📌 唔理解點解身邊咁多人
共 64 條紀錄
唔理解點解身邊咁多人都去大陸d salon剪頭髮 明明hk salon質素更好
個頭有少少自然攣，以前一向係香港整頭，咁我就喺IG搵咗個同區嘅髮型師，三十幾歲左右嘅女人，見佢IG啲相整得幾好睇，冇乜研究嘅我連續三四年都將我把頭髮俾佢整，連佢自己出嚟搞salon我都會keep住幫襯。但係近年態度越嚟越差，約11點佢會12點幾先到要我白等一個鐘，淨係講一句唔好意思就叫啲助手幫我著件袍，過嚟睇咗兩眼就消失半個鐘。😅第一次搵佢仲喺舊公司，純粹係做負離子拉直+剪，嗰陣時大概$1000 內。每年都加價呢樣嘢我明，咁明碼標價你OK我OK就得㗎啦。到佢自己開咗salon我都有繼續搵佢整，跟住佢就建議我改做所謂嘅「直療」，💆♀️價錢大概$1500，佢話會比較適合我，自此以後就改咗plan ，第三年去就已經$1900。第四年仲係$1900但我加咗個染髮 highlight，total $3000分咗兩日整🙂↔️🙂↔️兩日都係約11點兩日佢都遲到，第一日坐咗9個鐘，明佢嗰日多客但使唔使用多成4個鐘仲要返屋企照鏡先發現得面嗰層係直，個底完全係未ok。wts佢就叫我第二日早啲去搵佢佢親自幫我整，又坐咗8個鐘…
係呀平時有三分二時間都係啲助手整，佢最後只係負責剪😁 經過兩個月都冇個頭已經收咗皮，攣曬叉曬😁啲fd見到我把頭髮都笑我係水魚先會搵佢整，佢最後po IG啲相係大p特p同我個頭完全兩回事。去到有一次返大陸試下，一千人仔左右就包染拉直剪＆頭療按摩，髮型師全程自己染拉剪，助手都跟實好好禮貌，洗頭按摩都好舒服冇整到我耳仔（以前個間啲助手成日拉到我耳環），環境都舒服好多，個頭都keep得好好，真係各方面都好大對比
後來索性搵單剪（唔係快剪）
講明剪完長度要掂到膊頭
點知剪完只係去到下巴過大約1cm (我嬲到返嚟度過！)
最不知所謂嘅係呢個所謂喺尖沙咀開過salon
而家想hea做所以轉喺長沙灣做單剪嘅"髮型師"
居然拉住我兩邊嘅頭髮（ 就係剪頭髮時好多髮型師會拉住嚟睇下左右兩邊係咪相同長度果個動作） 話：
嗱，其實都係爭少少到膊啫 （大佬，我條頸唔係短到咁呀嘛！！！）
我即刻鬧佢 唔通我出街嗰陣時雙手不斷咁樣拉住啲頭髮呀！！！
而且佢用電刨剷我底層啲髮腳時鏟損咗我後頸
我問佢我後頸有冇流血
佢話冇 話係我皮膚太薄太敏感啫！
返到屋企沖涼嗰陣時睇清楚
原來已經流完血結咗焦了！
（大約係一毫子嘅size）
呢個係長沙灣嘅‘’髮型師‘’ 真係完全不知所謂！！！
佢真係兩件事都可以死撐 死拗 㗎喎！！！
咁多人去就實有原因嘅
大陸就真係性價比高
有次經過無聊想去洗個頭
又幫我撩耳仔又幫我吹頭
幫我整埋造型先收我$15
內地競爭大 又經過培訓
態度好多都好好
有啲舖頭仲有得按摩去黑頭添
唔明點解大陸可以老實過香港
講幾多錢就係幾多錢
唔似喺旺角電個頭就收我千五
第一次去就R我入會員
次次都係做到一半先知要俾幾多錢
大陸乜都同你問清楚先
只要你唔好戇鳩鳩行去整會員
去埋晒啲老人家店
相信你嘅體驗都唔會差到去邊
咁多comment喺度撐
不如自己去一次試吓啦
唔通去一次真係少個器官咩
