📌 呢排成日話經濟差 又
共 65 條紀錄
呢排成日話經濟差 又話好多人失業 又話好多老闆生意好差冇客
如果真係咁既話 唔係應該連樓價都趺先岩咩?
近排同老公睇樓 有一層我地特別鐘意所以一直有mon住
2月有層成交價920萬 諗住應該950萬內買到層掛?
呢幾日睇樓agent就話以家d業主覺得樓市好番啦 有兩層都叫緊1000萬(實收 講明唔肯減)
我地:😮😮😮
定其實以家香港係好好景🙃🙃🙃
講多少少 我地心儀個層樓銀行最新估價895萬左右 估唔到950萬都比人嚴出手低😢
買家7成係大陸人，多大陸人買，樓價就升。
大陸樓市已經死哂咁濟，炒開樓既大陸人只好衝落黎香港炒。
其實我都好想知點解
而家樓市係明顯好返好多
睇啲agent態度就知
但明明我都覺得整體經濟差
即係經濟結構轉型囉
有啲行業keep住搵到更加多錢㗎
金融，大學教育，私立醫療，保險已經係啦
呢四個行業總收入咁耐以來都係不跌反升
依家係其他實體行業由盛轉衰咋嘛
計返總GDP嘅話，其實係增長
所以唔係經濟差，係你哋經濟差嗰啲人經濟差啫
做金融嗰啲百幾萬年薪都唔會買樓，寧願俾貴啲租金住靚房，hold住流動資產穩陣啲。
簡單句
升跌唔好去估
淨係諗自己買左
會唔會減人工
會唔會失業
實在的考慮
我啱啱掉轉我呢買樓買通常都full pay嘅，跟住之後先按返出嚟我而家有三層樓係full pay嚟緊再買多層都係full pay
簡單為樓主解釋下～樓價唔只係「經濟好唔好」咁簡單，仲受利率同信貸環境影響好大；如果資金成本升，樓價可以跌，就算經濟未必即時出現同等幅度惡化。
另外，香港租金、供應、海外資金同市場預期都會扭曲樓價表現，所以你會見到有時經濟氣氛麻麻，但樓市未必即刻崩；或者經濟回暖，樓價都未必即時升。
如果用一句講晒，應該係：香港經濟同樓價「有關，但唔係直線掛勾」。較實際嘅理解係，經濟差通常會壓住樓價，但樓價波動仲要睇利率、供應同資金流，唔可以單靠「經濟差」一個因素判斷。🥹
我上兩星期遇到個agent同業主 我見到3月頭成交 67樓都係1688 佢31樓銀行估價1545業主叫2000 agent話業主要實收1900 叫我開票試1850 仲要係冇得睇樓 agent仲話買完7月收樓帳面必賺 冇理由吾升
彩佢都有尾😂離哂地
冇嘢做嗰啲都係啲基層打工仔係唔係都買唔起㗎啦⋯⋯咁美國都唔係咁好環境咁樣解釋到四50,000點
全世界都係只有強者越強
有成交就即係反映到有人買
其實冇話乾炒呢樣嘢，一年幾萬宗成交唔通單單做假單單撻訂，真係成交咗好多，如果冇交易或者買唔起佢炒嚟搵阿水接 ，住緊公屋嗰班你同佢話升上外太空或者跌幾多佢都冇本事買㗎啦其實佢唔係佢對象嘅顧客，你睇條街度只係見到啲唔掂嘅舖頭，好多行業冇影響，甚至更好 你睇唔到啫
40萬專才 落黎唔洗搵地方住咩 😂
舊年股市樓市都升 大把人執到個首期
加人工 匯豐 港鐵 黎緊政府又加
邊度睇到經濟差？
樓市好唔好,啲租都係gogogo咁上,好少好少會跌得多
入市好時機，gogogo
香港樓一定有排升，唔買就走寶啦
周街吉鋪-經濟轉型
搵工難-請外勞
銀行估價唔足-銀行唔識貨
外資企業搬走公司-無眼光
大陸樓市搞唔掂-大陸人大把錢
名人商家賣屋/盤-佢地無能力
我就信香港一得店搞咩都店
香港係全世界都會黎買樓，無論係為工作定踏腳石，香港都仲係一個轉得出去既地方。咁本地人就難生存架啦，又唔係乜師物師，唔係星球人，靠份糧係好難成家立業。
同時唔會作出管制，唔似澳洲加拿大肯出「限購令」。香港人唯有自求多福。🛐
樓市從來都係信心，而家最大部份係國內買家，所以同香港經濟無關
其實你上網睇下就知，好多後生仔呢幾年炒美股，crypto, 贏左幾百萬
好多投資者都唔洗做嘢，失業又好，經濟又好，點行都唔關佢哋事，佢哋只要見勢頭好就出手，就算最後輸咗又唔入肉，香港樓市點行，其實唔洗學地產代理咁乜都搵個理由出嚟。🤔
