📌 呢半年幾乎晚晚凌晨2
共 63 條紀錄
呢半年幾乎晚晚凌晨2點係房
都會突然聞到類似花香嘅味
但屋企無種花 又無噴香水
係突然出現 隔一陣又無
有無人試過🤔
利申：住高層 有關窗拉窗簾
果陣我去青山醫院參觀佢個體驗館，有精神病康復者分享話佢自己發病前，會有時家中自己一個時，會聽到不同人的聲音，有時仲會聞到啲香味，佢試過幾次覺得好奇怪，後來佢同朋友 及 家人相處時，其他人都聽唔到那些聲音，亦聞唔到那些味道，然後佢啲症狀越嚟越嚴重，影響生活，跟住佢確診了有精神病
所以建議你留意下自己情況，放鬆啲，如果持續如此狀況去精神科排隊，食藥後會好快冇這些症狀出現
好多年前自己一個人住時都試過不分早夜之間中會有陣玫瑰花香水味，然後我就對住空氣講：隨便嚟，唔打擾到我就可以，之後呢種味就多咗喺屋企出現，但佢通常我都係一聞到佢就好快散，似係唔想打擾我，但之後屋企多咗人住就冇再出現呢陣味
我都係好快散，可能1-分鐘內🤔
下次試下心入面講先
我試過喺屋企正中央聞到好香嘅花味，走勻全屋嘅窗同門都聞唔到味，啲味只係喺嗰個位置出現
樓主，我都係持續一，兩年半夜時，半夢半醒間聞到花香/香水味/ 花露水味
都係維持1-2秒就唔見左。 都想問係祖先/ 精靈/ 鬼經過。求脆睇下有無大師可以解答🙏🏻🥹
試過一次 深夜瞓係廳梳化玩手機突然聞到陣未聞過嘅香味 好奇怪
我試過同款，但係聞到食煙既大汗麻甩佬味，最後firm間屋有鬼。
你試下關咗個廁所門。樓上沖涼啲水氣經你個企缸去水位供返入你間屋。
我都試過坐喺廳嘅梳化同個仔一齊睇緊電視，祇有我突然間聞到好濃嘅 檀香味(似人裝香果種檀香)，沿著由右飄去左邊露台，當時我全屋都無開窗出面仲落緊大雨，我仲走去揭開窗簾睇吓我地係咪唔記得閂露台隻窗，結果咩都睇唔到亦唔知點解有陣香味飄過
😅屋企有無神台，花香味，話唔定神佛係附近經過既味。
做好自己，閒事莫理
外來不明嗅味，有得抽風抽出去就抽出去。再唔係擺枝消毒噴霧，有嗅味即刻噴嗰個位置。
我前排都係，住咗咁耐忽然有個位夜晚有香味，我覺得似有鄰居食香味電子煙
好多年前有一期都係咁 不分地點晝夜 無啦啦附近無人無盛但係就聞到好香既唔識形容嘅味 通常就係得一陣 轉個頭已經無左 聞到兩三個禮拜之後就無再聞到過
細個果陣，隔離屋阿姨成日話屋企無端端會有香味。跟住有風水師定乜野師黎睇過間屋，話佢間屋以前係富家千金定乜野有錢人嘅住宅，所以無端端屋企會有香味之類
（廿年前嘅事，只係印象係咁講）
我都試過有次係酒店
朝早鬧鐘響 突然有陣好香既香水味！
只是一兩秒就冇左
我有懷疑係咪我d body lotion 味
但隔左成晚冇可能好似岩岩噴既香水咁濃！
我都有試過短期住過一個地方，成日都忽然聞到好強烈燒木頭嘅味道。
如果係洗衣粉味我實認到嘅，但佢係一種形容唔到嘅味🤔
未必，而家有d係香水味😂 如果你諗得神怪d，你咪當係神仙囉！ 我有一排都聞到檀香味，有朋友話身邊有仙
我喺公司聞過，之前有另一位同事同我一樣會聞到。後來佢轉咗工，早排又有香味，都係講唔出咩味，但問其他同事無人聞到。
同樣
應該樓下食電子煙
仲要成晚唔瞓係咁食煙
2款煙一齊食😮💨
已經好多年
我成日會突然聞到麥茶味，而家住村屋成日突然聞到街市肉檔味
會唔會係朋友送嘅手信，有木嘅會散發香味，又或者洗頭水同其他嘅嘢混合了成為另一種味道
女鬼.....死之前應該係好鍾意化妝噴香水嘅.....肯.定係