📌 唔知大家點樣定義聰明
共 53 條紀錄
唔知大家點樣定義聰明嘅人？
有冇例子可以分享吓？😂
例如聰明嘅人鍾意獨處or有啲特定愛好？
有冇可能細個一般般
大個咗又聰明返？
或者調轉細個好聰明
大個咗又變返一般般呢？
IQ有冇可能透過後天做某啲行為而家改變呢？
e.g. 學音樂？學數學？學語言？
唔知聰明嘅人會唔會覺得自己聰明呢？定係聰明嘅人會覺得自己蠢or唔夠聰明呢？ 😂
有冇Mensa member解答下？🤓🤓
有機會大個聰明返
但係本身要有「聰明基因」
好似個燈掣咁
細細個有個掣
但係大個之後
識得開燈 「變得聰明咗」
調返轉
可能因為創傷
所以熄燈 都唔係完全冇
不過如果
本身冇「燈掣」
之後點都唔會開到
好睇屋企背景歷史
去推斷有冇可能
遺傳到「聰明基因」
我唔知自己
係唔係大家眼中嘅聰明
但係就係同同學相處
發現自己理解知識嘅方式
同大家唔同
我可以將好多唔同科目
聯想埋一齊
可能我會用Bio同chem
學到嘅道理 解釋phy之類嘅
（雖然我知 呢個例子
攞嚟論證唔夠說服力
畢竟呢幾科 相對算近嘅親戚
但係除咗
學術上/掌握知識上
比較「聰明」
但係其他 例如時間觀念
可能大家覺得
比較基本嘅技能
我就會覺得比較困難
不過都有機會
係因為之前
冇集中訓練過
所以先比較困難
都唔可以完全排除
呢個可能性
而知道自己
係「聰明人」嘅感受就係
我同其他人唔同
好想同大家做朋友
唔想俾人發現
我係異類之類嘅
會特登去發展
自己唔擅長嘅領域
令自己嘅能力
好似同人哋差唔多
大家就好似
冇咁驚我😭😭
當你聽到 ：靠人脈可以成功，
會聯想到成語- 朝崗敗壞，
想起每個古國滅亡的一刻。
會明白蘇東坡既感受。
但能夠選擇向蘇大學士學習。
而且不停學習。
很喜歡古代聖賢的詩、
每次讀完，腦中總感覺自己習而能書一二。尤其係 文天祥。
其他人常話你唔叻，
你仍會期望把先人遺訓傳給他們的孩子。
人生總是很樂觀，看電影，會覺得演員之中十之有一懂得演戲。尚有希望。看書會覺得作家們百之有一會寫作，自己要努力追上那百分之一。
大家說看了占基利20年才知道他會演，你心想自他出演第一天起便相中此人。
心中目中無人，但是工作一到手，不計成本，傾力造出完美的傑作。（Michelangelo)
不容許半丁點不完美。
聽到人說自己ADHD, 你會心想，如果你係ADHD，我會一早知。如果你係、我哋可以傾d深層次嘅話題。
要不要試試，
早就試過了、每次一說，只感受到妒忌，自此不再與人交心。
對酒、月、女人交朋友。更坦盪
不會公開自己身份，免得大家浪費時間吵誰更聰明。
聰明人黎講要睇係少少聰明定極聰明，因為有d事太聰明的人係一想到結果就唔會去做，反而少少聰明的會去做。
(1) 識分咩為之好咩為之唔好，能欣賞到人或事的優點，apprecitate到某d不被睇好的為什麼重要；同了解到人同事的缺點；apply 到唔同嘅tool去唔同地方。
(2) 能始終專注於自己想做的事同了解到自己人生如何只關自己點想點做事，唔關外人事。
(3)一句可以解答到你問的問題同可能會問嘅3個問題
(4)知道勤力同克制的重要性同天資的上限同下限。
(5) IQ絕對可以下降，你10歲時做到16歲嘅事，同16歲時做到16歲事，咁16歲時做到有咩咁出奇。
(6)智商同智慧係2件事，sheldon cooper都可以得罪人多，楊修都預測唔到第七次係容忍極限。
依家，香港，尚存的社群組織，你會唔會覺得自己問錯對象?
IQ130左右
小學好多問題問，問到老師覺得我好蠢，被標籤係垃圾，所以冇心向學。同埋我有個習慣，就係要知道點解唔得。老師如果解釋唔到原因，我會故意做錯去搵答案。咁令到老師更加覺得我係極之頑劣。
中學老師好，成績穩步上升，一直到高中班主任認為我係資優。
細細個就對身邊嘅人好敏感，幾乎佢講A就估到佢之後係講b,c....