就算唔去大陸我都會考慮去日本韓國
香港理髮業自己反省吓啦
係香港整頭髮下下出到尖沙咀銅鑼灣
出到去起底坐半個鐘先有人理你
有次仲要慘到上完色要我坐出去reception因為個舖頭無位
漂到我啲頭髮爛晒 明明話要啡色唔知點解變咗藍綠色
同佢講話剪層次 剪撚咗梯級出嚟
仲同你講係正常
埋單仲要二千幾蚊
仲要個頭衰咗唔係衰一日喎成幾個月都勁撚柒
後尾返大陸搵到而家個髮型師
屌先五百幾蚊港紙
啲色勁靚 聽得明人話
成日攻擊人唔係sheshido
如果唔係有SHISEIDO都整唔爛我啲頭髮我唔明點解香港用SHISEIDO會爛？
Touchwood佢整衰咗你仲免費幫你重做
有嘢食又服務周到
真心話人哋返大陸之前思考吓自己咩料子先
試過搵一個喺 IG上都多人推嘅中環女髮型師
準時去到但等咗佢1個鐘
真係洗濕咗個頭冇辦法喇
染完髮個色冇變過
佢就賴話 salon啲燈光問題所以我睇唔出👀🤦🏻♀️
仲話我晏去令佢幫我吹完頭過晒收工時間，唔同我討論得個色差咁多喇！！（約5點，我準時到，佢6點先埋位幫我開始剪，少咗成個鐘用，個責任唔喺我度喎）
中環，銅鑼灣，尖沙咀，到旺角，荃灣，由近千到兩千幾都幫襯過
基本上都係左加錢右加錢
未剪完已經 sell你買髮尾油， 一係就話咩頭皮敏感呀，轉季呀，要轉曬洗頭水同護髮素
總之就總有原因佢sell你
講起就諗起一段往事：
好多年前仲讀緊中學同同學去剪頭髮，個髮型師係咁叫我唔知做treatment 定染髮，我係一個好直，唔圓滑，情緒放上面既人，係咁拒絕，因為我係學生，仲係窮學生，點會花錢搞咁多野呀，講到大家語氣都唔好，佢直頭話：點解唔得呀！我：唔做咪唔做囉有咩點解！
但係我同學就同佢髮型師相談甚歡，結果被人水左個treatment 要收2千幾，佢都唔係有錢架當年打比佢媽攞錢被人鬧死，我全情見證。
唔知而家仲有冇咁過分既salon ，我淨係想問呢啲髮型師：你咁樣賺個學生錢你夜晚訓唔訓得著呀？
班mk讀書唔成又唔夠聰明做唔到詐騙咪去做salon，一個個賊眉賊眼
0幾年果陣葵廣果班真係癲 唔問你會話用左靚洗頭水護髮素 要收多百幾二百蚊
真係唔會再喺香港剪
次次喺香港剪呢就當我戇鳩
本身收七百染髮+洗頭 已經唔係平
WhatsApp問就話收700
跟住黐撚線次次去到都同我加價 變1200以上
又話叫我做呢個Treatment嗰個Treatment
人哋唔做就黑面
俾面色我睇
特登同你做差啲
唔係一間係咁 係每一間
講真我返大陸染五六百蚊整得好舒服人哋服務好好啦
對上嗰次我喺香港wts問過 佢話收700
去到佢話收千幾 我直接走人😂
而家一係返大陸剪 一係就去旅行日韓順便剪埋
我使乜喺香港睇你面色？
次次去好似受你氣咁
真係DLLM
我仲記得我最後一次喺香港剪嘅時候
喺旺角
之後我隔籬坐咗一個肥妹
個老MK髮型師竟然同另一個助手偷偷地喺度笑個肥妹身材
話佢做乜咁肥仲整頭
我聽唔到都算
仲要俾我聽到
諗返起成件事真係大癲🤣🤣
最近2次經驗：
1. 約剪頭髮，等左成粒鐘，個髮型師都未黎，問櫃檯佢話搵唔到髮型師本人，叫我地繼續等，痴線，即刻問佢可摸耳安排第二個幫剪
佢係直接甩底，我剪完俾埋錢，佢都未返
