📌 呢個thread 已
共 41 條紀錄
呢個thread 已經用咗啲手段 令我女朋友睇唔到
想問大家一條問題好耐
我女朋友係個好好嘅人 佢處事大方得體
舉止成熟得嚟學嘢又快 就好似你俾半粒鐘佢就可以學識嗰項技能嘅厲害程度🥸
而喺學校裏面計 佢又有做學生會
又係music group嘅leader 又係嗰啲社captain
但係我作為佢男朋友 卻係一個極之平凡嘅人🫠
頂多數學好少少 係一個sport team嘅cap
問題係我唔知要點去面對我同佢之間嘅差距
或者有咩方法可以令我跟到上佢嘅步伐
而淨係喺學校 已經有好幾個比我
(雖然唔想承認但） 更靚仔 或者識更多嘢
而好似對我女朋友有feel嘅男亦都多不勝數
所以我想為佢成為一個更好嘅人
一個佢可以自豪咁講話我係佢男朋友嘅人
最後希望請大家唔好tag佢🙏🏻
每個人 都唔同既長處 佢揀得你 一定有理由 ， 人比人 比死人 做番自己 做好自己 。對自己有的信心 就好 加油
中學生拍下拖咪諗咁多嘢啦
離開中學之後天外有天
到時你先再諗啦
你有be a better man 嘅想法已經係邁向成功嘅一步，記住唔好淨係諗/講而唔去做，要講得出做得到。
如果下下都要睇對方外在條件，就唔係愛情了。自省係好事，不過自卑只會令你越行越遠。
不過無可否認，當感情遇到困難時，呢啲嘢會成為阻力。（自卑同忌其他男仔，好有可能會觸發感情波折）
唔好咁自卑，更加絕對唔好妒忌其他男仔，大忌。建立自信，發奮圖強，上面講嘅好多嘢都可以做到，大方得體舉止成熟、情緒穩定，男仔中學時期做到的話，已經屌打曬16-30歲嘅男仔。
能力、崗位呢啲，咁講好老seafood但中學嘅嘢真係小兒科。更重要搵到你人生嘅興趣同熱誠。運動？樂器？文學？攝影？事業發展？
人有自己鍾愛同熱誠嘅嘢先係魅力所在。
其實同佢講先係最重要，佢知道你有上進ge心，已經會好開心，佢亦應該比thread上面ge人更清楚了解你，佢會俾到更好建議俾你
你的妒忌自卑令你煩惱也令你迷惘。
（源頭本身是父權刻板印象認為男性應該負擔起某個特定角色及責任，兩性關係中嘅指導者，資源強勢等等🤷）
如果佢係一艘船，你也可以係一個避風港。將來佢可能會走去另一個碼頭，你亦可能會有另一艘船埋岸。
我哋不妨睇返實際嘅事，佢願意停響你身邊是事實，也無人可以保證將來嘅事不變。人可以做嘅係把握當下，實現自己。
請珍惜當下相處嘅時間，去玩去討論將來去想像未來生命的樣貌。照顧好佢，亦要照顧好自己。
加油👍
首先你要相信自己嘅價值（唔係講錢嘅價值），「自己都不愛 怎麼相愛 怎麼可給愛人好處」
人地對你女友有意思你阻止唔到，如果你哋無問題人哋都唔會有位入。你要做嘅係一步一步建立一齊生活嘅羈絆。
能力係其次，最緊要搵到自己真係投入去做嘅嘢，有興趣有目標先有方向進步
學做支持者，提供情緒價值...俾自己！
自己都識支持自己，有返自信，就識愛錫佢
進步係為自己，唔係為其他人
你去增值自己令自己有價值，有價值就有自信，有自信嘅人就自自然然會吸引人
了解吓女朋友欣賞你邊幾方面嘅特質或能力，之後重點係呢幾個方向發展。
佢揀左你代表佢眼中你係最好
努力做你擅長既野 唔好用自己弱點同佢優點比較
