📌 周圍都有國師道歉區，
共 50 條紀錄
周圍都有國師道歉區，唔再多講（我都要道歉🙇🏽♂️）
反而我想開NB欣賞區🙏🏽自己駁到十二碼，但主動讓十二碼比loklam射入，梅開二度
呢份氣度係有！
仲要擺脫到S1隊長壓力，完全成長，好值得欣賞
好多謝各位既欣賞，但我已經唔覺得自己係值得欣賞…無籍口因為天氣…因為其他問題而影響表現…呢樣我自己知…今場除咗搏咗球十二碼之外…就無其他更好既表現…甚至乎連一球起腳都無…所以呢一場會係我一個遺憾…
作為一個睇咗幾十年足球嘅資深球迷 一個球員有冇價值唔係一定起唔起到腳入唔入到波嘅 係佢有冇辦法令到自己隊友更多空位更多空間啫 總言之盡心盡力去踢一場好波 去報答支持你哋嘅球迷 無愧於心咁就ok㗎喇💪
冇你在前面沖散班後衛，就唔會有樂琳入果兩球既產生，前鋒除左入波之外，最緊要既係懂得製造機會比其他隊友入波，你今日做到了
係人都知你係首席射手
對家乙組球隊
正常都mark 到你實
冇嘢嘅，最緊要享受比賽
Good game!
你搏12碼嗰下其實極度出色，特登喺55號埋嚟之前踏一步向左食咗個位，極高足球智慧，冇踏呢一步唔會有12碼‼️嗰步踏左我真係拍爛手掌‼️
exactly !!
我睇 live 睇到 nb 得位個動作，我同老婆講 『職業級數呀！！DLLM 曼聯班仆街好心學吓 nb 啦！！！」
一隊球隊，每個player 都有唔同嘅貢獻
我一路都冇懷疑過你嘅能力💪💪 操埋體能，加埋健康嘅 faye 同 再硬啲嘅樂琳，我夠膽講係無械可擊呀！！
欣賞多啲你自己！！！！！💪💪💪💪💪
美斯都唔係場場有好耀眼嘅表現喇！千祈唔好咁諗，呢場睇到你好拼搏，亦見到你有好多笑容，享受同你嘅隊友一同作戰一同享受入球嘅喜悅一同承擔未能取勝的短期遺憾。你成長了。
其實對面都知你地點踢
你個第一點停球人地球球都拍埋黎
唔係咁易擺脫到分到出去
踢波係咁
想踢好都唔一定踢得好
不過有俾晒就夠
Keep pushing
有時表現失準是常見事，請不要太自責，看到你已盡力，對手強也是一個因素，90分鐘內打平手已經很好了，入第二時，我在電腦前已經叫了出來！！！
希望還有機會看到你們踢球。
可能你未滿意自己表現
但我同樂琳同其他螢花花粉都好欣賞你㗎～
你琴日嘅表現直程係癲
我返到屋企再睇返Facebook live
為咗你尖叫咗幾次😂
BTW，我係琴日你上私家車之前
拎住拐杖話你今日好癲
最後同你影相嗰個🤪🤪
淨係二比二嗰球，你攝埋去嗰個動作
我諗真係冇乜邊個隊友做得到，
呢啲球感係累積返嚟㗎。
NB同Ocean都係S1嘅球員，能夠去到season two都仲係擁有正選位置
已經係能力嘅肯定。
唔需要對自己過分嚴苛，觀眾有眼睇
知道邊個得邊個唔得，希望season three繼續見到你。
NB，你今日已經好努力了，個場咁樣搞到個波停晒，根本無供應俾到你。我地見到你搏命嘗試將每一球化為進攻，係你搏到12碼之前，有一個球你奮力幾乎帶左半場；之後凱晴有一個應該質直線俾你但炒左，你係笑著同凱晴講，而唔係責怪，你真的成長了，有大將之風，不要對自己太過嚴苛喇。😉😉😉
你睇美斯落場都好似行行企企，需要時搏得球12碼，就係球王喇，落場拉開人地兩三個球員睇住你，令隊友有多D空位，已經係好大功勞，足球係會有一個咁既勁人角色的，如果搏盡，冇遺憾啦!!
NB，其實呢場對手有樂sir指導，應該重點招呼你，前面掂波起碼兩三個圍你，你重可以回到波算唔錯啦！唔關你表現事，加油努力喇
兩個入球其實都關你事，雖然唔係你親自送個波入網，但功不可抹
Don’t doubt yourself!
由小學開始踢波，中學校隊/區隊/麥當勞推廣，我都係FW/CF… 有段時間亦都好懷疑自己如果嗰場起唔到腳或者入唔到波… 感覺好似起碼入到一球，先完成自己應有嘅責任…
但係帶走對面後防，喺最前停波，拉開空位！ you’ve done your work! Be proud of yourself!
