📌 同男朋友去旅行，男方
共 53 條紀錄
同男朋友去旅行，男方畀晒錢....是否正確？
我唔係貪心，係真係真心問大家，其實好唔好問佢畀返少少錢佢，因為都駛咗成萬蚊....
睇對方能力囉，如果大家都冇乜錢咁咪大家都出下錢，但一定男既出大份，女既出細份（情緒價值要到位，大家都happy）
如果對方有經濟能力同條件，梗係男嘅俾晒啦！你唔用佢啲錢唔通俾第二條女用？（你嘅付出應該應用喺其他方面上 而唔係錢。）

男嘅都好現實，你自己冇「配得感」，就唔好怪男人唔使錢喺你身上。
唔好講埋啲咩男女平等，嘥氣。
其實同拍拖是否AA同一個道理。主要睇兩個人既收入，我幾個男朋友收入都係我既好多倍，平時出街食飯，佢地比晒，我間唔中比一次，不要覺得是理所當然，當然佢地唔會計較呢一餐半餐。同呢個都係一樣，而去旅行所有洗費都係佢比。如你們收入差唔多，你直接同佢講，我比番錢你，佢話唔洗就唔洗，佢話好呀就比啦！
如果另一半的一直無工返，或無心搵工，一拍拖無耐就已諗住我將來養另一半，所有錢都我出，對唔住，我會要求佢快搵工充實自己，去旅行都要各自比部份錢，等女朋友學識自己都要有野承擔，唔係完全依賴對方，將來出錢比例還將來的事，有時過份寵有機會將來會寵壞對方
佢係打算畀曬定係畀住先呀，問清楚好啲，如果佢係打算畀曬咪由佢畀，你搵啲位請佢食餐好嘅咪得，但係如果佢打算只係出住先咁梗係主動問下佢使唔使畀返佢啦。我過往嘅男朋友係會收少我啲，譬如五千佢話畀三千佢就ok
我一定會問，share 番，
除非佢拒絕啦， 如果佢又搵多你好多，咁咪食飯錢你出囉，
如果你問呢條問題時去完旅行啦，佢又唔肯收，請佢食餐好好既加買份禮物俾佢囉.. 我覺得主要係俾佢知道，你好感謝佢..
冇一定對錯嘅。佢有能力又唔介意比就更係好。如果佢冇能力比，又表明唔想比。咁就唔好夾硬想要佢比，比較好。
如果佢冇能力比又肯比，咁可能你平時間中請下佢食飯。可能已經好開心。
我係男，我用返男角度諗男好簡單，其實你比佢感覺你愛佢就ok，旅程大家都快樂，1萬幾千沒問題，完左開心旅途，回去本來生活地方，放工有機會抽時間接下佢一齊返屋企咁就超快樂
就係你依啲人搞到父權當道，女人應該攞返主導權，請條廢柴男人去，叫佢坐就坐，企就企，拎嘢就拎嘢。你依啲老鼠屎搞到d 男人出兩個臭錢就以為自己大晒，收皮啦你。
你有呢個心幾好，証明你都係想繼續落去，錢唔錢唔係問題，不過你可以係d小數你比，好似買下零食、街邊小食、兩三餐飯賣單，咁樣個男都會覺得起碼你係值得一齊
如果你買佢然後俾番錢佢，一嚟出於男人自尊佢未必答你/收你錢，一陣搞到佢有hard feeling 覺得你睇佢唔起咪仲衰，寧願你之前大時大節/搵其他名目送禮物好過
如果係我 我唔會要佢比哂錢 轉頭又比返啲錢佢 佢一定話唔要
我會例如機票酒店錢佢出左 咁旅行途中洗錢 食飯 搭車就我出 或者機票佢比左就我book酒店咁
價值觀唔同結局都好大差別。我見過男人分手之後追返佢洗嗰啲錢。有好多男人為咗扑嘢，開頭洗好多錢，搞到之後就冇事。睇清楚為人再決定俾唔俾返佢
如果你覺得應該比番錢既話就比啦~
如果唔係錢都可以係其他方式回禮，黎如請佢食飯，送禮物等等，為佢做D咩等等~
最緊要你地兩個自己開心就得啦~👌
冇絕對正唔正確，睇對方財力與意願啦~
唔好問比昇幾多佢，旅行期間請吓佢食野或者買d佢鍾意既野比佢咪好囉~
大家心照，happy，sweet sweet 就夠了~
無話正唔正確，至少佢覺得你值，佢搵幾錢同肯駛幾錢係你身上係兩回事，都要睇你接唔接受到，如果係我可能請返佢一個staycation 開心下
我會比返
人地返工都好唔容易
都有自己屋企人要養
除非佢真係好有錢 根本唔care就請佢食野，送下野比佢
唔好存有老馮既心態
你對得住自己就得啦，同埋唔好覺得老馮，維繫關係有時要互相付出，要有同理心多啲為男朋友諗吓，當然前提係佢會為你而諗.
