📌 唔知有冇人明ACL
共 80 條紀錄
唔知有冇人明
ACL斷左第17日
行得走得，正常生活
但4月尾就做手術
個種明明行得走得但要做手術嘅矛盾心情
做完手術就真係唔行得幾個月
😵💫😵💫😵💫
係咪真係有必要做手術？
見你都做開運動，都係做手術好d。
斷咗acl最大問題系剎停自己果陣會膝關節大幅度位移，半月板&膝關節其他韌帶會傷得多d。
有啲人覺得唔做手術，其實都可以
因為只需要將啲肌肉練返強壯
但係都有醫生講過 其實去到年紀再大啲，肌肉會慢慢流失，到其時因為冇咗前十字韌帶嘅幫助 膝頭哥關節退化嘅速度係會比平常人快
因為我都有斷過，都做咗手術
其實做完手術之後只要護理得好啲，同埋勤力啲去做Rehab
個功能同冇斷，真係差不多
放心，呢個其實都算係簡單嘅手術
睇你icon又做開瑜伽
其實之後郁返個關節嗰啲活動度
對你嚟講應該冇乜難度
最辛苦我估應該就係練返啲肌肉力量

大部分人都會揀做手術！
但我認識一位物理治療師，佢支持ACL斷咗唔一定要手術(因為有研究證明，靠運動係可以重建ACL
我都有一個客人，佢斷咗ACL
唔靠手術下，前十字韌帶自然生翻埋🫣
當然要問吓專業意見，需要可以Dm介紹
ACL重建無需要急住做
消炎消腫操下肌先仲好
未決定好可以睇多排先
最重要係手術後勤力操練
Hea住訓練仲衰過唔做手術
斷咗就算消咗炎行到，之後唔做手術的話你預咗做運動1年會啪到膝頭3-4次，然後會keep住每次行唔到幾日（做完手術過來人分享），做完手術1個月內甩拐杖，4個月內做得返運動
當然可以唔做手術，姜濤「話」自己無做，但佢都可以照樣打籃球和開演唱會。
我斷過但我選擇馬上排期做
1. 如果你做開運動 同會做啲轉向嘅動作
都係做好啲
不過你做之前可以已經搵定物理治療師做prehab 做完個恢復會快好多
2.保守治療係適合大年紀啲 少啲運動同埋少轉向嘅人多啲
3.至於而家有個新嘅protocol話會自然生返埋
係斷左之後4-7日就開始嘅喇 所以而家都過晒
有問題可以隨便問 🫡
5年前裂咗少少，已經發覺好唔穩定。休養左接近年半（中間唔踢波行山，只練肌肉）感覺完全康復。
但踢咗半年波又「啪」多一次，今次需要9個月。之後踢番波
直至今年年頭跳起落地又扭一扭又抖兩個月
過來人話比你知如果斷哂就做啦，斷唔哂（eg 斷左50-70%）都要做。如果唔係運動生涯得番游水。
手術後堅持rehab同樣重要
因為工作上暫時唔可以病假一個月 所以等11月升左職先做
醫生建議如果做運動 經濟許可/有保險 一定要做 當你唔做 你唔會夠膽跑步/跳 轉向 雖然做完都會驚 但點都好d 我而家都啱啱做完一個月 可以唔用拐杖行路 慢慢做rehab 加油！
後生既 建議都做啦 長遠唔會後悔
我都岩岩做完個令星期🫠
頭幾日係苦啲 但一定值
你仲要係會做運動既人
加油🙏🏻🙏🏻🙏🏻
斷左唔知 訓左三日醫院
個一個月行得跑得跳得 出report full tear重唔信
斷左去做之前個陣醫生有講
大腿呢刻肌肉強係可以唔做
但會提早關節退化
術後有條件既擺架單車係屋企勤d做Rehab
個feel好似全新好緊既野你要慢慢同佢夾咁
我大約4個月就踢得番波 同以前冇乜分別
左右ACL 都斷左嘅過來人，右腳有做手術，但復原過程非常慢長及辛苦。到左腳斷acl 時同骨科醫生商量過，唔係必需要做手術（而且經歷右腳手術已經決定唔會再受嗰種苦）。而家keep住每星期有練波，主要係自己小心動作唔好太劇烈，及斷裂後多啲練大腿肌肉。以上純粹個人經歷，祝你快啲好番！
做完任何手術都記得搵專業人士做返相關復康運動
尋日有個客就係一年前做完十字韌帶手術之後因為膝頭哥痛過嚟做舒緩
佢有問點解個膝頭哥行路扯住扯住咁樣
問咗佢有冇去搵物理治療做復康佢話冇
做完任何手術，如果冇大問題嘅最好盡快做復康運動，令到自己身體機能快啲恢復
我後悔做咗 因為我未斷晒 但屈埋隻腳嘅時候用小腿發力會見到勁骨向前郁😅法國醫院醫生話唔使做 但最終都做咗 喺大口環醫院 11點入去唔記得幾點出返來 唔夠 5分鐘再入返去做到成10 點鐘 因為佢發現某啲儀器少咗啲配件 🫣留咗就我隻腳裏面 仆佢街出返嚟隻痛撚到仆街 成晚瞓唔到 第二日隻腳腫到一點 六年前 徑骨位神經受損 現在上5寸下5寸嗰個位舊肌肉仲有少少痹嘅 😅仲有如果你想要屈曲到好似以前一樣 你要忍痛同埋用力屈佢 不過依家都可以屈到可以踎喺度 😆
