖杯茶飲吓先），但我一出廁所佢就跟住起身，5分鐘後就整裝待發😭

嘩 唔講以為你講緊我前老友
真係相似度100% 屌🫨🫨🫨

最忟就係搵緊路 係咁問到未？仲有幾耐？
唔識自己搵嘅 我搵緊鬼知咩 喺度問問問
個Google Maps 又係咁跳嚟跳去 抽筋咩？
佢又唔幫手個喎 一句自己路痴 大晒？
我夠係囉 見佢拎部手機出嚟以為佢搵路啦
你老味🫵🏻打開個美顏app喺度Selfie
本身都冇為意嘅 成個專注力都係搵路嗰度
無啦啦問我 佢今日個妝點 條眉對唔對稱
我真係好愕然咁望住佢 心諗我打到你對稱
而家越諗越嬲 點解嗰陣時咁忍得🫠

我前老友完全就係我呢一生嘅劫
困擾咗我20年終於解脫
真係感謝天父賜我解脫🙏🏻✨

我自己去嘅話早個半鐘起身就夠，沖涼再化妝都得，4點半起身坐6點車避人潮

你要試下一個人去旅行
勁爽

我一直都話獨遊其實無特別大好處，只是完全沒有跟他人去旅行的不好處。☺️

俾我朋友睇到會以為係我打出嚟講佢壞話架😂😂😂
人與人真係好講契合。有啲人覺得冇所謂，但有啲人就會好在意。我覺得你如果真係好在意，首先試下講笑咁同佢講下睇下有冇改善。如果冇，試下認真講下，如果佢都係一意孤行，咁你先決定係咪仲想一齊旅行。就算最後真係唔想再同呢個人去旅行，我覺得就算去旅行唔夾都未必做唔成朋友嘅

獨遊好過！一團體旅遊就有呢啲麻煩，加上大家唔知嘅生活習慣浮曬係水面，大家生活習慣唔同，只會令矛盾增加，所以係見好多去完旅行無朋友做就係咁解。

唔鍾意同friend 去旅行，只同家姐/老公

一個女仔好難自己去

好想介紹我個fd俾你個fd認識呀，自私精遇着自私精應該會好精彩

你嘅問題好多人都有，一個人去啦⋯⋯冇煩惱

無岩與唔岩，只有夾同唔夾。
我試過3，啲人成日行一陣過攰，只係8000-10000步左右，然後第二個旅行腳行開25000又嫌我🤣