你地學生, 剛畢業, 定點?
大家收入, 支出又係點?
男方畀晒錢, 因為佢book? 食飯主動比?
你肯問, 其實佢應該會開心, 唔會當佢老奉
無話正唔正確，唔係用老奉的姿態去看待就得，亦未必一定係畀返錢，可以用你的方法去表達返好意。
投桃報李，永以為好。
禮貌問吓佢要唔要夾返囉～佢話唔洗起碼你個心又好過啲，佢話要夾咪俾返錢佢，到時分手起碼冇機會俾佢拎返出嚟講你壞話
我嘅話會直接過返一半數比男朋友👫🏻
唔想因為錢令關係出現裂痕同有壓力
佢真係想請到時會再過返俾我哋㗎啦～
睇下你搵幾多，佢搵幾多，上次我計數係一人一半。 如果佢堅持俾曬，可以參考網友話買返份禮物俾佢，叫做無咁老馮。
好歹都夾返份，旅行始終係大數，下下咁其實唔係幾好，除非佢主動話請曬你
通常一個訂機票，一個book酒店咁
當然都沒有問題， 但你一個回馬槍， 俾返少少 或者買某樣貴少少既野俾佢， 咁呢段感情不得了 再次升華。
你可以係當地book間好餐廳，負責搵路帶佢去，請佢食餐好既。
佢一定會好開心，覺旅行包埋你個份係值得嘅
不如唔好再問哩啲無謂問題。
hold到個係AA男定係全照男全憑自己本事。無分對錯。
冇本事嘅我經驗之談😐
你咪喺適當嘅時候俾錢埋單囉。男人唔係好計較出幾多，但好介意老馮，佢見你會主動分擔下實加晒你分。
若你系性工作者，去系提供性服務
直頭要收錢啦
若果吾系，就比返自己果份啦
咁你系收錢定比錢呀？
有能力，有心咪畀啲囉
都唔係老馮佢畀晒呀嘛？
你話畀，佢唔收就另一會事
你畀都唔都就而點兒那個
你主動請返佢食一兩餐，送啲小禮物，啲景點入場你俾返一兩次其實就得，唔洗好似外人咁俾返錢佢
唔出聲，睇吓佢有幾大方，等到叫你比番份嘅時候，聽吓佢點樣表達，就知道跟唔跟得過下半世。
你唔驚佢真係請你，但就覺得你太老馮，首先將你定義你唔似一個可以一齊過下半世既人？
睇下佢能力囉，如果佢揾6萬以上1萬唔算多，佢揾2～3萬比返少少，但呢啲人話揾5,6萬係基本野🤣
視乎閣下男朋友財力，如月入十幾萬或以上或手揸幾百萬或以上基金/股票甚至有物業就無謂問。
男人唔問你攞即係唔志在...。其實做大事嘅一萬蚊是什麼...。陪老人家覆診攞三個月藥嘅價錢啫。
不是錢多少志不志在問題，而是肯一齊付出態度。不是老馮，可以不出錢但其他地方要有付出努力
可以幫到嘅地方你都可以做下 有時呢d 係心意instead of 金錢多少 例如可能旅行個時買禮物/衫畀佢
佢俾錢你俾服務冇問題，最多分手既時候 大大聲同佢講 我有俾你屌嫁
Ps:要好似啊Sa咁大叫出黎
其實到而家我都唔係好明，點解男朋友就要俾多啲錢？又唔係我老公，唔想好似爭人嘢咁。
Lm 我同男朋友出街通常買野自己比錢，酒店就睇下邊個買會平啲就邊個比，食飯就男朋友包
佢大把錢咪由佢，如果佢其實係好緊絕就俾返dd，唔係第二時欠一大筆債既時候賴你大駛。
成萬蚊，係咪問返聲好啲？佢話唔使係另一件事，但你都要問，同埋可能象徵式比少少？
如果男朋友自願俾曬，就好好珍藏🤣長長久久落去，多數都係一個買機票一個book房
佢的回應就是正確。對方話要比就比。不過唔好十年後先追返。我一蚊都唔會比！
如果自己有能力，又唔想欠人，點解唔AA，日後唔好彩分手都唔駛比人數多樣嘢。
如果佢比機票，酒店就我比
去到飲食通常佢比
我會比埋D無畏野費用，例如旅拍
問吓無壞～ 如果你真心想俾，可以照問吓 睇佢想唔想夾返
唔想俾 問都無謂😂
係咪諗住俾佢屌當俾咗？我諗唔到要問既原因 要俾一早就會俾 要問即係唔會俾
睇佢收入 睇平時出街洗費 再根據情況送返野/下次食飯自己畀返之類 唔刻意提
出發前講清楚
如果佢係咁，要有心理準備同佢成世佢都唔會俾錢
你得冇問題