唔知大家記唔記得我上過月頭試圖自己去高院處理老母遺產？

最後我係因為時間關係，再加上佢有物業係同我仍然在生嘅老豆各一半，所以我都係委託咗老母生前個律師處理。

咁上個月去到見到嗰位梁律師同埋另一位律師，梁律師同我閒話家常為主，佢話之後就交俾另一位律師處理⋯⋯

我估應該比較多admin嘢處理，再加上我覺得梁律有點霸氣，所以我都幾開心佢交俾另一位處理。

好啦，咁我見老母身後事上過月六號完成咗，骨灰位都買咗，骨灰盅又買埋，只係淨返同殯儀交收同埋去思親公園上位⋯⋯

好似一切望落都ok, 咁我幾番周折聯絡到幫老母處理遺產嗰位律師小姐，律師小姐好好人（比起秘書態度好一萬倍），佢話文件齊啦，預備draft宣誓文件，佢話大約半個月後再聯絡我叫我去宣誓，之後無問題就入紙俾高院，如果高院無問題應該過多幾個月就有授予書，咁到時候我就可以幫手分配遺產，最重要係聯絡家姐買機票返香港簽名⋯

最後，joint tenant物業係好麻煩，立遺囑又要俾錢分割返，承辦嗰個物業又要查冊睇吓百分比，兩個字：好x煩🫩

其實其實，點解遺產承辦咁複雜？同埋處理咁耐？⋯
實在太複雜啦，敗家女表示唔想理，頭都痛埋🥲

其實好似就算有平安紙都係要等批
呢個係程序
耐其中一項係排期交表同資料
其次係齊唔齊料
有D case交完俾官發現唔齊料
又要再搵再補交
老人家愈少戶口愈好

大家放心，我只係覺得香港處理遺產承辦真係比較耐，可能涉及法律文件需要謹慎處理掛⋯
我亦都請咗律師處理，唔係幫佢哋宣傳，但係我自己可以慳返啲時間做嘢同埋休息。
律師費大約四萬幾左右⋯⋯

未計大陸物業，會更貴，但同律師deal咗搞掂香港嗰部分先⋯

Btw, 其實頭先傾電話嗰陣都幾pleasant, 因為我感受到律師嘅活力同衝勁😹 佢頭先好興奮咁同我講文件齊咗，亦抽起咗我媽媽個file預備draft宣誓啲嘢⋯
希望佢可以保持呢份活力啦😆

From Joint Tenancy to Tenancy in Common.
印象中都係為咗方便後人繼承先咁做⋯

係咪真方便見仁見智喇
不過點做律師都收錢

係啊，所以律師費都唔平，但都係嗰句，專業問題就專業人士負責啦，我呢啲就俾啲時間佢哋處理啦：）

係咪長命契？如果係可以乜都唔搞住！
家父過身時就係搞完遺產𠄘辦時
只係拎遺產令去取消銀行戶口
樓契冇搞轉名
家母舊年過身遺產令剛出
宜家先一次過搞轉名比我同家姐s

多謝你分享喔，我估本身係長命契，但係立遺囑嗰陣律師應該建議佢哋分割返，導致每人持有50%，好似聽講容易啲處理（？），我都唔肯定，而家所有都交咗俾律師處理luuuu…由佢啦～～～

Btw, 佢哋立遺囑我都唔喺度，所以都唔係好知～

俾咗律師搞就耐心等喇😘

我舊年4,5月都有屋企人走，之前有定遺囑，一開始我已經交比律師搞晒，我自己只係簽名或要做嘢時間出現，呢4,5萬蚊好值得比

諗下自己要請幾多日annual leave去搞，都未必搞得掂，就知有啲錢係唔慳得嘅

多謝你分享

其實物業如果係長命契 就唔駛點攪呀。你阿媽去世，業權自動歸你老豆，如果你老豆轉業權俾你，其實應該同一般物業轉名手續咁轉俾你地。唔關遺產事

唔係唔係啊，本身長命契，但立遺囑嗰陣分割咗，所以老母釘咗就係直接俾受益人，而呢一吓都要做轉名。
Any肥啦，而家慢慢等吓先，最後都會搞掂，只係覺得法律好複雜⋯

間屋應該歸你爸爸！聯名物業生死契＞遺囑

老母生前立遺囑嗰陣已經做咗業權分割，多謝關心。

物業係佔百分比來分，如果物業多兄弟姐妹可以自己兄弟姐妹協議邊個要邊個都可以，比律師去搞；耐架，而家政府仲有個物業增值稅，仲要睇番當時買入而家政府想打番你幾多荷包，商業樓宇同民生社區稅又唔同。
基本上只有等，唔等錢開飯或做買賣就由得佢。

有啲野係要搵相關嘅專業人士來處理就會容易啲！👍

茅錯，係慳返啲時間做其他嘢⋯希望暫時唔洗再踏入高院，嗰種壓逼都幾折磨人⋯