📌 呢排學緊車 仲未拎到
共 51 條紀錄
呢排學緊車 仲未拎到感覺
近排師傅開始愈嚟愈大聲 啲語氣愈嚟愈急
我feel到我聽到啲轉左轉右同指令但我緊張到做唔到
而背後原因係因為我真係只係聽到佢嘅情緒 聽唔到佢嘅內容
如是者捱左兩堂之後 我尋日忍唔住同佢講
明明鬆腳同轉彎 你個內容係叫我慢慢做就得
但你啲語氣就急到我好似下一秒唔做就會死咁
我淨係聽到你嘅語氣 我已經理解同消化唔到我下一步要點做
師傅同返我講語氣會輕返啲
之後我就真係做到了🥲
果下都有啲眼濕濕
多謝自己咁勇敢表達但又冇講閪嘢傷害到人
回家果陣同男朋友講次次學完車都攰到仆街體無完膚咁
同埋覺得自己真係好撚蠢 公式又記唔到 手感又feel唔到
直男如他講經佬上身話自己返工日日有嘢學都係唔熟手
但交比時間 不斷做 都一定會一日做得好過一日 最後做到
希望我有日真係可以做到😞
多謝大家 出面個threads咁亂咁mean 但我覺得自己上緊良善版咁 好sweet💞🥲
你換個角度
師傅係架車到你仲要驚驚乜春先
佢有師傅制 你揸到舞龍咁舞佢都吹你唔漲
你大膽啲試多啲自然會識
你出世都唔識行路
岩岩開始行都成日仆街
慢慢練習就會愈行愈好
跟住大膽啲就會學識跑步
揸車都一樣
今時今日仲有人會覺得師傅惡同屌人先係教你野係好師傅都幾癲...
行內人心聲：
師傅大致可分2類
1，有嗰句講嗰句，有錯就指出，有唔明講到明，不計生意
2，所有問題避重就輕，唔好畀太大壓力學生，放手畀佢練，考多幾次總有機會
學生一樣大致2類
1，遇到問題會勇敢面對及改善，明白駕駛者有法律責任，日後炒車可以係災難級，係意外出現前做足準備盡量避免意外發生
2，注重過程感受要舒適，以唔識冇經驗為重中心，以興趣班心態學車，以顧客身份角度出發
結論師傅1配到學生1雙贏
師傅1配學生2學生學生會要求轉師傅
師傅2同學生2絕配永不分離，日後嘅事日後先算
師傅2配學生1師傅放心晒一切可自由發揮
師傅唔啱就轉，你係俾錢學野唔係買難受
你做學生唔識同犯錯好正常，有咩佢能夠take control
學車就係識揸車後跟規則同考試方法
訓練大腦mind set 同肌肉記憶
你學嘅時間夠，自然會做得到
唔需要承受呢啲傷害
D垃圾師傅要換
加油
佢依家係架車屌你，考試先無咁緊張，考試果陣考牌官係唔會提你，淨係講個方向叫你揸，如果平時係架車個師傅係咁屌你都揸到，咁無人提你果陣自然就無咁緊張，揸車其實唔難，都係腳制、油門同肽盤，，係差在你個人望到幾多，同識唔識控制架車
明嘅 但建議內心要強大少少
因為將來出到街係有機會俾街外人鬧/砵
香港好多司機都燥底亂咁黎
就算你冇錯，都實會有人砵你
其實馬路上突發事件有很多,没有信心處理壓力的早點放手,有人考了巴士牌,一返工覺得百幾條命在自已手嚇得辭職
呢啲所謂師傅揸車係叻，但教人就唔合格
試下轉第二個如果可以
情緒穩定重要啲
其實唔需要擔心
有啲人好似出世已經識揸車，學兩堂已經可以去考牌，有啲人就需要多啲時間
不過咪都係考到
每個人都有自己學習嘅節奏，放鬆啲就得啦😁祝你一take pass
same啊，我尋日都係學車學到喊，同師父講話覺得自己好廢，唔學了🥹有時候覺得做乜比錢搵罪受，但後來又覺得想要進步，挑戰下自己。
有時啲公式 大彎細彎要轉幾多個啲就咁講真係唔知個師傅講緊咩，因為你個視角同佢視角都唔一樣
返去睇下youtube，再睇唔明就再問下師傅 我個師傅有自己啲圖解notes但唔問佢就唔開俾你睇😂😂 記住你俾左錢 一唔明/ 佢話你錯記得問多啲 問到佢煩😂唔好蝕
gayau蛋🥰🥰🥰
我跟緊果個師傅係網上搵，好多人讚佢吾鬧人，咁我就搵佢啦……最後發現吾鬧人只係吾鬧果d天資聰穎既人，我頭三堂確係無咩俾佢鬧既…但自己都有問題既，就係吾知點解次次坐上車就驚，咁跟住佢就越鬧越勁，同埋成日問佢轉灣同揸直線點先做得好，佢永遠都講感覺，有時返去問下朋友佢地都教到我方法，如是者我由無咩壓力學到後期堂堂上車都胃痛，直到有一堂我放工上堂好眼訓揸得好差（我自己都知，因為眼訓無心機）果堂鬧得好勁，落堂我突然知道我驚既原因係因為佢鬧得勁，但因為就考試已經吾方便換師傅轉車，所以就照上堂，反而果日之後我上堂輕鬆左無再胃痛，考試前決定左肥左我會搵過個師傅死都吾跟佢再考， 當日肥左丙部， 反而佢同我檢討返上堂點解會越黎越鬧得我勁既原因，我都認同， 至少佢用左鬧既方法迫我記得乙部點做， pass左乙部，咁我重考都搵返佢上堂，因為之前既問題已經解決，公平d我做得好既佢會讚我。