高中開始多同唔同人接觸，開始感受到自己學嘢諗嘢比人快好多，一學就識舉一反三，仲即刻可以教埋啲未明嘅人。
有時做嘢遇到一樣叻嘅人好開心。
出嚟社會做嘢IQ高冇乜用，毅力決心甚至善良都比IQ重要好多。因為大部份工作都係要經歷無數失敗，捱得過失敗先搵到成功。
談吐舉止
“聰明”但有社交障礙，除非佢攞Nobel如果唔係都無人知佢係聰明，聰明人自high無用
相反”社交高手”胸無半點墨水，但佢可以坐到高位或佢身邊所有人都好支持佢即係佢係有能力的人，會得人尊敬
以上係社會/他人定義你聰明如否的準則
你可以話你咩領域叻過大部電腦人，但都係個句，無recognition即自high，但其實如果你父母，手足認可你，你都可以好知足安分
最難聽咁講，係你要爭名逐利定自high就可以
係呀，但佢同佢做左朋友之後真係覺得佢咩都唔識但又可以係咁升職，但會忍唔住幫佢教佢，雖然好多野教左十幾次佢都做唔到
但係明顯係好談吐嘅人，得人鐘意唔會冒犯人。
所以我一開頭已經定義左”談吐舉止”
佢唔係咩都唔識，係能力點左去第個更有利既方向。
有句說話：死既學識唔洗學，你比錢請人運用佢既學識就得。
我覺得世界上分咗幾種人，好似我咁享受做低職位唔需要承擔責任，但係需要埋頭苦幹嘅人，而佢係叻在對人處事同埋管理嘅人
我仔iq 136，數理邏輯方面最高分。
佢有自己學習方法，學野好快，第一次接觸嘅野佢會企埋一邊觀察一陣先去試，一試就上手，上手速度嚇親大家，我有問佢係點做到，佢話睇睇下咪識囉🤷🏻♀️
但佢好無自信，亦唔覺自己聰明，好焦慮，好敏感，長期尷尬，成日諗多左，亦唔表達自己，好多朋友但只信任我同一兩個老師，活喺矛盾之中，都唔係甘好架咋🫣🫣
感謝您的分享！好明白你仔仔的感受。
幸好有你和那一兩個老師去支持他
聰明都有唔同維度，
讀書？才華？社交？操作器械？
我覺得其中一種較鮮明嘅，聰明人係識「講笑」同埋識「閱讀空氣」。
某程度上，幽默同識講笑嘅人，多數係聰明啲；如果蠢人扮幽默、又者唔識閱讀空氣，好多時就會係唔適當場合「講錯野」。
識講笑可以緩和氣氛、化解衝突；再唔係就僵持尷尬氣氛搭樓梯。
即刻個腦諗到「農夫」
我認為聰明嘅人係
學歷高😂
又或者佢可以掌控多種語言
因為我覺得最少佢哋有一定程度嘅邏輯思維？
轉數好快
好快咁掌握嗰個理論並且運用仲有轉化
我覺得頭腦係需要訓練
每個人用嘅方式會有唔同
可能有啲人對顏色敏感有啲人對聲音敏感
我覺得每個人總係有個地方會比起一般人有突出嘅優點
只係冇被發掘
以前重讀緊書，有一個非常聰明既男同學。佢特徵係好多問題好多發想，不過好sad既係佢處於一個平庸人堆裡面，無咩人接得住佢既聰明，啲平庸既同學好唔中意佢。連啲老師都唔太中意佢，因為思維太跳脫、唔係乖學生。所以我覺得「會被平庸既人討厭」都算係一個指標。
佢最後入左中大讀理科好似。
自問細個好聰明
記性好，理解同表達能力好高
知識會喺唔同科目之間融會貫通
讀書係輕鬆年年第一
之後家道中落，冇錢冇家長支援
放棄講書出嚟做嘢
而家大個咗冇乜作為
但喺同人相處之間都會feel到自己轉數快到只有少部份專業人仕可以跟得上對答
咁又有何用？🤭Nothing changes
去到美國就知道乜嘢叫聰明人😅！
利申：由細到大都係名女校top3，但係去到美國就知道自己其實一啲都唔勁，天外有天，人外有人！
They can usually create something very novel. Understand stuff easily and can GENERATE new ideas based on what was synthesized!
