呢排助手傾開，而家新手都難入行，以前行師徒制（十幾二十年前），白紙較易加入，人工係好低，所以先叫‘學徒’，你係嚟學嘢，人工叫做幫補吓（我哋先唔講乜嘢剝削、乜嘢冇嘢學、叫你做打雜呀、洗廁所嗰啲嘢先）
有咗第一步，之後學唔學到嘢，可唔可繼續喺呢行繼續發展，就睇運氣同埋自己造化。
但係而家冇咗呢個制度，加上拍攝工作少左，唔會有好多攝影師請full-time, 就算請，冒險請一張白紙個風險又比較高，又保證唔到你會做幾耐。
Freelance助手以前通常做full time 跟唔同攝影師做3-5年再出嚟接freelance助手job, 咁而家冇得做full-time練習，咁又轉唔到做freelance, 咁又自然少左機會晉升做廣告攝影師，所以有時會見到skip咗助手呢個過程直接就做攝影師，一步到位，咁就有好有唔好。
好似之前咁樣講，專業助手佢哋跟好多唔同嘅攝影師，跟唔同經驗嘅前輩助手，參與各樣唔同類型嘅拍攝，好似少林寺咁樣，集各家之大成。喺打燈、器材功具上使用嘅‘技術’可能會比攝影師更加勁。
好多時，我都會喺專業助手身上學到新嘢。

我係
17年平面廣告攝影師


這個年頭，人人都以為上YouTube就學到一套好功夫，無錯，技術野唔難喺YouTube學，但workflow、某D約定俗成嘅標準、什至述語，都唔一定喺YouTube學到晒。久而久之呢類YouTube學出黎嘅人就覺得自己果套係工業標準。無話絕對對與錯，但有時係會引發一D不可預期嘅情況

有次有個自稱有經驗嘅行家，話黎幫我手，我叫佢喺隻super clamp度落多隻「啫」，Mount多個head，佢問我乜野係「啫」。佢無錯嘅，咁我咪講返官方型號manfrotto 013、或者係036-38、定036-14囉（好彩我有做嘅教學），但最後佢都係唔明，淨係叫果件野做「果個adapter」

亦見過有個，連大助叫佢起晒d釘先，佢都問乜係釘

在下正正你講既果款助手

19年入行
跟左攝影師3-5年再左出左黎一陣子
有幸跟到唔同前輩見識，每次都係學習

唔知算唔算係末代？
希望有其他末代係度揮下手 🫡

趨勢+行業轉變
而家廣告邊有以往咁高要求，專業和技術層面上可以說是退步，但在成品上現在多了後期的幫助，還有AI，肯比錢就能補不足

感謝分享
行行出狀元。

依家分分專業助手高人工過攝影師..

呢個真😮‍💨

上面有個學壞師既柒頭問你仲請唔請人。條友有自己公司仲on9扮有有趣問你。
同行間諜行為？😆
壞燈。用支燈幾年叫人檢查。仲話全新既。

發現你都幾熱衷抹黑人🤣

咁所以仲請唔請freelance助理🤓

Freelance助手，一般情況每次開工都要請

今年香港市場真係變得好勁（比剛通關更差）
國內某些城市仍然有師徒制，香港影視真係曾經可以講係曾經亞洲第一，但隨住時代變遷！其實國內好多都係行緊以愬香港個一套
不過現在香港市場主要問題係成本太高，而唔係Ai

時代改變好正常 🤷🏻
同埋加下學習途徑多咗，除了政府有津貼付費上堂，YT 睇片吹水自學就更加多

不過廣告拍攝好講實戰經驗，睇片或者上堂應該學唔到

無錯﹑有人帶住有實戰體驗，臨場反應的確掙好遠

學左嘅野係自己 無人拎得走

無青訓 青黃不接 後生出黎做當自己個套係正宗先大鑊

已轉返做飲食 攝影直頭沒工開到..

影開咩？