2. 又約剪頭髮，約佢12點（重點，時間係佢俾，唔係我要求），12點半問佢係邊，佢話搭緊車返緊
？？？？？？？？？乜料？？？？？？？？？？？
咁你就咪撚約人12點
剪個頭都咁撚on9，我會去韓國旅行時順便搞埋，唔會再去香港salon，剪個頭起碼500蚊+仲要等
唔好講咩大唔大陸先喇
我約三點 上到去
半個鐘先有人黎叫我著件黑色野
然後逐個問 原來有3個人約左3點鐘
等左45分鐘 開始安排坐入去
一路坐 再坐 是旦同你講幾句 又係乜都未開始
一路睇有個senior一路唔接客
係咁點人做野
唔係個頭係你手 今日預左一定要整
一早起身走 我相信同我一樣果2條友做人都有底線 永世黑名單
我見識少 
叫人齋等個半鐘
咁你就話3點full喇
呢d髮型屋等執
因為平一半，地方大，態度好，香港以為約咗睇醫生準時到都重要等勁耐，跟住香港同大陸效果差不多/更好，明碼實價，衰既香港一樣大把衰，但好同衰都一定貴，大陸衰咗你都係比太平，香港貴完都可以差，大陸內卷嚴重，佢差既好快死，香港大把傻尻奴好劏，收明星價，9成助手整
大家要好好支持本土經濟，幫香港人埋單呀！你地有責任幫手出糧交租呀，大家香港人黎架maa🤤
雖然我沒係大陸整過頭，但以前旺角整頭，等有人埋黎講廢話半小時，攝完個頸布又半小時，洗完又等半小時，等撚到乾黎扮吹3分鐘再等半小時，如果染髮，唔撚上色又話正常🤡🤡🤡🤡🤡染到一忽忽，衰撚過用泡泡自染，試過係台北啲無人識既salon染過個價又公正效果又出色，香港都有好既髮型師，但真的太多老鼠屎了，滿街地雷避唔到🤡
試過幾間都中伏（tst)(mk),佢哋講到明明碼實價，但係去到就同我講要再漂多一次在另外收錢（埋單接近$2000 ）😢..另一間就幫襯完一次就係咁sell我package ..之後就冇咁再喺香港整，試過一次係福田整完覺得唔錯搵開嗰個師傅都好尊重我，佢哋會俾幾個牌子我睇我自己揀，又會問你意見，師傅幾鍾意吹水，但係我I人😂
冇去過大陸salon,
但係已經試過五至六間香港salon
個個都遲到 有啲係整得幾靚嘅
不過全程要五至六個鐘 人都癲
韓國同日本都係做同樣嘅嘢個半鐘搞掂
淨係時間效益呢樣嘢已經輸10條街
補充最過份：其中一個髮型師，仲要唔知我望到後樓梯
自己遲到一個鐘，仲要食支煙先、set埋佢自己個頭先過黎say hi。
或者佢知道都唔care
去邊頭髮其實都係個人選擇
亦聽好多去韓國日本整頭髮又快又靚仲要平過香港
主要係香港salon個朵臭咗好耐好耐
等到傻 預約極去到現場一樣等到傻
劏客 成日去到現場呢樣整唔到嗰樣整唔到 跟住推個兩三千嘅plan出嚟
咁貴仲要好多時都係助手整🤡
人傻 錢包唔傻
大家都係用腳投票啫
錢唔會講大話 邊度用得開心就去邊度
大陸Salon好唔好我唔知
但你話香港Salon質素好我真係不敢恭維
10年前我仲讀緊中學
個stylist都明知我係學生
儲左好耐利是錢想拉直果頭天生巒
最後水左我2500蚊 仲拉壞左我D頭髮
搞到個頭塌左半年
好啦 幾年前讀U
想試下漂頭
上網見到千頭
上到去埋單又係要2000
仲要9成係個助手搞
所以我依家都已經費事去Salon
比錢買難受