不過我會建議你試多幾堂都無進展既就換師傅啦，痛時俾人鬧得多係會打擊自信，我懶轉先無轉，加油呀，我月尾重考希望今次順利。
老實講，我會轉師傅，嗰陣時第一個師傅都好鬼惡&mean，轉到第三個師傅就好好了
認真
轉師傅
唔好諗
我以前都跟過個師傅
頭幾堂無咩事好nice
但之後就好似你個師傅咁
好緊張好急語氣好重
因佢搞到我驚左學車驚左上堂
後來決心轉師傅
唔單止令我克服恐懼
仲令我享受揸車嘅樂趣
同埋pass左🤣
除左考試，佢都train左好多心理層面嘅問題
你遇到問題
除左懷疑自己
都要諗下依個師傅嘅教學方式啱唔啱你
真係人夾人架
唔好放棄
加油
好多人自己做就可以，但係教人就麻地，尤其是教車師傅，佢哋揸咗咁多年車，一定有啲野係佢哋覺得係common sense，但我哋覺得唔係嘅嘢
例如開頭學爬頭嘅時候，個師傅淨係叫我打燈望鏡望盲點，扭軚，打燈望鏡望盲點，扭返過去。我照做，但完全唔知原來自己係做緊爬頭呢個動作。
或者有d路面上嘅common sense ，但作為一個冇路面經驗嘅人，完全唔知係乜嚟。佢哋好多時都忽略咗作為新手階段冇嘅common sense，淨係覺得屌點解你唔明？
原來I am not the only one,不過天下烏鴉一樣黑，個個師父都差唔多，始終要自己領悟
教識你揸車15分鐘就夠。
但係要令你相信自己識揸車，每個人需要既時間都唔同。
加油加油！你超叻，可以咁直接同佢講到！相信自己，揸車慢慢就熟能生巧架啦
我初頭嗰一兩堂都好驚，揸得好慢，有時駕院啲師傅都好閪，我都會投訴㗎，之後遇到幾個阿Sir都好好，好細心，真係好睇啲阿Sir，揸多幾次熟手左，就唔會驚，仲會揸得好快
師傅唔夾，換咗佢
我一開始都係驚驚青青，又對自己無自信，但無論香港同英國嘅師傅都好supportive ，越揸越好
加油👏🏻
明啦，學其他嘢，唔會一對一俾人啄住，仲要每個決定都要喺1秒內做到
換人，可以令你夠膽試既師傅，變左可做到既機會更高，時間多左做既次數多左會自然做到
學緊車 每次上堂都緊張到個肚扯住咁
個阿sir語氣好個陣就覺得享受揸車 個堂會揸得有信心啲少啲錯 但一旦佢語氣惡 就成堂不停出錯 聽唔入耳佢講野
唔夾就換司傅，我以前學駕駛學院係每堂都隨機，有d真係唔夾個堂我就自由發揮。 通常我係有問題就會向夾到既師傅提問之後記住佢。
轉師傅 我都試過頭幾堂正常 第三四堂開始鬧人 我比咁貴學費就係唔識先搵你教 又唔係駁咀又唔係態度差 都要比你鬧？即刻轉師傅 轉左個後生啲語氣態度都好既師傅 呢啲垃圾師傅係要比人取締下
轉師傅
不過唔係話好聲好氣就接收到
我第一個師傅態度好到我驚
但我成日都覺得佢講野無內容 😹
轉左師傅即刻掂左
你唔係蠢好多人由零開始大部分都係咁包括當日的我
跟唔到可以係師傅問題
不過佢哋唔優做所以仲係慣左當你學徒咁屌
講真我比錢唔係話大晒亦知出馬路要小心
但班師傅吓吓咁惡明明學野好都變抑鬱
明呀。我都試過，鬧到無晒信心，靜靜咁喊。個師父仲要教得唔好😡我出面補完鐘真係脫胎換骨。本身個師仲覺得奇怪點解我揸咁好。緊係啦撚樣，靠你我死得啦😡
以前學車時，師傅坐係到撩鼻屎，跟住隻手放返軚盤到，跟住又撩過，猛咁撩… 我忍唔住叫佢可唔可以唔好再撩，一陣我要揸….
所以我喺英國都寧願慢慢同朋友練
等佢哋練好先再決定下一步
迫佢三十個鐘學好
一來大壓力
二來淨係為考試考完乜都唔識
上車已經開始緊張😟
之後師傅就話 上上堂咪教左又唔記得啦😫
頭幾堂總會咁的 然後慢慢就會拎到個感覺！好快就變肌肉記憶！人人都可以 只是時間問題！加油👏🏻
我都係AT van畢業，你聽到佢既指令其實就要醒目 打燈望鏡盲區果啲自己要load到，考試無人提你。
渣車本身就要強心臟反應快，處理唔到嘅一律建議坐車，咁樣對自己同大眾都安全啲
你而家嘅狀態好似係為咗師傅唔鬧你先揸車 落堂仲要自己唔開心
其實好嘅師傅唔會令到你有呢種感受 
轉師傅唔會後悔
試吓感受吓個師傅係 - 係唔係都鬧、還是想教識你？
如果佢係緊張你而語氣重可接受。
如果佢係無心機純粹發脾氣就轉啦。
學嘢人夾人。