📌 唔知呢個算唔算bul
共 56 條紀錄
唔知呢個算唔算bully😭
我學校有個女仔一直都好唔鍾意我
成日喺背後講我壞話
次次見到都啤住我
跟住前日返學佢仲要偷影我
我好驚佢會攞嚟整sticker同傳我啲醜照出去
想同老師講但係又驚會俾佢哋bully
因為佢哋個圈子好大。。
點算好...😿👉🏻👈🏻
錄音做証據，父母同學校講，要求見對方家長，向你道歉加學校處罰
佢仲要每日返學經過見到我都同佢班frd用粗口鬧我😢
你冇錯，錯嘅係個女仔
如果嗰個女仔有進一步地對你做左啲咩，令到你情緒上忍受唔到，你記住可以嘗試同你可信嘅大人講，父母就最好。父母嘅身份同學校講，我相信學校會正視。唔好啞忍佢哋，只會你辛苦，同埋變本加厲。
明明佢都唔識你, 又冇同你交流過, 就喺度做埋呢啲嘢，擺明係覺得你好恰😓😓
唔怕佢 大大方方堂堂正正喺佢面前行 成績儘量好 考級頭 必要時爆單勁嘢 一單就夠 一嘢反枱（真係反）對你好嘅人會繼續對你更加好 呢班勢力大嘅人會自此唔夠膽望你
唔好問我點解會知呢啲方法 去到每一個地方都會有人好鍾意你 好唔鍾意你 如果你自問無對佢唔著 其實你做咩都唔係好影響到佢哋對你嘅睇發 你亦都唔需要得到佢哋嘅讚美先生存到 當然會有人對你好好 同你好啱channel 記住 邊個對你好 你十倍對返佢好 邊個對你唔好 你係癲嘅 唔需要理佢感受
同埋佢整你醜照 點解要覺得好羞恥 擁抱佢啲醜照 笑下 第日你整返佢醜照咪得囉
人不犯我，我不犯人；人犯我，我當他透明。 記住這個公式就可以了。
過來人話俾你聽，唔理佢地冇用架，你大個只會變成討好型人格，受到批評個陣唔識保護自己嘅傻西瓜，襯仲細快啲學識呢課👍保護自己好緊要
本人中學時期（整個中學生涯）都有同樣嘅經歷，只有比較幼稚嘅人先會做嘅行為👍或者佢哋羨慕你有啲地方你有佢哋冇先會咁
佢哋唔願意去理解你係佢哋嘅問題
唔好認為佢地有圈子、有朋友係一件好事，可能分分鐘佢圈內冇一個係真心真義真誠嘅人，所以唔需要羨慕佢哋
相信自己係Stronger than them🙂↕️
記住一樣野，畢業咗之後你人生唔會再遇返同樣同一班嘅人㗎啦😉
如果有D咩唔開心，可以直接大膽D同你信任得過嘅人講㗎，加油💪🫡
如果你夠勇敢嘅話，你可以直接喺佢哋正面還擊返佢哋😬 影返佢地轉頭😂 用魔法打敗魔法😂 just kidding😂
首先cap 低佢po 既證據
《個人資料（私隱）條例》
如果你拍攝嘅內容屬於可識別到某人身份嘅個人資料，例如樣貌、車牌、住址等，而且未經對方同意就上載／公開，可能構成違法使用個人資料。
不單止拍攝，傳播／公開呢啲相片都可能觸法。
保持冷靜：唔好即時搶對方部機，咁做有機會構成襲擊
提出質疑：禮貌地問對方影相用途，睇對方反應
通知工作人員／保安：尤其喺商場、餐廳、地鐵站等地方
記低證據：如拍攝者樣貌、服裝、位置、時間、拍攝方向等
唔好自己私自刪相：要警方處理，自己刪相可能會影響證據效力
報警與法律行動
如果懷疑對方行為觸犯法例，例如偷拍裙底、喺私密空間影相，可即時報警處理
同時可以向私隱專員公署提出投訴，尤其係當相片係上載到網上或公開傳播
https://faatgo.com/%E6%9C%AA%E7%B6%93%E5%90%8C%E6%84%8F%E6%8B%8D%E7%85%A7%E9%A6%99%E6%B8%AF/#an_li_er_ying_peng_you_dan_ying_mai_qi_ta_ren
當時我選擇忍 儲到臨畢業一次過清算。係全班面前掟左佢埋壁報板。搞到見級訓
都仲未通知我家長
只因我本身紀錄上無搞事之餘仲勁多優點
級訓問點解臨畢業先出事？
握手言和算啦
五年 五年我過既咩生活？
呢四隻字我做唔到 你係要追究既可以通知我家長
(我同果同學同姓既 家長咁多年未見過對方)
事後呢五年做過班主任既都輪住黎搵我。最後 笑住行出課室果個係我
坦白講 果時有唔少人見住我掟佢埋壁報板 拉住我既有 幫手嗌老師黎又有
都問我都咁多年都唔爆
點解就畢業先黎爆？
我話其實係咁多年
任何時間我都可以爆
只係 我儲夠本錢 我就係想知最後 學校係點睇
只係
我覺得你做得好好👍🫂~
祝福你前程錦繡、幸福一生。🌅
我個女之前都有你呢個情況，班人單單打打眼超超，我叫阿女對呢啲人唔好忍，單打返佢。佢影你，你影返佢，另外最好有多啲自己朋友。唔出聲只會佢越嚟越恰你。之後個同學冇再bully我女。
