唔知有冇人有同感
每次買嘢屋企人俾錢嘅時候都會有種罪惡感 特別係買電子產品 好似佢哋幾個鐘甚至一日搵到嘅錢 一下俾我用晒 好似近排 我返學需要部laptop 雖然我係有部 但係用得太耐 如果我唔係插住用 基本上個半鐘玩完 但係仲係好順 完全冇其他問題 然後同屋企傾開佢哋就叫我買部新嘅 自己就睇咗部 又有特價 雖然有特價 同埋以4千靚5千蚊嘅電腦嚟講 都唔係貴 但係硬係覺得無啦啦要佢哋洗幾千蚊喺我身上 自己有種愧疚感 有種對唔住佢哋嘅感覺 好似佢哋好辛苦咁喺出面賺錢 我一嘢就揈晒 雖然係有需要 但係又唔係真係咁需要 即係唔係冇部新嘅唔得 同埋買完考唔到好成績就覺得好對唔住佢哋 要佢哋買咁貴嘅嘢俾我但佢哋都得唔到回報 喺買任何野之前我都要諗好耐 好驚買完返嚟我又三分鐘熱度 又要佢哋浪費錢 好多時自己都有諗過自己俾錢買 但係無奈我又冇能力

屋企人其實都係想盡辦法比好既環境你讀書，相信佢地都唔係要你必須要有好成績。記住而家感覺，用珍惜既心去使用，將來有機會時再回饋比屋企人，就夠啦。Enjoy你既少年時代🫵其他野交比大人諗啦～