📌 唔明點解指出用詞不當
共 35 條紀錄
唔明點解指出用詞不當會變咗問題
語言唔係用嚟隨便發洩嘅情緒垃圾桶，而係我哋定義現實、解構痛苦嘅工具。如果一個人連自己點解慘都搵唔到詞彙，將父權結構嘅壓抑移情到女性嘅特權身上，咁佢嘅痛苦永遠都只會係一種無知嘅輪迴。
社會有一種病態趨勢，就係過分崇拜情緒價值，而輕視專業標準。呢種風氣由樂壇蔓延，只要你有心、你有感情，就算你音準唔掂、邏輯混亂，大家都要圍埋去拍手安慰。但如果我哋連基本嘅準則都唔要，咁我哋同盲目追求感官刺激嘅劣質文化有咩分別？
白水做嘅唔係心理諮商。當一個現象唔係個人孤例，而係社會共業嘅時候，將佢提升到 Social Issue 去拆解，係最基本嘅知性誠實。
我哋受過教育，先更加清楚呢個世界本質上就係 absurd且殘酷。面對荒謬，最得體嘅做法唔係搵人圍爐、呃自己聽日會更好，而係認清塊石有幾重、條路有幾斜，然後清醒地 Grind through it。
可能有人話白水唔夠慈悲，我覺得比起嗰種虛偽、廉價、好快會失效嘅情緒按摩，話俾你聽個世界真相係點樣構成，先至係一種更有深度嘅尊重。
如果你連個根喺邊度都唔敢睇清楚，你唔止係苦一生，你係白苦一生。
我從心底相信，無論性別，每一個人都值得被溫柔對待與關注。
然而，「多一根苦一生」這句話，本身更像是一種被困在性別二元框架中的想像與投射，把自身的困境歸結為一個簡化而絕對的對比，於是樓主也在某種程度上，將痛苦再次內化與放大。
我理解男性在「男子氣概」的期待下，被迫堅強與壓抑情緒；但同時，女性所承受的所謂關注，往往夾雜不同目的與壓力，從來不是一種可以被理想化的「容易」。
當這樣的對比被提出時，女性被放置在一個被想像與定義的位置，彷彿成為他人痛苦的參照與原因之一。於是我在看到這段話時，第一時間感受到的並不是樓主的情緒或脆弱，而是感到被誤解 / 冒犯，自身 / 女性的處境被簡化，甚至被輕輕略過。
也正因如此，這個原本可以被好好理解的情緒，最終卻被無故拉扯進男女對立之中，令我感到很不適。
(I am trying to reflect on this without being too judgmental and simply share my feelings, this is tough)
想像下今日有個學生因為頂唔順學業壓力，走嚟同你呻，甚至喺情緒之下，將啲壓力錯置、無差別攻擊佢父母或佢其他老師。
作為老師，按照你所謂嘅「知性誠實」，你係咪會即刻糾正個學生嘅「用詞不當」，然後同佢做宏觀社會學分析？你係咪會同個喊緊嘅學生講：「同學，你將痛苦怪責父母同教育局，只會陷入無知嘅輪迴。我哋受過教育，先更加清楚呢個世界本質上就係 absurd且殘酷。面對荒謬，最得體嘅做法唔係搵人圍爐、呃自己聽日會更好，而係認清塊石有幾重、條路有幾斜，然後清醒地 Grind through it。」
知唔知咩叫同理心
人要喺情緒被接納、有足夠安全感嘅前提下先有空間去處理分析
呀白水一野撻3個point出嚟完全無recognize過樓主咩事
企喺道德高地去俯視別人痛苦嘅人不論咩議題都係on9
我都認同佢用詞不當，但對一個情緒化嘅人講呢啲野我淨係睇到佢想拋書包但係拋到柒撚懵懵九唔搭八
其實個世界又唔係二元嘅，樓主亦冇話過要100%知性誠實，教師專業本身亦好應知道同理心、情緒價值對學生幾重要。
但同時我諗大多數人都唔會反對近幾年「過分崇拜情緒價值，而輕視專業標準」呢個論述。當然，一個現象背後嘅成因係好複雜，亦唔係某某人一句半句解釋得完，但亦唔需要變成係你啱我錯/我贏你輸嘅局面，嘗試攞出嚟理性討論都係好事。
