唔明點解宜家咁多人係度講容貌焦慮，我明總有啲日子狀態冇咁好，但宜家個個開口埋口容貌焦慮，誇到話咩唔敢見人，日日戴口罩出街

其實講真，呢個世界冇咁多靚仔靚女，我地又唔係明星，冇人咁得閒攞個放大鏡檢視你，浪費咁多時間挑剔自己外貌不如放過自己啦，咁得閒不如去讀書增值自己，或者去做gym都有意義得多 。

好多呢D人 自己都其貌不揚 就算係條街三唔識七 把口都係好撚賤 係度對人評頭品足 其實就係自己自卑
成日透過攻擊其他人黎轉移自己既焦慮 見到呢D人真係得啖笑🌚

無錯,我最肥嗰陣都試過比三唔識七嘅人係街到話過,望返佢哋個樣真係連普通樣都唔係,都唔知佢自信係邊到嚟

就算放過自己，啲人都5放過你。做gym po自己 ，話你矮，高就話你綠茶。總之一定搵到一樣嘢挑剔。

因為有班撚人鍾意亂偷拍人放上網囉 靚又屌唔靚又屌 不過都認同增值自己會更好

你見過有D人下巴可以放上個鼻度未？醫學名叫牙槽骨吸收，糖尿病/骨質流失都有可能導致咁，唔戴口罩可能會嚇親人.....
人人都有自己問題，心理上呢，有D人年少時好靚，桃花運強，敵不過歲月，心理上暫時未能面對，所以戴著口罩，我發文一定唔幹涉人戴口罩。

對於呢種因病或意外而造成嘅外觀缺憾，我好明白其對心理造成嘅壓力，我嘅出發點亦並非聚焦於此

可能我講得唔夠清楚啦🙏🏻我係針對宜家年輕一代，好多人化曬妝po自拍上網話自己容貌焦慮嘅現象，佢地po一張相嘅背後所花費嘅時間可以係好耐，化妝打扮p圖，與其花咁多時間挑剔自己嘅外表，倒不如喺其他途徑增值自己

因為有啲人口口聲聲話自己容貌焦慮，但又鍾意批評人哋個樣。惡性循環。

er...我都戴口罩 因為我有個胎記
口罩遮一遮 我會自在d