唔知大家信唔信車有靈性，但起碼我信。

凌晨揸完呢部好戰友做完最後一程，擺喺樓下、瞓醒就揸去車房待劏。

然後，竟然撻唔着車。
拍咗佢咁耐都未試過見過佢扭計，
彷彿好似同我講佢唔想死咁 🥲

其實我都唔捨得您。😞

係度統一回覆 😭

1） 呢部車行車嚟，一句通知話要劏、我地司機就要執嘢，無得揀 🥹 聽車行講五座位車保費加到好貴，呢排都劏唔少，拎埋 quota 去換電車。

2） 平時同正更叔叔基本保養檢查都有做 .. 我習慣每次凍車着車會俾佢自己煲下先，去到合適工作溫度先出車。而佢今次出現嘅情況係 :

i) 撻車無耐就自己死火
ii) 再撻幾次都無反應着唔到車
iii) 擺返幾分鐘後着返，hold 轉數彈射起步，等佢唔好太低轉死火，點知一轉彎收慢佢就自己死咗火，出緊路口右邊仲要有車嚟緊 .. 都真係唔好話唔驚 😥

3) 出車前我有喃喃自語講咗句類似 「 而家要帶你去劏啦 」 嘅說話，然後就發生咗上面講嘅嘢 🥹

4) 我中意揸車，自己都有養車 10 年+，對長期對住嘅嘢 （ 我視之為拍檔 ）係會有種感情 😂 當然唔係愛慕、屌死氣喉果啲 🤡 明就明！

5） 如有五座位想揾人全架攞嘅歡迎 pm 😂 平租更佳，我同正更都唔食煙！

大6電車要推向香港,夾硬要迫人劏豐田的士。

今日見到架好靚仔醒神

呢架4仔嚟

啲人話買個模型 叫佢入去住
利申唔信

覺
呢架係我搵食拍檔
我自己都揸左大約17000KM
我都覺得佢好有靈性 有幾次著哂油燈 我同佢講 「兄弟頂住呀 食飯啦」
真係夠頂到去油站

著左燈都夠你青衣機場來回

應該得

點解要劏五座位？依家少之又少？

五座而家都差唔多廿歲,劏咗佢等佢安享晚年啦

唔想劏點解唔賣俾喺外國嘅香港人？
加拿大同美國嗰啲前排好似差架綠的
有紅同藍

外國過25年車齡當古董車㗎
雖然可能都賣唔到幾多錢，但五座值得留嚟當歷史喎
試吓搵吓嗰班移民外國嘅香港人問問囉

我都有部26，都算係出生入死
42000km二手接佢返黎
70000換過波箱鏍絲
而家10萬，都叫精神

中間陪過我兩隻貓病重同去世
個時收到寵物醫院電話（出得院/屋企通知）
一跳上部車佢就知我要做咩咁
比油就過車，每次都安全去到目的地
雖然買左46就無日日咁操佢，但都會間唔時揸佢
有時我仲覺得佢舒服過46（只要唔落雨同塞車）

我嗰部五艇都係呀，臨劏嗰個禮拜足足扭咗兩次計🥲

咪又係劏
同機器產生感情算唔算戀物癖

會唔會熄燈同冷氣再撻車好啲呀🤔
再唔係 篤少少油？🤔

冇呀，每次開車同熄車前我都一定係閂咗冷氣先 … 我唔係好熟機械嘢，但只可以講咁耐以來都未試過發生咁嘅情況 😩

最壞打算 叫拖車囉

信 其中一個拍檔三個禮拜冇著車
舊電池就已經跪低咗
減粗救返著之後
三日冇着過車 直頭死埋

車會小氣你唔理佢 🤣🤣

年份係2001？

2000

那很可惜，舊年剛做石油氣缸大驗

有霧燈蓋都正喎🥹

我都試過最後一日準備返車行放底準備去劏，住入小小氣返車行，入完就着吾到🫢🫢

我信機器都有，臨換相機前，佢都會突然唔聽話🥲

咁咪唔好湯
換下零件反正冇死期

有d眼濕濕添

RIP

我覺得好大部份係因為知道就嚟要劏車，然後開始唔做保養，咁啲舊車一唔保養啲暗病就出晒嚟。結論係我覺得保養緊要過一切，我寧願買一部保養好嘅舊車都唔會買一部過分低咪長期擺喺度嘅車。

人車合一，唔好死拍擋，真心明白！

我信！

信，不過我同佢講買左個新殼俾佢，所以無事😂

我以前部CUBE都試過，係唔可以喺車裡面講佢壊話架...試過一次埋怨佢唔好，點知下次出車就撻唔著(大電新換的), 自此之後我都唔敢講佢壞話😅

巧合姐🙄

唔捨得咁做乜要劏

車主/車行話 司機邊度有得講

聽講車越老越有靈性。

信。所以我唔會喺我架車面前講佢壞話，最多見到靚車會讚幾句，絕對唔會喺佢在場嘅情況下討論唔要佢。

逢親要劏要賣嘅車，臨別之前一定扭計。壞車死火爆呔壞電器乜都有

完全明白嗰種多年戰友嘅感覺

已經超出預計生命一倍、真利害

的士要撞散先對得住的士依個稱號🤣 寧撞不劏

有喺佢面前講過想劏佢？

我相信車都有靈魂😌

梅利號

我都試過。。好多年前有嫁私家車我要揸去劏，之後响吐露港突然跪低。。。

其實你哋係咪搞錯咗啲嘢，係因為佢就壞你哋先會拎去劏，唔係因為佢哋知自己要俾你哋拎去劏先壞

呢個諗法就係你信佢有靈性同埋唔信嘅分別

車有靈性😂😂😅
死物黎😅

每次唔少心揸上curb 我都會同車車講對唔住 唔好意思 認衰仔
落大雪但要揸車返工我會同佢講：拿醒醒定定，靠你啦😭🙏🏻

梅利號🥲

架車真係識聽架

@dett0218
我都信
我哋雖然嗰部唔係車係機械人
但係我哋都認為只要喺機器就會有靈性
呢部嘢我哋呢個團隊執咗好耐，亦都好錫呢部嘢
佢向來都會有返少少偏差，但係我哋喺比賽前同佢講咗一句:「加油啊靠晒你比賽啦！」佢就幫我哋同聯隊贏咗第一局，雖然開咗個好頭，但係接落嚟都係輸，但係第三局完咗之後,我哋同第二個聯隊一齊黐咗張貼紙，同部機一齊打氣，結果部機真係好似有靈性咁樣乜都冇壞，幫我哋一路衝咗上頭10
而家雖然未有比賽，但係佢都喺活動室擺咗喺度陪住我

老實講次次部機唔得我都會喺內心對住佢爆粗 結果又真係得🤭

信

狗不嬲都有靈性㗎啦💀

唔識車，但信有「萬物有靈」呢個天理