It’s easy to spot a genius. They can rarely hide
我認為叻人有三種
聰明係高智商、學習能力高、邏輯強；
醒目係識隨機應變、執生、識睇場面；
有智慧係對人生哲理嘅通透、識長遠諗、識衡量輕重
而我覺得好多人都聰明反被聰明誤
自問唔係叻人
但係會好想同呢啲叻人接觸，想喺佢哋身上學嘢
大個聰明返，有機會係天生聰明，但受環境影響，因為個腦好神奇，當小朋友接觸太多負面諗法嘅時候，記憶力同學習能力會下降，大個可能已經唔再受影響啦～
另外，一個不斷學習嘅人，學習其他野都會快啲，因為有可能學習嘅野本質一樣。
我要講一堆嘢先至可以解釋到想解釋嘅事。
佢三言兩語幫我總結埋。
仲可以喺件事上加上自己嘅註解。
問乜都可以答到你，好似本百科全書咁。
淨係同佢傾偈，你都會覺得學到好多嘢咁。
有種聽君一席話勝讀十年書嘅feel。
話自己厭蠢嘅多數都係扮聰明
真聰明嘅人只係大部份時間唔明啲唔聰明嘅人唔明啲咩，但係唔覺得自己係聰明/有咩特殊，佢哋深知知道世界上聰明嘅唔會係得自己，自己都係普通人唔係特別嘅存在
利申：係被眾聰明人carry嗰個人蠢人
識得一個我認為聰明既人。佢邏輯強，佢會諗下會問你點解係咁，佢唔識既野希望人地話到俾佢知點解，所以佢真係好多事物都知d. 天文動物醫學etc. 佢唔會take bullshit for answer. 行動力高，不停學習又學行快，對好多事物有興趣。
由細都唔覺得自己聰明，就純粹鍾意一件事會做到底，IQ不算好高，只係高係logic同memory 個part，語言是白癡🥲不過同時有ASD同ADHD特質。
細個讀書成績普通，不過出嚟做嘢讀既範疇好大同好有興趣尋根究柢，亦係專業。
呢個世界無聰明嘅人，所謂聰明嘅人被效率控制（會用智商講自己聰明），但呢種唔係聰明，只係進入分辦智商嘅框架，跳出呢個框架會發現所有人都有極限同不足，來推出無聰明呢樣野
我係細個唔聰明但出嚟工作後發覺自己聰明過其他人，同事唔明嘅嘢我一聽就明，平時生活都係會諗到啲聰明方法避免中伏同解決到好多問題但其他人諗唔到啲方法
做過一年 Mensa 會員
唔會覺得自己聰明
相反 成日覺得自己學野比人慢
自信心從來都好低
唸野成日都好負面
小小事都可以糾結好耐
唔知有無同路人都係咁🥹
首先點叫聰明先？唔同跑道上聰明都唔同，量化既聰明係社會上可能冇優勢，我覺得睿智呢個字會比較合適，呢個世界聰明既kaml都真心唔少🤣🤣🤣
Mensa HK 路過
聰明就好似有部永遠唔會過時MacBook Pro
諗嘢快手啲
但我音樂、數學都唔叻 （語言得英文好啲啲）
比起聰明，善良更重要❗️
我細妹小一的時候有讀寫障礙
學校帶左佢測IQ, 測到係資優
數理邏輯明顯比較強
現實中除左打麻雀比較出色之外
個人好似鈍鈍地⋯⋯
我會定義聰明係學習速度快，邏輯思維強，可以舉一反三，視野有前瞻性。謙虛得嚟會正視自己缺點，會持續學習。
有啲朋友你同佢傾吓偈就知道佢聰明，平時你有問題都會請教佢哋嘅意見，跟住佢做乜你又好自然會參考佢。😂
我覺得係比較容易睇清事物嘅本質，然後比其他人快做出相對應嘅決定，唔容易被表象spin走
轉數快 記性好 舉一反三 表達到自己諗嘅嘢 口才好 有邏輯 有判斷同辨識能力 語言天份高
我都想知，有時做錯少少野都會自我懷疑係咪輕度弱智🥲
到底聰明既人係點😂
🌚太聰明會對人會有厭化狀態
放下所有自己很聰明的觀念
好好生活好好對待別人
聰明唔代表條路會特別順，但大多數佢地邏輯都好清晰，有舉一反三嘅能力。
我淨係知道當係一班人入面搵唔到蠢人嘅時候，你就係最蠢嗰個🥲🥲🥲
無固定答案
點撚知聽日自己打敗今日嘅自己
不過有一點係唔會停止學習
留名睇覺得入咗Mensa = 聰明，overconfident and overestimate themself 撚
好期待🤩
覺得係 好識換位思考嘅人 可以短時間內對同一件事有唔同嘅詮釋方法
我identify到蠢人咋🤪
好多聰明/有能力嘅人都低調，唔想俾人知嫁
記嘢好快，騰出黎嘅間又好識得管理，令自己更有系統學嘢。
容易睇穿人事物既可取/不可取之處
言簡意駭
經常思考
羨慕
真心覺得自己蠢
成日聽野都要諗一陣先get到講乜
有方法做到自己想做既野，live up their own moral code
想post我段youtube片不過見到d reply都係算數😂
They don’t need Mensa, they simply build great things