強行用所謂「理性」去 dismiss 男性展示脆弱嘅正當性。
所謂「知性誠實」根本就係二次傷害。你講呢幾年「過分崇拜情緒價值，輕視專業標準」，呢一個論述點解啱啱好要喺佢以男性困境抱怨時提出。
連身份對等男性嘅脆弱都容不下，能提出這種壓抑情感、推崇絕對理性的標準，我唔相信佢面對權力唔對等嘅問題學生時能夠放低姿態。
我淨係見到樓主攞啲啲嘢出嚟壓抑男性表達感受
明白你嘅意思，其實歸根究底係一個『時機』同『處理方式』嘅問題。
但我諗大家並唔係對樓主嘅情緒容不下，而係因為樓主喺開頭帶出男慘女好呢種對立，先至會引發咁大迴響。如果我哋純粹將問題簡化成『女仔好幸福』，好似都唔會太幫到件事，反而係將大家拉入咗男女對立嘅泥淖。
我想帶出嘅點就係我哋當然理解同諒解每個人都有唔開心嘅權利。但我個人面對荒謬嘅方法，係去認清個世界原來真係咁唔好、個社會結構真係咁病態。當我知道呢種壓抑係源於一個壞咗嘅系統（例如父權制），而唔係我個人嘅缺失，我反而會覺得釋懷，甚至更坦蕩蕩。
對我嚟講，呢種理性分析唔係要『壓抑感受』，而係想喺情緒之外，提供多一個處理痛苦嘅維度。如果剩係停留喺『做女人真好』呢種想像，對解決男性嘅困境未必有實質幫助。
我哋對問題嘅睇法或者好唔同，但出發點都係想受苦嘅人搵到出口。我可能未必係你心目中嗰種體貼，但我相信清醒地面對真相，都係一種溫柔。打和 Super！
唔係撻父權出嚟就代表你脫離咗個系統
你而家做緊嘅嘢正正就係加固緊男性困境規定男性受苦時一定要「理性分析」、一定要「清醒面對真相」。呢種對男人情感表達方式嘅審查同限制，正正就係父權擁護者做嘅嘢。
希望你將來生活遇到難言之苦，脆弱嘅時候，社會唔會用返你對待樓主呢種咁苛刻嘅「溫柔」去回應你。
睇呢個post嘅部分留言已經見到好多人無限放大情緒/同理心嘅角度，其實冇人話所有時間都要理性都要講經。但過於忽略理性層面而且用埋嗰啲咁極端嘅類比真係健康？
都唔明鞭條友屍做乜，條友擺明開post圍爐取暖，突然間有d道理撚黎說教個吓已經黑人問號，樓主有佢既不惑但佢冇講過要尋求協助喎，佢圍到爐咪圍囉，圍唔到咪由佢囉，講講吓仲要變埋引戰既問題😅😅又潛台詞又乜又乜咁，係隻落水狗身上拎快感做乜啫
道德批判/討論留返喺應該道德批判嘅地方/場合 需要情感支援嘅場合就俾返情感支援 照你講法 一個有抑鬱嘅女仔呻慘 你係咪都會同佢尋根究底 其實係你個腦出咗事昨 唔關其他人事㗎 咁樣？
某人：我今日好辛苦
哲學佬：首先定義「我」先啦，再定義下「今日」，之後要明白「辛苦」係一個概念，最後你搞錯左事物嘅本質
某人：⋯⋯
好似你會獨立開post講，有人反對有人讚成，大家 share睇法。而唔係用公眾 post 去回應一個唔開心嘅 post。right time right mommet 係我嘅睇法。
post 主用男性身份，來肯定自己嘅苦，係咪會令自己更苦？如果 starting point 係咁，都叫有嘗試幫 post 主睇清問題，唔好用謬誤推自己入死角。白水又真係無回應過 post 主嘅心情或表達關心。在我嘅睇法，真係唔知白水嘅動機。
我嘅睇法未必理智（睇完白水和撐白水嘅人，都真係會驚人話我唔理性睇事情），但覺得唔好雪上加霜，已經好好。
有須要，自己睇多d男性的和女性叫春posts,係咪有特定 pattern, 要開 post 討論好似好一點。
So well articulated!