@ngaibikyin ，唔好太怪責自己，2比2果球冇你食住對方身位，搞到對方入到禁區拉跌你，就唔會有12碼，就唔會造就樂琳梅開2度
唔需要俾太大壓力自己
對手比你地攻預期無咩機會掂波，但你掂到幾次又有威脅已好好
傻的嗎？ 你好值得欣賞呀，攻門次數唔算多，但你一次已把握到摶到嗰十二碼. 你將籃球上籃搏犯規嘅方法套用係足球上，第一次使用已成功，仲有你無私咁比咗樂琳主射（相信你自己射一樣穩陣的），無你亦無追和嘅機會，同無私分享，點解咁睇少自己嘅優點，呢啲係大將之風，唔係話練習就有的
我自己補多句，無人懷疑過你足球嘅實力，足球智慧唔係練習可以做到，大家只有期待再欣賞你！
唔一定入波先叫做得好，你已經做咗一個好隊友！重新振作 繼續加油💪🏻希望在明天呀嘛！
沙拿今季做野都唔多，但都有關鍵傳送，你尋日已付出很多
有時唔一定要有助攻有入波先叫貢獻，有好多時對手俾你牽制住，先令隊友有更多空間進攻，你好多無球走動，加上球場上節奏控制都係你做得出色既地方
唔好成日自責
首席射手被嚴防係必然，某程度上你係為隊友開路，仲要搏到12碼
其實你已經做得好好
我同你同年紀，睇到你仲跑到禁快禁fit,覺得你真係好強！
仲要落住大雨，真係唔易發揮水準！睇到你搏盡衝，有前鋒觸覺，冷靜，食腦搏到12碼，成個人即時跳起來歡呼！❤️😜🫶
你起唔到腳都有其他因素嘅。
1，你係射手大家都知，一定防你。
2，今日雨戰就係一個亂字，組織差少少就影響你嘅埋門機會。
3，對手係強咗嘛。
4，雨戰係消耗大嘅，體力下降動作就冇咁準，你一定明白。
既然係咁就冇乜理由怪自己乜嘢啦。hold your head up high，因為今場你都有盡咗力。今次嘅遺憾用嚟做下一次嘅動力。你得嘅。
其實可以換個角度睇，冇咗你嘅竄繞，又邊會製造到機會、空位俾隊友呢。其實你唔咁樣提出嚟，都唔會有人發現呢啲嘢。話晒足球係一team人，唔係單睇自己，你已做到最好，而且造就到入球機會，功不可沒🦾
不過，有時你又真係要望吓你啲隊友喺邊，你好喜歡單打獨鬥，
但如果對手用兩個人去夾埋嚟，
你嘅成功率就會好低。
但你博到十二碼真心勁.你起唔到腳因為對方知你威脅大.所以好正常
傻啦，每個落場既球員都有貢獻，對面係黎緊可能升甲組既球隊黎，你地表現得好好嫁喇。樂觀啲咁諗，運動員覺得自己未夠好，就更加會有動力push自己進步，keep住呢團火加油呀
你嘅價值係，第一球你殺入去，吸引到3個對手圍住你，所以loklam先有空間只對一個人射波。
如果場波冇落雨，你可以吸到2-3個，放長波比vian做跑狗，你嘅價值會明顯好多。
你已經好努力💪，無你咁拼搏就無2-2果刻，所以唔洗咁自責。
你88分鐘仲有力衝刺，智慧地博埋12碼其實已經好勁。
我覺得因為籃球少人踢到腳，勾腳，或用下盤食位，所以NB你留意下自已一場波跌好多次，對自己都好傷，如果要繼續踢，下盤的肌肉真係要去健身室多練習，阿菲其實之前帶波都有人推撞或踢，但佢夠加力量所以無跌，而且佢係有ACL大傷的人，都無跌，因為佢踢開波，下盤重心識運用。
足球唔係個人運動，係靠每一個落埸嘅人起球埸上各自做好自己本份，兩個波你都有份参與的，冇左你嘅付出，都唔能夠化為入球，千萬唔好看小自己，如果覺得仍有不足，再練習一下，S3再展示俾所以有人睇，加油。
妳係對手後防嘅重心防守目標一定唔易踼。但見妳已經好盡力去不斷做突破，牽制住對方。終於第一個入球就係妳嘅逼搶製造混亂，比樂琳把握到射門機會。跟住第二個入球又握到一個單刀機會入禁區博到十二碼。咁點會叫踢得唔好呢?前鋒唔會場場都入到波，只要妳係盡心為球隊付出，球隊上下及球迷都會欣賞。所以呢個唔應該係遺憾，只係一個令妳對之後每場比賽嘅推動力。
好多世界級前鋒決賽都會被對手嚴密布防而無波掂，大賽後衛中場多波踢啲好正常，只要妳仍在，仲有機會彌補遺憾的
如果再踢落去, 要加強身體對抗了... 呢個水平嘅防守係強硬好多, 唔會有好多輕鬆掂波嘅機會