但切記，無論有幾嬲，千祈唔好出手，出口，佢奈你唔何，出手，就一定輸。同你媽咪講，等佢做你最強後循
整就整硬，你一係大返佢一鑊一係就轉校，佢食整理圖片唔識整佢咸片呀？
之前咪有單新聞，男同學整女同ai 裸照，雖然告唔入，但可以用不誠實使用電腦罪，唔好亂黎。
永遠記住，遇到呢啲事
一次嘅發癲可以比一直嘅忍耐更快解決
其實你講頭果幾句都係你個人觀感, 你又冇真係見到佢做, 講人是非大把人有, 但咁又唔代表乜, 你話人啤住你, 你唔望佢點知佢望你, 其實所謂bully又真係未到！ 你現在只能做係加大自己圈子, 俾大家見識你好的一面, 一個人如果係好邊會有人唔愛唔搶住幫, 正面d啦
你又唔係佢本人，佢現實中做過更加有問題既行為你都唔知啦，全部寫晒落個文章到咪成千字？就憑嗰幾句都睇得出有問題啦嗰班友，仲要係三唔識七0交流都要講人是非串佢，唔通你覺得咁樣係正常咩？依家係你俾人bully定佢本人俾人bully，你同學校嗰啲老餅老師有得fight
千祈唔好忍讓！！
佢哋夠膽攞粗口鬧你，你就鬧返轉頭
總之癲過佢哋，咁樣起碼佢哋都識收斂啲
如果話俾老師聽(個老師要係好熱心嗰啲)睇吓佢幫唔幫到你，唔得就搵家長介入
叫晒你同佢哋家長出嚟三口六面講，起碼比佢哋啲家長知自己個女係點樣喺學校恰人哋
曾經都試過類似，如果佢開口鬧你，呢個位無視同不停會專注自己，同不停做運動，不停做自己要做嘅嘢，完全唔俾注意力佢，如果真係出手呢個位點都要還擊 冇餘地可以留，然後明眼人會睇得出其實佢真係好撚on9
🥲你永遠都改變唔到佢，但係你可以改變你自己唔好因為一啲人，所以導致到你放棄咗一啲嘢😌努力咁樣讀書，享受校園生活，唔一定係中學嘅大學都得。以一個過來人去，想當年我就係在意佢哋，所以恐懼咗校園，最後30幾歲返讀書你冇話都幾辛苦🙏🙏🙏😏呢個世界大把bitch
你偷影返佢囉
有咩事爆上threads一拍兩散等佢嘅7樣曝光
@summ._.pri 樓主歡迎私信我，小弟我曾經經歷過十分大規模嘅孤立問題。隨時歡迎隔三差五send條信息過嚟，我得閒絕對會回覆下你。要面對孤立問題，只要捱過之後你嘅心理素質就會變得十分之強大，過程中只要有人可以幫你罩住、睇住你嘅時候就會令到成件事變得有更多可控性。
現在好多校園欺凌新聞好多小學生因為就是咁自殺離開左
睇黎你阿媽都係幫唔到你架喇，主動啲直接灘牌問佢想點仲好，如果你係有野得罪過佢既，叫佢講出黎，係唔係都好，道左歉先，睇下佢肯唔肯放過你囉，之後見步行步啦~
類似經歷 我身邊已經有2個🥲
有同班主任講但真係好難受同唔開心...
都係建議去揾可信嘅老師
get her out of your life 豈有此理
你唔使理佢地，俾心機啲讀書！考到好成績，啲人自然唔敢睇小你！
唔使理佢哋，亦都唔使驚！
讀好啲書，叻過晒佢哋，大個咗搵份好工，到時係你睇佢哋唔起！😎😎
我想問有咩好驚？孫子兵法云：善守者，藏於九地之下。你要成功地防守，就要將自己所有訊息隱藏，尤其是弱點。你越驚嘅野，敵人就越有機會做出黎。你要應對敵人係心理同言語上嘅攻擊，只需隱藏自己並且安分守己。做到呢2樣野，敵人已經無機可乘。
講少少個人經歷。我而家讀緊大專，但係小學到中學時期一直都係被欺凌嘅一方。直至高中時期，我終於學識隱忍，跟住一直努力積攢實力。最終係中五被任命為Head Prefect，此後再無任何人敢欺凌、杯葛我。
過來人話俾你聽，佢哋只會越玩越大
記住留證據，然後搞佢哋
成績考好D講野都大聲D，到時就算你一巴車埋佢到可能老師都會信你無做過
想問下
人地冇郁手/未郁手
但自己岀咗手
衰嘅會係邊個🤗
報警都得啊
如果你覺得唔舒服、唔開心，就代表件事已經超出你可以承受嘅範圍。
唔好等情況再惡化，主動搵一個你信得過嘅大人傾（例如老師或學校社工）。同佢講你覺得班上有同學排擠你，影響到你返學嘅心情，要具體說明發生過咩事，等對方明白你想尋求支援。
覺得唔對路就要出聲，呢個係你嘅權利🥹🫂
我曾經都經歷過你呢啲事情，記得當自己唔開心，或者成日因為呢啲事情影響自己心情，同埋好唔舒服，一定要同父母同老公講，一開始，父母唔會care，直到老師介入呢件事，父母會開始care
我建議直接同訓導主任講
最好叫埋屋企人投訴上教育局
冇啲嚴重懲罰佢哋唔會學乖
本身情況都差唔多你同老師講都一樣
有咩問題你咪照講囉 你唔講唔等於會變好個喎