📌 唔係，有冇人可以講支
共 48 條紀錄
唔係，有冇人可以講支付寶/Wechat Pay 嘅好處
點解咁多人咁鍾意用，明明八達通一嘟就走
用二維碼果D下下都要用5秒以上先load到
我都唔想見到支付寶佔領全世界，但支付寶的方便係八達通不能比擬。八達通只是付款快少少者，但支付寶可以過數，去到外國消費即時匯率，不收額外手續費，不需要有銀行戶口都可以使用，係好方便，仲有依家網上購物基本上都可以用支付寶支付。其實八達通依家都有做呢類功能，好可惜，遲左。支付寶同微信支付真係野蠻增長的好犀利。
其實我覺得掃code都唔係最大個問題
最大問題係嗰班人係去到畀錢嗰刻先至開個app出嚟
然後個app呢再慢慢整個code出嚟...
身為香港人等我答下你啦😜
1)速度一定係八達通，因為可以離線支付呢樣呢唔需要討論，我都好憎啲撚樣堆喺個閘口，又唔一早開定🤬🤬🤬
2）喺商家立場，有人是八達通個charge貴過其他兩種,所以唔好問點解有MeChat ，冇八達通
3）如果講唔係俾錢嘅範疇，Mechat嗰啲係好過晒八達通，因為基本上佢係一個多功能app,可以收$，某程度上另一個轉數快，缺點就會俾政府追到你啲錢
4) 自有八達通以嚟，我一直都搞唔明白，佢老母收撚咗我$50按金🤬🤬🤬，我已經唔見咗好多張，包括有學生相嗰張😢
申利：我竟然有WeChat, 物理版冇記名八達通(但係冇自動增值），Alipay.👆曾經在上海搵食嘅香港人
絕對係八達通好用
但係5秒load個code...?
哦⋯⋯ 無野嘅。 唔鐘意大陸班友， 就算Alipay/Wechat快到部手機咪掂到部機就比左錢， 佢地都一定有野講架。 淨係問用家唔係咁公平，你不如問埋啲商家，點解會有商家淨係裝Alipay同WeChat Pay，都唔想裝八達通，咁就證明八達通一定有佢唔好嘅地方。
QR Code又唔一定係支付寶或微信嘅。例如：
（1）銀聯喺星期五六日，車費減兩蚊
（2）有啲推廣係喺快餐店消費，嘟完扣幾蚊
（3）用積分抵消消費
總之個回贈多過八達通就用，無優惠先用返八達通
私人過數，網絡付款，淘寶購物，可以去澳門搭車，仲未計北上消費便利。接受現實，人地成個package靚幾多，永遠講嗰幾秒差別只會愈落後。
單電腦軟件，鹹網做會員，一掃已經搞掂，已經贏晒。你拎張八達通出嚟永遠做唔到。
八達通係我中學時代（90年代）雄霸，但之後無再進步過，被取代係正常
因為一開始支付寶/Wechat Pay既設計同八達通完全唔一樣
由其wechat， 佢係一個 super app, 佢既功能就得於IG ＋ whatapps ＋ payme
WeChat pay 只係 WeChat 既其中一樣野。
個仔學校電子交費係用Alipay，用用下發覺有優惠券...... 以上兩樣八達通做唔到
支付寶可以出入錢過數，可以用嚟收錢轉數快等等基本銀行戶口嘅作用，仲可以搭車，淘寶，打機課金，可以做埋貸款信用卡，做生意仲可以用嚟小額轉帳畀大陸，如果你淨係講去7仔買嘢同搭車梗係用八達通
支付寶有回贈。有折扣卷買。例如youtune交會費25蚊我買20蚊卷只係用18蚊被動便宜2蚊。
好多香港人淨係識吹奏八達通
我唔否認八達通嘅反應速度/拍卡便利性係優點
但二維碼支付(Alipay/Wechat/Payme等等)都有佢嘅長處/做得好嘅地方
舉兩個例子：
1. 安裝成本 - 要支援拍卡支付，基本上一定要有終端機；但二維碼支付最簡單print張二維碼貼紙出嚟都做得到
2. 網上交易 - 呢樣如果用過八達通+WeChat Pay就會知，好多時WeChat Pay個付款流程係快過八達通
其實如果某一付款方式係完勝另一種
咁後者就好易被市場淘汰
而事實上二維碼支付仍然好多人用（唔止香港，就算國內，或者國外例如日本），已足夠說明一切
咁八達通都有，政府補貼黎既，納稅人錢，關Alipay咩事
八達通缺點係要部nfc終端機，二維碼技術印刷一個qrcode就可以
今日電話標配未必有NFC QRcode最初投入成本要一部有鏡頭的電話上網就平得多
因為八達通拖累，兩蚊兩折遲左一年有多，仲要駛左幾百萬，吾知用左幾多納税人嘅錢改一次
而家出街帶手機就得，吾帶銀包八達通用支付宝比錢，好方便
吾用八達通NFC比錢，因為吾想綁信用卡
支付宝拎定code出黎都快
女士手袋磨八達通閘機都可以好耐
我都想支付宝香港支持NFC，但未有囉
Card base vs Account base 嘅分別
之前派消費券嘅時候搞到咁鬼煩已經暴露咗八達通嘅弱點
我最憎八達通就係呢單嘢，連冇人用嘅tap n go 都可以一次過派錢，八達通死都要分兩次，話技術上做唔到一次派，比人屌到飛起先話下次投資升級系統，dklm 即係一直持住多人用唔柒理你，到人轉哂會先話改，當時派錢好多長者或低收入家庭只有八達通，人哋可能一次過想換雪柜冷氣洗衣機電視電腦你分兩次人哋點換，正一仆街公司！
支付寶/WeChat Pay
好處：
1. 直接打開QR Code就得
2. 可以儲分
壞處：
1. 手機/電話冇網用唔到
2. 手機/電話冇電用唔到
3. 要搵個QR Code喺邊
要點解釋幾好都無用，啲人唔用就覺得自己獨醒咁
我都唔鐘意北上，但會喺香港用支付寶，微信就少啲
覺得掃code好用嘅情況淨係見過去魚檔買魚嘅時候或者街市買餸，其餘情況都係NFC好用
Alipayhk 個code可以offline情況下俾錢的，但佢個app有時佢個server慢到我load唔到homepage出嚟，已經試過好多次。
但我想講，最差的QR code付款一定係payme！垃圾級別！
各有好处...个人来看tap to pay对消费者更方便，公共交通更便捷迅速，二维码的主扫和被扫对商家方便(费率低)
唔係八達通仲on99 要收呢樣費個樣費的話，香港一定99%人用八達通
點解要5秒咁耐😂
=
小商家收alipayhk /wechat pay hk會樂意啲
唔係八達通手續費貴
係八達通條數係會扎7-14個工作天之後先比你
你部手機要5秒先load二維碼？
係咪真㗎？換過部新手機啦（應該係📱唔得）！
其實可摸以唔好講二維碼，我真係覺得好哽耳
可摸以講返 QR CODE
仲要襟嚟襟去 用qr code仲可以佢嘟你或者你嘟佢～
仲有啲人到比錢時 收銀問佢比乜 先再慢慢搵番個app出嚟，跟住十9幾萬樣野儲分 又要再慢慢襟啲儲分app出嚟嘟！
其實個二維照嚟照去都照唔到，真係好硬膠。我拿住張八達通拍落去已經入得閘。支拿保同we柒歪真係好硬膠，有冇人明？