講伏大陸大把，我又唔覺得大陸剪頭髮好喎，咪又係要你買套餐又或者夾你充值做會員，唔通你哋又無試過？還有一件事係洗頭嘅時候幫你所謂按摩，但係好睇你點睇呢件事，好嘅以為多啲服務好過香港，但係日本嘅健康節目講過吾好咁樣洗頭好易傷害髮質，所以我其實鍾意旅行時剪頭髮，去日韓台剪吓吧
點解唔問返你身邊嗰啲人
我淨係講香港平貴好貴都試過
1. 約咗剪開嘅髪型師放飛機 原因喺佢唔知醒返唔切香港 唔call佢佢都唔知約咗（CWB)
2. 星期日休息🙄(中環）
3. 求其剪幾下就話剪完 頭又未吹乾(TST)
4. 剪500+ 如果剪修容留海+400，吓剪頭髮唔係應該要襯面形咩點解要錢，仲寫得好唔清晰（TST)
香港唔老實
入去同佢講要乜，洗濕左個頭就說你做貴好多既plan
你拒絕就擺低你半個鐘頭徒你時間
好多時你係請一日假去整，最後就範，整完又係唔好睇徒我錢
大陸我冇試過答唔到你，我只係知香港呢幾樣都係好麻煩，用好多錢都未必試到個啱你心水
Salon
睇中醫
買保險
批命
學投資
剪髮可以搵速剪，街坊髮廊好少會推銷
中醫我未試過差，要夾人。西醫乜醫都一樣。
買保險我第一份係銀行買拎得返現金價值，買之前自己搜集資料先。
唔好亂批命，批命好難會令你啱心水。除非條命好到誇啦啦。
速剪好多剪到好柒
中醫遇過兩種，第一種求其開啲藥俾你打發你走，第二種係嘗試長期叫你調理身體但係睇咗五位數超過半年都唔覺得有乜變化，少少都冇，我相信我係一個奇人冇一個中醫搞得掂🤣
幾個保險一嚟就Sell年金，份工都唔敢講穩定唔會想買呢啲嘢，況且隨時係負回報咁不如我洗咗佢啦
批命我最終搵到個好嘅師傅，不過說來慚愧，搵唔到幾多錢所以都冇乜機會俾師傅賺更多🤣🤣
1.香港果啲髮型師要求你準時，但佢自己唔洗準時
2.搞搞下你嘅頭，又會走去搞下其他客個頭，次次都要搞至少3個鐘，有fd試過做左10個鐘
3.顏色同想要嘅差好遠
4.要整曲既頭印象只維持左一日，洗個頭就冇左
5.錢永遠貴過報價
6.俾錢買難受☹️
就算唔係深圳整，都會去第度整啦😮💨
好老實講，大陸質素好唔好我唔知，但係唔少人話好，我自己係香港有個夾嘅髮型師，咁就唔係淨係錢嘅問題，人地夾咪得囉！香港真係唔少伏，又sell你買套票，千幾蚊染次頭（冇漂）藥水又cheap次次染完都敏感，買左套票下次要約又留難你呢日唔得果日唔得，人夾人囉！
而家剪髮都要買套票啊？
我太耐無去salon剪，唔知轉咗新玩法。
對我嚟講，大陸同香港啲髮型師質素差唔多差，價錢亦都差唔多
因為喺大陸我都淨係會用貴藥水，進口佢哋又貴返
但係香港會約好都叫你等幾粒鐘，又鍾意Sell嘢，冇錯呀，我喺大陸都整成千蚊頭，但香港可以同你講千頭，最後3000幾落樓
有時間絕對去日本先整
唔好講大陸啦，大把人去日本去韓國整頭，不如香港啲髮型師反省下點解
搵開同一個髮型師整頭，上年9月去整收我正常價，但12月尾去做同一樣treatment，收錢果陣話我頭髮多又厚，分左唔知幾多層剪，要收多幾百，我新陳代謝有冇好到咁，隔左幾個月就生厚左咁多呀
