周街騷擾女仔嘅人不得好死 自己喺屋企做乜冇人理你 點解要拉埋人落水滿足自己嘅慾望 有冇諗過會對人心理傷害好大 真係搞到人好不安好大壓力 我覺得望係ok 但以任何形式嘅騷擾就一定唔得 有啲仆街仲要去偷影人裙底 摸人 呢啲根本係不可接受 最近見到好多女仔俾人偷拍 非禮真係覺得好嬲 btw無論男女都要保護好自己 受到騷擾或者侵犯要出聲或者求助 唔好俾啲仆街為所欲為
留言區轉移焦點嘅誣告被害妄想男，想話你聽，上千萬的真實性騷擾偷拍案先可能有一宗係誣告，被誣告比起你行出街比車撞死嘅機會率低好多好多倍。
而且，法律程序係「信男不信女」，要立到案、上到庭好難，辯方律師只需要喺庭上質問到個受害人不斷復述到開始混亂、激動、崩潰，如果冷靜就話女方不可信，再講一句「真誠誤會對方同意」就打甩咗，大部份真實個案就係咁。
既然咁驚，不如索性同女性保持距離，唔好騷擾任何女性，而唔係日日喺網上被害妄想症話好驚誣告。唔係小偷嘅人，其實冇咁容易被誣告。一直宣揚嘅人，只不過係想透過冤枉所有真正嘅受害者，去模糊焦點，為真實犯罪合理化；用抹黑受害者、檢討所有女性、用言語打壓嘅方式，令到女仔唔敢出聲，受害時唔敢發聲。
最恐怖係見到好多都係休班既公職人員😥一啲自覺性都冇
系啊！！！尤为受到骚扰一定要出声！
讲個真实经历：十三年前夏天暑假我实习当差个阵 最大噶感受就系好多女 受到骚扰唔敢出声 个阵又唔似今时今日 手机好普遍個种 我地实习友又冇执法记录仪 遇到落雨天个阵 地铁公交有时睇唔清d死麻甩佬系咪用雨遮挡住手来嗦油博懵--其实自己睇到就系甘样 手上揸雨遮故意将手放靠近女仔個pat道……但系车厢人又唔算好逼個种（好逼個种基本我地都睇唔到了除非就系眼皮下） 明明可以企空滴但就系唔企空滴非要贴住個女仔 结果走上前去盘问 d女女居然唔知乜情况 多数摇头就走开或落站……大佬啊搞到有次俾個死麻甩佬投诉话我态度恶劣（俾投诉個次最离谱 成個公交就得6个人企系度其他都坐嘅 佢都够胆死嗨过去手假装摞公文袋然后有意冇意嗨对方pat 我特地望左好几次 后边到站就拦住了call师兄出警 结果条女女以忙为籍口直接走佬 我着住训练服同個死麻甩佬僵持 但调唔到监控又冇人愿意去警务室指证 最后边俾投诉……虽然最后自己冇乜事……但系個麻甩佬就嬉皮笑面俾师兄警告教育下就走左 真系好唔甘心……）所以今时今日麻烦女女们遇到事要敢于唔怕麻烦出声 多数人都系愿意帮手嘅（但系诬告陷害就死含家了）
冇錯，非禮同偷拍行為可恥，但亦有好多女仔係去偷拍完人哋個樣就擺上嚟打篇文，又冇證又冇據嘅情況下就話自己俾人非禮同偷拍，其實咁樣叫人點相信，未審先判講乜都得
變態垃圾一直存在，從前到現代，是傳承中華文化下男尊女卑地將女性物化成男權下附屬品而任意妄為。
老年中年年青垃圾中，市井流氓的有，受過教育的有，為了滿足自己齷齪慾望，以各種形式不同手法包括語言行為去傷害女性。
受害人不要為了害怕而不作聲，這不是敏感想多了，請相信當下讓你感到不舒服的感覺，安全情況下呼救求助。
重要重要重要，不要只顧低頭看手機，我們不是活在童話世界裏，要警惕身邊不少披着人皮卻是畜牲的。
目擊者亦應該相信當下看到的，挺身而出指證，不要事不關己心態，助長了歪風就是幫兇，難保下一個受害者不是你家人朋友。
更不要害怕會是誤會而保持沉默，這絕對不是息事寧人，寧願誤會澄清後向嫌疑人道歉，也不讓其得逞。
為什麼突然那麼多人注意性騷擾女性事件,真係那麼多色狼?
我睇到會幫手捉 唔介意燒時間同佢慢慢玩
反正報驚就捉得 而且我以前係西鐵都幫過手捉🥴
其實應該不嬲都有，只不過可能呢排新聞冇嘢買，跟住有人關注嗰件事就發現好似好常見；見你前嗰段我以為係有人抄牌