呢個世界真係咩人都有
TLDR: 係麥當勞範圍內嘅樓梯食煙，仲要有擺支未熄嘅煙落地下

啱啱大約5:15 係太子嘉業大廈麥當勞食緊嘢
有個麥當勞姐姐：先生唔好坐係個樓梯度
之後大約5:20我突然聞到好大陣煙味
之後望咗周圍一眼都唔見有人食煙呀
執好咗食完啲嘢 行樓梯落去
見到有個男人坐咗係樓梯到食煙
落到去個雪糕站見到有個Staff姨姨係到 即刻同咗佢講
之後佢去咗睇 話唔見個個人食緊煙
之後我再去望多次見到佢支煙擺咗係地下
明顯見到仲有煙出緊 姐係未熄既
之後再同返個Staff講 姨姨就打電話

大佬 做人可唔可以有啲公德心？
你要食煙我唔阻止你
係適當嘅地方食Ok？
食完學下做個有手尾嘅人得唔得 自己帶走支煙

未見過有煙鏟聽人講嘢的

咁又唔係嘅 （利:唔食煙但識人食煙
我唔想統一Label 食煙嘅人係全部都係咁
雖然但有一部分真係好惡劣

對唔住，不敢認同，小學生都教食煙唔啱，仲食煙即係小學生不如，點解仲要同佢做朋友

又唔係話朋友🫠識嘅人嚟啫
至少知道佢食煙但無係我面前食過
但見過佢會帶個鐵盒裝住啲食完嘅煙