咁又捱過一年。6年前開呢個page嘅時候仲係中學生，經過讀大學、返兼職之後，今年嘅變化尤其大，全部成員都要全職工作喇。諗方法維持IG Facebook有圖文，Youtube有片出，特別困難。

應該話各方面都喺夾縫中努力掙扎，除咗有好多大嘅因素影響之外，首先都係要顧掂自己。點樣喺生活中擠出時間，堅持自己嘅興趣，堅持自己所相信嘅嘢，有時要付出代價 (例如唔夠瞓)

記得6年前我哋開呢個專頁係因為86C，當年為咗準備用車俾286C加開至全日，直接削減咗86C一半嘅班次，富豪花園同沙田圍居民大受影響。規劃方視若無睹，拒作補償，結果禍延至今。巴士作為公共服務，因為營辦商prefer做某啲線而可以犧牲部分人，運輸署亦無法從居民角度切身處地規劃，批准286C全日嘅同時毫不考慮其他受影響居民，令人失望。

6年後又係咩情況呢？86C再次出現喺巴士路線計劃，今次為咗286A全面取代86A，建議86C每日朝早10點後改經大圍。究竟規劃嘅人係諗緊啲乜，先會無端端用呢個時間做分界線，唔通10點後大圍特別多人出九龍？規劃方應該企喺用家角度諗下，有幾多街坊會特別記得exactly係10點後唔同行法？

又講下RPP其他項目，例如上次81C朝早10點前北行減到一個鐘一班，今年打算11點半前完全唔開車。原來「再嘈車都唔開」係真㗎喎，公共服務真係可以淨係揀最精華嗰啲時段先有，連通宵都有N281，日頭居然想幾個鐘頭唔開，運輸署又批准上RPP呢下好嘢。

近兩三年明顯見到呢啲計劃變本加厲，可以話成個大環境已經唔同哂，我哋可以點樣應對呢？不過咁講，來年係點都冇人知。有時間嘅話，做到就繼續做，總之就希望有下一個週年啦。

應該係86C兩蚊客太多搞到蝕錢，想搞286C升級順勢做返多一大班成人價嘅客, 多過真係86C少人（應該舖路借有錦駿個站當做左77區大縮蝕錢蝕到好溶嘅81C，下年搞77區搵86C全行大圍食返佢區內班客，就算做樣加班厹都起碼慳8到10架車）

其實86C當初更易路線，由過曾大屋後經沙田頭（中途停新田圍邨分站）直接過獅隧，明顯有一個兩益優勢。如果冇咗呢樣，成條線會有“減分”嘅可能...

Btw, 81C 如果確立11：30才開，理論上係講唔通兼解釋唔到。因為當N281 喺05：40開尾班車後，即等同日間早上時段真空服務。通宵有車反而日間前段冇車（嘩...呢條綫都行經唔少學校同埋工商業區域喎，特別係前者）...呢個根本係不可取...

其實當年86C轉車去286C係正確的決定，馬鞍山人也是人。沙田圍人當然係搭86A，86C呢個位上車俾多錢仲要冇位坐，折磨自己。

富豪: 😦

半個鐘一班夠做啦，平時86A都係半個鐘一班。犧牲小部份，受益大部份，是很正常的事。