一日 內地人 仲貪個香港身份證
香港樓市要跌都難
一落黎又唔會即上公屋居屋
一樣要租 住屋租金有承托
持貨力強都唔賣轉租啦特別係低位入市嗰班
樓市跌都唔會跌得太多
只係靠打工儲錢嘅 都一樣買唔起樓
買得起樓嗰班 錢搵錢再買多幾層
經濟幾差都影響唔到佢哋
只係影響到豪宅嘅市場 長遠都係跌
正常啦
所有炒賣一定係咁 BTC 股票 樓市
見市旺 邊會理經濟好唔好 一定托價
相反跌市都係 沙士大把人恐慌性拋售 都唔會個價係咪賣得太低
急升急跌 都係反映唔到真實經濟情況
覺得經濟好既咪追貨
唔好既咪等下 等個氣氛過左 自然會去返相應水平
過去一年幾確係震走唔少掹掹緊或睇淡後市嘅業主，但近期就算經濟唔見改善，而仲企得住陣腳嘅業主都唔會再縮，就算無市場都仲有實力hold貨
業主不一定掹掹緊走货㗎，有D業主有幾層樓，見到樓價跌咗幾年，怕跌穿佢地買入價就放，但升得好多時又唔捨得走喎，呢個狀況永遠循環不息！
大家加leverage驚以後買唔到。有錢人繼續買, 出唔到價繼續睇。想要嘅人多
上網留意多d, 好多90後，00 後炒美股炒crypto 都已經贏左幾百萬
我都有呢個疑問，個市差，supply又多（一手勁多貨尾），憑咩樓價有得升
之前股市 由萬四升到兩萬八
想唔發都難 樓市自然反彈
不過現在開始調轉 全球股市瀡滑梯
半年後就會反映在樓市
經濟差同樓市可以無大關係
過去幾年積累咗好多購買力
潛在買家見市升緊, 就急急腳入市追價
而賣家見市升 就即刻反價
兩者一齊令到個樓市上升 (亦可以有價無市)
加上好多原因令到層樓值多80萬
例如裝修樓層同方向
未睇樓嘅時候都以為應該可以慢慢揀吓，到真係去睇樓先知，市場上根本無乜樓睇，我哋1月果陣睇咗一個星期樓就扑咗錘，當時買價790，估價799，噚日成交估價839，同類單位已經叫價920🫠
早半年多啲寫哂攻略講點樣上車又比人話Agent又話舊又話細
舊樓係食屎不過現實係屎你都未必有資格食
有啲人係命中注定買唔到樓
香港經濟不好係班基層冇錢洗，所以市道差，但基層一直都買不起樓，依家個情況其實係代表緊啲貧富懸殊越來越大，基層的消費力下降不一定可以衝擊到上層的高消費市場，Ai取代咗啲基層，上面果班人只會賺多咗，但服務基層的生意就會變差
其實佢叫1000我地都有budget 但價高左之餘仲要冇得睇樓(兩間都租緊俾人)
自住真係要再諗諗
咁有班人有錢會炒嘅 好似佢哋炒圈最近吹升 又多人信 咁有人接就有賺 升都正常
全世界QE印錢印咁多年, 資金已經搵唔到位擺, 美股又高位高到咁, 你係有錢佬, 買咩比較好(安全)?
又, USD (HKD)升左好耐
用YIELD 計,香港人買樓放租係OK抵(GOV都唔收咩土地稅)
如果香港樓巿唔死撐，應該會全面崩潰，當然有強大勢力在造市
過去幾年好多香港人炒美股或其它嘢賺好多吧 同本地經濟唔好無衝突
依家住果層雖然係平價大西北樓，兩年前插水時買， 開頭一買就立即跌左差唔多成百萬，但如果依家升返（賺少少）先去睇樓，計起條數會完全供唔掂，有時差幾十萬首期就係差幾十萬，買唔起就係買唔起，所以早買早享受，遲買貴幾球。
以資金計
最頂果¼可以買起晒
而且加埋大陸市場計
資金無限
而新樓半新樓數量有限
即錢多而唔夠貨賣....
以上全部同經濟2字無關
From Gemini
波幅背後的核心因素
• 供平過租： 隨着減息效應顯現（1個月 HIBOR 回落至約 3.07%），中小型單位出現「供平過租」現象，帶動租客轉買。
• 內地買家湧入： 受惠於「撤辣」及專才計劃，內地買家佔二手成交比例升至歷史高位（約 22%-24%），成為支撐樓價的主要動力。
• 去庫存壓力： 雖然樓價回升，但發展商仍持有大量一手貨尾，導致二手業主提價空間受限，升幅相對溫和
其實好簡單！ 1. 香港不會有全球稅 2. 冇物業增值稅 3. 冇遺產稅