我之前有個搵開好多年既髮型師，Covid之後移左民，我開始四出搵唔同髮廊剪頭髮，但發現好多都貨不對辦/求其剪，有d IG相影得好靚，但去到見到間鋪都唔開胃，後來親戚介紹一個大陸師傅，剪得好有心機，最後我決定係香港淨係去QB house，返大陸先book相熟師傅剪🫠
大陸依家好多都係用app買plan，所以就感覺係明碼實價啲！咩做會員可以點點點，充值又當幾錢幾錢幾錢，一律say no，除非自己接受又唔介意綁住。邊度都有害群之馬既！但香港係貼錢買難受呢，唔係想踩邊度抬舉邊度，係要改善同進步！幾時都係有比較就有傷害！
尖沙咀 剪pat陰 收我三百幾 仲有一次 電攣 死都屈我染過頭髮要我俾多啲錢整 我拒絕仲要威脅我話整衰咗嘅話自己負責 從此去邊度染去邊度電都唔會揀香港 見到有人話香港salon質素更好 真係sldpk 10個可能得一個係好 嗰一個仲要係屋企樓下百幾蚊剪頭髮嗰啲salon
好簡單，香港salon宣傳「明碼實價」680染髮洗剪吹全包，山長水遠去到旺角，同我Double ，原因係我啲黑色髮根太長要用兩種染髮劑，所以要收兩次染髮錢。我轉頭就走，試咗次深圳salon，完全明碼實價，好尊重你嘅意見，坐喺張凳度講好幾錢之後就收幾錢。
香港寫明680包3樣/4樣 ，去到話呢樣唔得 嗰樣好基本，要加錢先做到個效果
洗頭要等，洗完又要等，基本要坐4個鐘以上
明明係A髮型師做 剪剪下又走去搞另一個客頭
染完過左1-2日同佢講甩色，第一時間話返你轉頭 ，再話補色要另外加錢等等 講到我似特登R着數
有時幾好奇香港嘅髮型師有冇培訓過，大陸好多都係讀職業學校學剪頭髮學三年，有啲讀埋大專多三年，分分鐘學剪頭髮學六年，香港啲髮型師全部態度差過大陸，大陸高級小小嘅都會俾你嘢飲，香港嘅優點係唔會同你傾計，大陸會r水吹。
我係大陸嘅salon可以搵到願意仔細分析我個面型同搭衫風格去幫我剪最啱我最好睇嘅頭嘅師傅，香港salon啲師傅收得貴過人唔單止，叫佢睇下可以點幫我修個靚啲嘅短髮佢直接將我剪成發嗮毛嘅巨型肉球😅😅😅我真係多得佢唔少
因為真係貴到pk 服務態度差
剪過唔同salon
印象最深係有間齋剪劉海唔包洗$450
髮型師次次約完都唔會準時 叫你坐係到等佢剪完上一個
人又寸 剪出黎同普通salon冇分別
大陸起碼個服務態度好好多
我之前去深圳剪都幾滿意
我有個fd系大陸剪開一間salon，同個髮型師熟到修瀏海20🤡
無論約幾點 上到去都要例牌等半個鐘
搵平既髮型師 上到去話唔加錢做唔到
搵貴既 上到去又sale做treatment 加晒比晒錢 個髮型師叫個助手出黎做😂
頂唔順香港髮型師 去台灣韓國順手整埋 起碼人地全程跟足 又會認真討論
出面大大張牌寫住染髮98 (因為頭髮染返學要染返黑所以是但搵間）
冇講指定顏色亦都冇講頭髮長短
入到去同我講話淨係黑色（因為我諗住染深啡就算）先係98
又話我呢個長度 要198😄😄❓❓
我心諗wtf😄🫰🏻
遲到，跟住洗完頭又擺你喺到半個鐘先幫你吹頭，搞吓另外一個客先至再搞吓你，價錢同埋服務質素唔同正比
返大陸整，整得唔滿意，可以一個月內免費整多次，即係售後服務
個人感覺姐，不喜隨便插~
