唔知大家點樣定義聰明嘅人？
有冇例子可以分享吓？😂
例如聰明嘅人鍾意獨處or有啲特定愛好？
有冇可能細個一般般
大個咗又聰明返？
或者調轉細個好聰明
大個咗又變返一般般呢？
IQ有冇可能透過後天做某啲行為而家改變呢？
e.g. 學音樂？學數學？學語言？
唔知聰明嘅人會唔會覺得自己聰明呢？定係聰明嘅人會覺得自己蠢or唔夠聰明呢？ 😂
有冇Mensa member解答下？🤓🤓
IQ130左右
小學好多問題問，問到老師覺得我好蠢，被標籤係垃圾，所以冇心向學。同埋我有個習慣，就係要知道點解唔得。老師如果解釋唔到原因，我會故意做錯去搵答案。咁令到老師更加覺得我係極之頑劣。
中學老師好，成績穩步上升，一直到高中班主任認為我係資優。
細細個就對身邊嘅人好敏感，幾乎佢講A就估到佢之後係講b,c....
高中開始多同唔同人接觸，開始感受到自己學嘢諗嘢比人快好多，一學就識舉一反三，仲即刻可以教埋啲未明嘅人。
有時做嘢遇到一樣叻嘅人好開心。
出嚟社會做嘢IQ高冇乜用，毅力決心甚至善良都比IQ重要好多。因為大部份工作都係要經歷無數失敗，捱得過失敗先搵到成功。
其實IQ高只係CPU 快
CPU快未必一定係好事
但部電腦好唔好用視乎你用佢做乜
如果你用高轉速CPU 做普通運算
高能耗高散熱，故障率高，反而得唔到普通人期望的結果
IQ係CPU, 人生態度、性格係OS、專注力係Ram
IQ高低都好難以有大改變
決定成就最後高度嘅往往係其他可控因素
我仔無130，但算superior range
喺香港問得多問題都會比老師嫌棄，早幾年學攀石，個阿sir嫌佢問得多問題，就算佢排第一，次次都唔比佢爬先
呢類挫折遇得多令佢越黎越唔多想問嘢，除非真係遇著個有耐性有愛心嘅老師
當時佢仲細，有開解佢，佢宜家會識得睇情況睇咩人先決定問唔問，更多時候自己google算😂
我欣賞識問問題，用自己方法揾答案的人，科學家都是由別人看來微不足道的問題去揾出答案，去發明和創造
實際上會好煩😂
我工作上就撞過好多次板，成日惹同事側目
但我知道我冇錯，因為我要知道點唔得先知道點改善，同埋要知道萬一真係做錯要點補救。最難聽嘅講法，好多時所謂唔同，只係佢個人唔得。
完全同意 除非你IQ真係突破天際
如果唔係100同130有時運緊要過智商
有時特別係已發展社會 EQ好多時重要過iq
IQ 高轉得快 一個人行得幾快都無用
一群人行先行得遠😮💨
當然IQ140以上果啲有時個劇本就唔一樣（首先要有人發現倒，而且ADHD不太嚴重）
除咗學術同頂尖技術
大部分情況都係靠其他優點去撐，iq高都冇特別優勢
但去到燒腦問題時真係明顯唔同
有個好印象深刻嘅比喻：喺蒸發火車頭入面，10桶99度嘅水，比唔上一桶100度嘅水。你覺得差少少，其實就係做到同做唔到嘅分別