ACL從來都唔係令到你行唔行到 跳唔跳到 主要作用係穩定 同埋傷後對心理上嘅影響都好大 有啲球員唔手術經過訓練都可以繼續上返場
Partial tear 左1x年路過。係會平日鬆d,但冇reconstruction 就要靠平日努力做gym. 一唔做你會feel 到流失肌肉好快。同埋都傷ed半月板了。總之，做同唔做，我覺得都係要努力做gym啦
我partial tear 冇做手術，train 左就黎一年，仲fit過未受傷個時
醫生評估過淨返個半條，都係話可做可唔做手術，試下training 強化膝頭睇下夠唔夠用，train完都係唔穩陣先做再決定。我都係keep住做物理治療（運動治療）再自己加操。
未必要做架，老爸斷左30年都係咁，30年前邊有話做就做，咪日日行山買餸
我明 依家train返可以跑到步 但下星期做手術 又要重新練過🥲
我明。
9月5號斷ACL當日打波斷咗，食埋中午先去睇醫生，睇完醫生做之後做咗3日物理治療可以正常行路跑步。
第四日MRI出結果右膝前十字韌帶斷咗，第二個星期正常打波，感受到膝頭位置唔穩定。
之後個人原因安排咗1月21號重建，今日已經係手術後2個幾月。
做唔做手術睇個人情況，如之後唔再做劇烈運動，可以選擇唔做，因為唔影響基本生活。
如果想做返運動，手術係最好嘅選擇。
睇你點樣定義正常，我俾一俾我情況你參考。
1.唔使用拐杖一個星期就唔洗用。
2.完全直晒隻腳行路要差唔多一個月。

我一月尾 Feel到 膝頭唔太舒服 -休息搓下 發現有少少腫 跟住忍到番屋企 再再睇下 真係關節位發炎 積水 ， 跟手 第二日 想落床起身時 。突然 右腳 一野 跪左 ，隔一陣慢慢可以企番起身 ，自此 肯定係 ACL有事 ， 2日消腫後 同公司 傾 工作崗位 ，期間避免做太多需要屈膝 重力工作
到我約見台灣運動醫學骨科 係跪低一個月後既事 ，照完MRI 證實 ACL 斷 ，而斷開位已縮成一佗 醫生仲話 先天比正常幼DD所以會更易斷 ， 亦有講 可保守治療，有需要想開就開刀 ，
但我仍想做有強度運動 ，所以 依家有戴護膝， 同準備資金 盡快 做手術。
的確係可日常生活 ，但再細心啲 感覺到 鬆弛 唔穩，仲會隨時加深 其他肌肉 韌帶 代償 損耗既程度
以物理治療角度會睇返你嘅功能性同運動需求。
如果而家行得走得就可以睇下應唔應付到自己運動需求。
另外決定做唔做手術都好，都需要做rehab，預防受傷。
祝你早日康復💪
唔想成世個膝頭鬆泡泡，做運動提心吊膽，都係要做嘅
當然要徵詢專業意見，不能一概而論
主要睇你做唔做得多要轉向既運動 例如籃球網球 btw做手術可搵容樹恒教授
差不多三十年前，公立醫院已經替十字韌帶完全撕裂的病人做重建手術，之後交由物理治療師做復健。
在私家見到病人，經過和他們分享香港有錢冇錢不是問題，公立醫院也可以替香港市民做好一個手術。
物理治療是必須，但是只做物理治療：即使資源缺乏的HA, 也不會拒絕為病人做手術。
祝你早日康復💪
點發現斷左？我發覺自己膝頭哥急停嗰陣時都會啷啷吓但係唔痛。
卡卡左兩聲 之後膝頭腫晒 第二日係膝頭抽左兩支血出黎
以前斷親都會叫你做手術，但最新研究係話，ACL需否重建手術好視乎個人日常需要，如果經常運動，跳跑突停呢啲，最好都係做咗佢
我有個friend斷咗10幾年，一樣跑100公里比賽，但係最後都發現年紀大咗隻腳好似唔係好控制到真係要做，早做早安心後生D 做Recover快啲。
唔做個joint 會退化得好快，同埋之後如果之後會做劇烈運動個膝頭會好痛同埋唔穩陣🙈
我而家係Day 21🙂↕️
做，不然之後會後悔…
我斷過兩次了。
🫶🫶🫶💪💪💪
本身膕繩肌係會幫手ACL嘅功能，
所以斷咗ACL，而你又好努力練肌肉嘅話，基本上係無問題；
但如果你做開運動，需要急轉急停嘅話，咁你膝頭就會食晒啲力，好易再受傷或勞損，好似做好過唔做；
如果唔做，你肯練都會有另一問題...
就係當隨著年紀大，無咁勤力嘅時候，先覺得膝頭鬆考慮手術時，可能復康又無年輕時咁好
無ACL 完成marathon do consider other factors after surgery