其實唔需要每一樣嘢都叻過佢，或者叻過佢身邊嘅追求者。要諗吓你自己嘅優點係乜嘢，你女朋友鍾意你啲乜嘢，好好真心對人。當然有比較底下當鞭策自己努力啲都係好嘅。
永遠有叻過你、靚仔過你嘅人。
一齊係要合拍、明白、了解、𠄘受同忍讓⋯ 但絕對唔包括完美。
其實要追係永遠都唔會有盡頭，你進步時你女朋友都會進步，更加唔好話學校咁細世界仲更大更多優秀嘅人
欣賞你想變得更好更襯你女朋友，但我覺得重要個位係你需要對段關係對自己更有信心，少啲猜測，改變自己只係其中一個手段
咁樣長遠嚟講對你自己都更好
要相信佢，亦要相信自己。
既然有咁多靚仔追佢，佢仍然係揀你，有佢嘅原因，亦有佢喺你身上所睇到嘅特質。 你要相信佢嘅眼光，亦要相信自己。 女仔都唔會鍾意見到自己個BF冇自信！
你同佢之間嘅距離，就是你嘅心魔。
做好你有能力做好嘅一切，讀好書，讀好數，玩好你玩緊、玩得好嘅Sports。 你做番自己、而且做好自己就OK。
加油啊！
阿仔，愛一個人係唔需要理由㗎。不過當然啦，你想成為一個更好嘅自己，可以keep住進步嘅。但係都唔好push自己push太緊囉
搏命努力，咁樣就算真係分開咗，你都會變成一個更好嘅你
有自省，想進步嘅心態都係優點 。
搵到自己嘅優點，再加以發揮好 。
另外，就係畀到情緒價值佢，同佢同頻同步就夠了 。
最後，自信都係魅力嘅一種，唔好睇少自己💪
你想成為一個更好嘅人當然好好，但係有冇諗過係你哋點解會走埋一齊？有相同興趣好傾好投契？外在條件？定你會用心陪佢欣賞佢（真心欣賞同當佢係trophy 係唔同㗎）～
唔使特別自卑！佢揀得你一定有佢嘅原因 你都一定有你嘅過人之處
願意為咗佢進步就ok了
你對佢好，關心佢咪得囉，哩個世界大把叻人，唔通佢個個都鍾意咩？
我諗你算中等唔係下限，有乜好驚？女朋友又唔係計分計最高個位才揀做男友。同埋呢，你女友大方得體，同其他男既有傾有講，男同學對佢有好感都好正常。唔通人地特登扮cool咩？我諗如樓上所言，有得拍咪拍囉，諗咁多做乜？
揀啱自己個戰場（擅長、有興趣嘅嘢），再係自己個場到做到最好。唔好特登去人哋個場度，去同比人哋擅長而自己唔叻嘅嘢。
你好好，有上進心。不過你哋而家仲係中學生，畢咗業之後個世界真係會唔同的～
以佢咁聰明，佢一定好清楚邊啲人係比較適合佢，而佢揀得你一定係符合佢心目中的條件，而呢啲條件絕對唔係你眼中見到嘅，而係佢重視內在的條件，而內在的條件係好難一時間培養到
嗯。。
我想，其實做伴。。
要嘅唔止係 更靚仔 或者識更多嘢吧。。。
以下只係愚見。。
不喜插輕啲。。
你可能可以係以下方面加強下：
1. 自信
2. 氣量
3. 體貼（即最近好興嘅叫情緒價值嘅嘢)
4. 識見 （有時間去胡思亂想，不如直接啲去增進下自己，唔知方向不如問下你女友）
你有咁既心態就好 但係出到黎做野先係真正既開始黎 一齊努力就好
佢咁醒，佢揀嘅都係好嘢。你地互相support，你努力做好自己，我諗已經係最好～
有冇諗過佢就係鍾意你
你覺得自己好嘅同冇咁好嘅都鍾意
俾啲信心自己啦
我想知樓主想問既係咩？
或者，你講既(跟上佢既步伐)到底係指咩
學野定係點？
但樓主你係一個sport team既captain，唔係代表你可以團結/lead住大家咩？
係一個好大既優點黎