📌 唔少人都dm問我有關
共 39 條紀錄
唔少人都dm問我有關律師嘅資料，我當時聽朋友講離婚律師都分唔同類型，有啲爭錢，有啲爭仔，呢個律師係朋友介紹比我，話傾錢銀嗰方便比較好。
我認同呢個律師團隊心思都幾細密，同埋佢哋諗嘅嘢都完全好保障我，不過有時就保障過頭。
有啲位，例如聯名戶口，其實我同男方都傾過我除名就ok，因為入面啲錢唔係我嘅，我唔會郁，所以喺協議書入面唔使寫聯名戶口點處理。
但律師就堅持要寫，因為怕男方會用個戶口去做借貸，可能律師比較多遇到古怪嘅人啦，所以就行多一步。
後來講到賣樓之後，要求啲錢入晒落我戶口，再由我扣除咗自己嗰份先入返比男方，我就覺得入落聯名，再由聯名嗰度拎返就可以，但律師就堅持入我名，仲話男方唔肯先再修改。
再修改，又浪費緊我嘅時間喎！其實我2月尾已confirm出呈請書，之後再加協議書，中間雖然雙方因為未逹成共識而有少少hold住，但最近超過半個月我都係坐喺度等，等到依家都未正式出到文件可以簽，雖然我知唔係得我一個客，但真係比想像中慢，我都忍唔住催咗兩次了。
人哋做得多乜情況都見過
你冇事但係佢哋角度可能有人中過大伏
所以我建議你一律聽
只可以話每個case唔同，咁我同男方關係又唔係去到咁差，有啲位唔需要去到咁盡，又例如律師都幾堅持要我上庭打官司，覺得應該要起晒男方嘅身家出嚟，再對分，但我覺得依家呢個數我ok，我舒服，律師強調呢個機會過咗就冇，我表示理，我ok，但律師都用咗2-3星期去同我解釋。其實我只係想快手搞掂件事。
如果唔信Professional，就唔無請
我做professional 野，最怕client 明明layman但challenge。到最後佢係client都要就架，一鑊粥咁又發癲
人地經驗就係要完美保障你，只會成功不會有任何瑕疵，就係professional.
問題係我哋有自己嘅協議，其實你可以比意見，我係理解佢嘅好意，但如果我協議咗，就可照寫落協議書上就ok，依家因為律師嘅意見不停拖住我份嘢未整，我唔想拖到年尾都未簽得成！
我睇開你d posts，我估你內心好怕同前夫有大衝突，先一直好似「大家仲相處得好好」，相處到就唔會攪到咁嘅田地，佢可靠就唔會十幾年感情都出賣，有d枱真係唔怕反，唔該你信個專業嘅好過信你前夫甚至好過信你自己嘅感覺！
佢哋講得出嚟一定有佢哋嘅原因
搵得專業就要相信專業
到手嘅錢先係錢。下面個post大把人share離婚後日子一長咗，對方就會反面。賣樓唔知要拖幾耐，你仲要將個主動權交俾一個決定同你脫離關係嘅男人？
你嘅律師都唔嫌麻煩做多啲。你見得多離婚後反口嘅男人多，定係律師見得多？
每個case唔同，每個人都唔同，樓已經賣咗，全部錢另一間律師樓處理中。
咁你搵律師托咩 自己咁有諗法 咪自己in person同老公簽晒啲嘢佢囉 但之後中伏就唔好喊😂
我之前真係見過離婚本來講好晒賣樓一人一半，點知啲錢一入聯名就轉走哂
個女人係銀行當場崩潰咁濟
做得律師見慣人性先會識幫你掙取最大利益
但你好似信你前夫多過律師😬
祝你好運
關係好又點會離婚？就係關係唔好唔想維持先至會離婚，唔好自己再幻想大家都係好朋友。
唔信律師點解要請 你都識講佢係保障緊你 律師基本職責係保障客人最大利益 想鳩流流簽文件搵葉謝鄧啦
你咪堅持自己主張入聯名户口囉，最後萬一有問題最緊要唔好怪律師先前唔提你就OK😆
既然你講到同男方關係唔差 又信佢嘅
咁駛乜搵律師搞啫
一切講個信字咪得囉
所有錢得男方自己轉俾你就可以啦
律師的看法是保守和安全
也是保障他的客戶最大利益
唔怕一萬最怕萬一。
你信律師啦！人會變，尤其係錢銀嘢！
當日，我全程由律師處理，雖然洗咗好多錢，但我拎返我應有嘅部分。
律師見過太多古怪嘢，佢係保障你
讓專業的來
你咁放心係因為未出事 / 相信唔會出事
但係一出事 你肯定會問律師：點解你唔早d 講？
人地個朵都值錢 盡可能都為個客最大利益代 減低風險
而唔係 快快快
莫信直中直，須防人不仁。
只係見過離婚後悔冇請律師 又未見過離婚嫌律師盡責既
律師只係按佢見過最差既case 同你傾你呢刻可以做到既野 你用唔著一回事 其實呢個律師我覺得佢幾好🤔
點解你覺得「入聯名先，男方唔得再修改，浪費時間」嘅機會大過「入聯名先，男方轉個頭攞晒啲錢唔比你，你要再追，浪費時間」？當同樣都有機會，後者處理應該更加浪費時間同複雜。
同埋你本身冇個人戶口咩？當男方唔呃你，但入邊個戶口個動作唔係一樣？
親生仔不如近身錢
宜家關係好你覺得以快打快
但已經見過幾千幾萬case 嘅人就話你知有啲嘢唔可以急
萬事有佢適當嘅節奏
最不可信是人心
尤其關係已變質嘅人
你要同每日番工都係見識人性醜惡面嘅專業拗
其實無嘢好討論
佢哋有咁嘅建議一定有佢哋嘅道理
你講到咁相信前夫
之前你提過佢disclose全部財產都唔願啦
去到離婚分錢呢啲位
保障你自己最緊要
同前夫關係好就唔使離婚啦，離得婚就唔好感情用事
建議凡事諗到最差先，保障到自己先最重要
😂保障過頭呢個講法真係幾癲，應該你老公錢銀方面真係對你幾好，令你未見過D人心險惡既野，幾多人為左一千幾百都可以偷呃拐騙，祝你好運
人哋專業，提左你有風險，你又唔聽，嫌人慢，咁你唔好用律師囉。
律師其實係為每個客人做緊風險管理，寫左留一線，唔寫，將來有事想追都未必追到，到時係要花更多時間同錢去處理一件，本來係可以開頭就簡單處理左嘅事
你個律師係做到嘢，想保障client利益
都搞緊離婚要搞清手續，講返權益嗰陣
就無啦啦嚟顧及雙方關係唔係咁差
公私不分
不過你係唔聽人勸都無計🤷🏻♀️
離婚唔同結婚 冇人迫你搵律師的
可以炒咗個律師🤌🏻
其實男方嗰邊你覺得會聽嘅話你就跟返律師囉，有咩事嘅話就冇得怨嘅，既然佢都肯俾錢，咁你就保障自己先啦，律師做多咗嘢冇所謂嘅，收到錢先至係confirm