香港個d salon一日到黑都要人等 (講緊係已經預約咗時間) 最憎係呢樣 佢嘅時間就係時間 人地嘅時間就可以浪費嘅 而家只有walkin去嗰d幫開大媽整頭嘅細鋪先唔使再等/ 比人sell因為佢跟本無呢d奇怪嘢sell你
去染頭髮之前特登問好晒價錢，佢報晒價之後到收錢嘅時候，話俾我聽染頭髮係唔包洗吹，洗吹係另外再收錢，真係好好奇點樣染頭髮唔使洗頭，全程助手搞，教足六七個鐘，錢又收錯，簡直受氣
全部都係公司高壓政策逼出嚟
所有服務態度嚟講大陸贏香港幾條街
某啲店真係當你皇帝咁服務
無計 顧客不滿一個負評就會影響成間舖嘅生意同評價
無錯就係咁誇張 尤其係美團等平台上架嘅店鋪
有時真係唔關價錢事，成千幾銀整個頭，都要等成個幾鐘，乜事呀
試過漂染由朝坐到晚，大部分時間係助手整，幫手上完色人就全部走曬，染得差最後要補多次，最後盛惠你$2000+（樓上舖）
亦都試過book 1點，結果真正入座係2點左右，問咩事就會話太多人 做唔切
你有冇去過😂
洗頭個靚仔幫你按埋頭
淨係洗剪吹都做足步驟慢慢剪 一個鐘 $120
香港齋剪20分鐘踢你走
仲未計你洗個頭十分鐘佢都要出去食枝煙
成手煙味摸落個客度
再喪sell你 treatment 買products
大陸剪啲瀏海都幾好唔錯，而且冇壓力唔使驚話你唔做佢嗰啲電髮染髮，佢就會鳩剪。剪過頭髮買單先$100 頭
而家香港新界商場啲細髮型舖都要180 200 
我返日本先會整頭
人哋講左幾點就真係幾點
整幾耐都會話你知
仲要全程都係髮型師幫你整
唔會冷落你
仲要一坐低問你要唔要飲茶飲水又有零食
呢啲真係香港唔會感受到
跟開個髮型師十幾年，唔會轉去大陸剪。
不過香港人近年做生意好唔老實，好多都當客係水魚，又hard sell
而家大陸反而明碼實價，講一次你唔買都冇所謂，仲笑笑口
好過鬼，hk上次去剪撞著個唔識扮識，冇料扮4條。仲問上次邊個剪，答返佢同一間cf。
睇死佢唔會剪得好睇，俾埋相佢都跟唔到。結果冇錯。
不過又唔會特登返大陸剪
因為試過唔同嘅hk salon，不論新式舊式或者去開嘅都會剪柒我個頭，剪到成個阿旺咁就叫你快啲埋單走人。相反大陸嗰啲，佢哋剪完會影返個製成品真係要擺上網sale客
唔好講深圳先，香港salon幾時可以學識唔放置客人30分鐘以上、唔陰陽價、唔sell plan、唔亂剪髮型而且死口唔認、唔亂染顏色、唔長期助手處理既話，我實支持嘎
唔想幫大陸 但係原本我阿媽喺香港整開頭 都話想喺香港消費 但係去親嘅髮型屋唔係Hea佢就係電壞咗佢啲頭髮 佢後來頂唔順返大陸整咗一次 完全冇呢啲問題…
而家真係好多香港髮型師向內地學習㗎，所以唔好問點解。不過我睇留言啲怨氣普遍都係話時間觀念，服務態度，所以真係唔關單純技術問題，而係體驗感。
係囉，其實我覺得守時真係好重要
自己入行咁耐都只係同啲客人講
除咗聖誕新年前夕，有機會要等之外
我自問，真係好少要客人等
但係就算自己係做髮型師
都知道而家市場有好多髮型師真係做得唔好嘅
不過如果只係遇過唔好既髮型師
就覺得所有香港髮型師都唔好
就好唔公平囉！
因為始終香港仍然有一批髮型師或者髮型從業員
仍然係會比好多錢同時間去上堂
對呢一批人嚟講其實都真係好唔公平
不過最慘可能呢一批人，可能
做網絡並唔係咁熟練，所以仍然未被看見而已