諗起前排有個女仔淨係po咗張上莊相就俾成個threads嘅（男）人恥笑坦克乜乜物物，呢啲網絡欺凌嘅情緒傷害比被糾正概念大好多，嗰陣時唔見咁多人出嚟關注po主情緒
佢應該自己開個post講，唔係見到人呻就搵到位入，借地方批評社會結構
Agree! 先唔評論佢講嘅嘢啱定錯
但(作為公眾人物)表達方法一定有更加好！
1. threads唔係寫論文 表達唔準確係常有嘅嘢
性別議題咁撚複雜 唔係個個讀咁撚多年哲學for自己出來噪交
佢表達嘅感受其實唔係咁難明 父權理論都支持佢㗎喎
2. 出面大把少一根苦一生post 情緒表達唔準確啫 其實大家都明
咁少一根苦一生可諒解 我角度就多一根苦一生嘅表達都可諒解
3. 理解父權唔代表解決到父權
最簡單解決原樓主情感需求嘅做法其實係共情咗先
Validate同理咗佢感受先 再幫佢修正表達佢困境先係好啲嘅做法
白水一來就講talk 講完reply幾次叫人要睇哂
騎劫哂成個post都冇一次回應樓主情感需求
結果而言就係將一個能夠簡單抒發嘅問題無限上升到無可能解決嘅地步
然後下面仲要一堆人出來用白水嘅理論武器化無視打壓原樓主感受
白水一句調停 幫大家互相理解都冇 淨係喺loop啲人就人那媽嘅廢話
4. 情感問題一句共情嘅說話已經解決哂 要科普 reply騎劫完 回應吓原樓主情感需求 幫大家共情吓原樓主諗緊乜好合理啩
我認真你睇少一根苦一生啲post先 佢唔係reply男人社死咗啦喎
多謝你咁詳盡嘅回覆，我諗大家嘅分歧其實係在於對『溝通』同『處理情緒』嘅優先次序有唔同睇法：
關於文字準確性： 可能真係職業病（笑），我對用字準確性確實比較執著。因為喺我嘅經驗入面（甚至同女朋友嘈交），好多誤會都係源於講嗰個同聽嗰個對詞語嘅理解唔同。所以我會直覺地希望大家講出嚟嘅嘢，就係心入面最準確嗰個諗法，咁樣溝通先會有效。
關於性別比較： 我非常認同每個人嘅痛苦都應該被體諒。只係我覺得，其實做人本身已經好苦，男同女各自經歷緊唔同嘅困境，未必需要透過『比較』或者話某一方比較輕鬆，嚟顯得自己慘。
理解與解決： 我絕對認同『理解父權唔代表解決到問題』，亦同意白水應該要先處理情緒、後講經。呢個確實係處理手法嘅問題，但我會覺得佢帶出嘅觀點本身依然係有思考價值嘅。
出發點： 其實我哋嘅共識都係想幫到樓主，只係我覺得唔一定要透過貶低另一方嘅處境去達到共情。每個人處理情緒嘅方法都唔同，有人需要擁抱，有人需要清醒。
網上討論，圍到爐就圍，圍唔到就由得佢。大家一場討論，都係想對呢個世界了解多啲。打和 Super！
好簡單 父權令男人表達唔到脆弱
咁第一線要做嘅應該係共情 鼓勵男人表達 然後幫助修正表達 最後大家互相理解
不著邊際嘅講經 然後冇調停過 係咁loop自己概念解釋
喺呢個語境下 我覺得佢行為可以話100%錯 唔係意圖錯 結果上錯
講咁多，其實就只係用嘅語言系統問題，佢想要嘅未必係你想要嘅，但係憑咩要用另一套系統去話人on9呢🫠又唔係個個都有哲學底子，做哲普唔係需要用人話去解釋咩一些難明嘅理念咩？我相信佢對語言嘅理解超出大部份人，但係佢有千千萬萬個方式去提出意見，偏偏揀咗一個好唔理性嘅選擇，掟咗個女仔都有難處嘅point出嚟，做乜撚，打和super咩，係咪所有得益者（不論多少）都可以因為佢係得益者就可以無視佢哋嘅苦難先？
岩阿，社會既殘酷就係你e d 人一手做成。祝樓主人生低潮果時每個人都只係會再提醒你社會係幾咁殘酷，你病到係醫院典下典下果時個個都提你生老病死人生必經階段，嘈乜撚野遮。
你做嘅係白水嘅強化版，直頭將用語言嘅情緒價值否定，預設同意父權係一切問題根源，再貶低對方係無知😂😂
又教育又知性誠實又真相，完全亂up加亂掉term就當有道理
一個人po thread 去訴苦有d咩專業標準？又associate咗咩社會共業？樓主本身就係情緒上出現咗問題求助，咁唔去幫佢解決咗情緒問題先，反而要再加一層否定上去？你呢d唔係理性，係冷血
係一個心理post講經都無錯？
If
你老母死左，你傷心緊既時候，
白水行過嚟，第一句就講
(你知唔你老母死係因為你無錢令佢過得過好
所以先咁早死)
呢個可能係事實，你身邊班親戚亦非常贊同
你聽到會點？
為咗講流量而唔睇場合講流量想要既野
唔理樓主，不斷講，我有講錯咩
佢呢種直頭係最虛偽最惡毒既人
上面係舉例，無意話任何人娘親
亦捉令壽堂百壽無彊🙏
玻璃心嘅人通常會叫人同理埋佢個玻璃心，其實玻璃心嘅人應該諗吓被人激發嘅位係乜。
自己有個鋼鐵心嘅人，成日被人插都唔會出血，反而會諗插佢嘅人經歷過D乜，由佢插完走開就OK，佢仲追住插嘅話，Threads 嘅blocked功能係好有用嘅。