📌 唔識就問脆：話說
共 39 條紀錄
唔識就問脆：
話說我被勾車後，終於都收到法庭嘅信，有七封咁多🫠
跟住有個認罪書要簽，見到要我寫低要求輕判嘅描述，好奇有冇大佬分享吓勾車被告嘅經驗，份認罪書應該點寫🥲
感謝各位師兄嘅留言，我再講多少少先
我睇錯咗原來淨係得六封
其實呢六封信就係告我六樣唔同嘅嘢，分別係以下項目：
- 可播放預製錄影的裝置（大螢幕車機）
- 車牌唔係政府字
- 細燈用咗led
- 條喉改大聲咗
- 排氣超標
- 左尾牌照燈燒咗
條喉就我就真係無得駁，但係車牌，led，真係有啲講唔過，我車牌係搵Ming Plate做㗎喎，冇記錯係揀到個佢網站話可以驗到車嘅字
led更加唔使講啦，我又唔係買嗰啲超級爆光嗰種
尤其是個大螢幕車機，我都冇駁線，冇後車cam，都冇駁到個parking線，所以其實佢係應該播唔倒片🫠🫠
不過我係諗如果將呢啲理由都寫曬落去，佢係唔係會要求我想庭交證據
如果會搞到好麻煩嘅話我不如就咁認曬佢算了🥲🥲
環保最貴 罸番幾千蚊當交改裝稅
嗰陣時我俾人勾車
屈鳩我中至尾改裝
中鼓催化都原裝係尾有少少聲
我直接攞返一樣喉驗
啲仆街驗車佬我要攞支一至批撩我車底話我車底霉爛
不過個次同老隱玩左幾轉
罸錢事少驗唔番事大
始終都有第一次yeah
環保一定架啦🫠🫠 講真，我條喉同你一樣，熱車後根本冇事，係凍車先唔得
好多家庭車凍車中廢氣
我有個朋友連續三次中
但係次次驗車都合格
直頭上去運輸署屌佢老母

送佛送到西
求情信草擬範本（參考用）
裁判官閣下：
本人 [你的姓名]（身份證號碼：[你的號碼]），就上述案件編號之控罪，決定承認所有控罪，並在此向法庭表達深切的悔意。
本人明白維持道路安全是每一位駕駛者的責任，而車輛的改裝必須嚴格遵守《道路交通（車輛構造及保養）規例》。對於本人因對法例細節認知不足，或因一時好奇而對車輛作出的改裝，本人已深感悔疚。在此，本人希望懇請 閣下考慮以下因素，對本人予以輕判：
本人自取得駕駛執照以來，一直保持良好的駕駛紀錄。今次是本人首次觸犯相關條例，本人在收到傳票後已即時決定認罪，並願意承擔法律責任，並無意圖浪費法庭時間。
自車輛被扣留及收到驗車報告後，本人已立即將車輛送往維修店，將所有違規部分（如：[列出部分改裝，例如避震、排氣管、燈光]）全數還原至符合法例標準，並已通過運輸署的重新檢驗。
本人目前從事 [你的職業]，平時需要車輛 [例如：往返偏遠工作地點 / 接送年邁父母 / 生計用途]。本人家庭負擔較重 [如有]，今次事件已對本人的心理及經濟造成極大教訓。
承諾： 本人向法庭保證，日後必定會嚴格遵守交通法例，在進行任何維修或保養前先諮詢專業意見，確保車輛百分之百符合安全規格，絕不再犯。
基於以上理由，本人請求 閣下考慮到本人是初犯且已有實際悔改行為，能給予本人改過自新的機會，予以寬大處理，從輕發落。
被告人簽署： ____________________
日期： 2026年 [月] [日]
Damn, 佢畀我嗰份認罪書係就咁樣劃咗條線，要我寫低「要求輕判的理由」，就咁樣一條橫線
Btw 感謝師兄🫰🏻
輕判描述寫無就得，因為無論寫乜都唔會輕判，仲有判既結果都係罰$，同每條罰幾多$都係海鮮價每次唔同金額
要知道那些地方唔得才有得寫，黑玻璃與壞迫力既寫法就完全唔同
佢告咗我下面呢啲嘢
- 可播放預製錄影的裝置（大螢幕車機）
- 車牌唔係政府字
- 細燈用咗led
- 條喉改大聲咗
- 排氣超標
- 左尾牌照燈燒咗
如果係呢啲咁會係點寫😮💨
首 5 項可以賴車房話去求情；第 6 項上年驗車時合格，沒有專業儀器所以肉眼看不出；第 7 項真係司機無做好檢查就開車，認衰仔
同個官講連中國都冇咁嚴
香港作為中國一部份
竟然有唔同標準，龍門任搬
用過時標準無理罰款市民
是次罰款係咪有違國家發展大局
有違國家政策需「以民為本」的根基
阻止市民與大灣區/祖國融合之嫌
寫完都係冇用🤣嗰陣時又係6封 每封寫咗一大段字咩已經還原 返工好忙以後會勤保養 最後每封600🫠
可能都照寫下啦，最衰嘅就係呢次幾乎係我啱啱驗完車做完車牌就畀佢勾
我掉翻轉 嗰陣時就嚟完牌費未驗車 搞到之後大欖涌驗完又要再用T牌去驗車中心再驗
咁你仲慘啲🫠
其實講真除咗條死氣喉之外，其他佢告我啲全部都好小事🙃
https://youtu.be/SyoJdx0w9B4?si=N5kDHaB4lkVNQ4VP
我都諗緊係咪就咁寫初犯以還原有悔過之意咁樣啲類似嘅字
但佢有啲我又真係想咬下，比如佢告個大螢幕車機，但我當其時啲線根本就冇駁到，係播唔到片
書面認罪，唔好寫求情，唔寫字反而低價成交，你寫字叫個官睇反而收得更貴，食你就食硬
我就無咁好氣既，全部都係寫我認罪就算Q數😂
大燈細燈個Part Led除非原裝已經用，否則你裝黎都係比佢罰錢。
大面版你出去搵鋪頭裝個暗制可以有需要既時候熄左佢啦（勾車個時問你有無暗制，咁你識答架啦?）
車牌無咩野就用返最基本既政府字，同正常Size牌。佢同你講合格批唔批都係個驗車佬話事。
喉就睇你真係有幾大聲，唔太過份都應該Pass既，廢氣就睇你係穿左定無摧化。
你個啲最低300蚊一項起。
「法官大人，今次非法改裝一事我已痛改前非，承諾下次不會再比警察追到」